მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აი, ეს შიშია ანტიქრისტე! ქრისტე კი არის იმედი, სიყვარული, სიხარული, სინათლე და დაუსრულებელი ბედნიერება!
15:27 / 12-04-2021
12 აპრილიდან „ბიბლიის განმარტებების“ 21-ე ტომს შეიძენს მკითხველი გაზეთ „კვირის პალიტრასთან“ ერთად. გთავაზობთ უკვე ტრადიციად ქცეულ ბლოგს, რომელსაც სპეციალურად ჩვენი საიტის მკითხველისთვის, „ბიბლიის განმარტებების“ პროექტის ავტორი და მთავარი რედაქტორი, თამარ მამაცაშვილი ამზადებს:
21-ე ტომში „მოციქულთა საქმის“ და „იაკობის ეპისტოლეს“ განმარტებები შევიდა. როცა „საქმე მოციქულთაზე“ მუშაობა დავიწყეთ, საოცარი განცდა იყო - დასრულდა მამისაგან შობილი ძის კაცებრივი ცხოვრება და დაიწყო მამისაგან გამომავალი სულიწმინდით განსხივოსნებულ კაცთა, წმინდა მოციქულთა, მოღვაწეობა - სადიდებლად უფლისა, ნუგეშად კაცობრიობისა.
ეს კაცები - ჩვენსავით ქმნილნი და არა მამისგან შობილნი - ძის მსგავსად, საკუთარი არჩევანით და ღვთის მადლით (არა ბუნებით) უფლის ძეობას მოიპოვებენ, ახალი აღთქმის ეკლესიას დააარსებენ და მერე... მერე მთელ მსოფლიოს მოჰფენენ დიდ უფლისმიერ სიხარულსა და სიყვარულს.
აუცილებლად! ყველა ქრისტიანმა უნდა წაიკითხოს მოციქულთა სასწაულებრივი საქმეების შესახებ - 21-ე ტომში, რომელიც 12 აპრილიდან გამოვა.
***
სიყვარულის წილ სიძულვილი და მტრობა მოგაგეს... გული გტკივა? სული გეწვის? ამას არ ელოდი?
აბა გავიხსენოთ ის დიდებული დღე - ოსანაო, კურთხეულ არს მომავალი სახელითა უფლისათაო ... რამდენიმე დღეში კი იგივე ხალხი ღმერთს გამოუტანს განაჩენს - ჯვარს აცვი ეგო...
მაშ ჩვენ ვინ ვართ, რომ სიყვარულს ველოდებით კაცთაგან? არარაობანი, დაცემულნი, მართლაც არაფრის ღირსნი...
საკუთარ ცოდვებზე ტირილი გვმართებს... მეტი არაფერი...
25 აპრილს ბზობის დღესასწაულია...
***
როგორც ის ვერ გავიგეთ, რა არის ქრისტიანობა, მით უმეტეს ვერ გაგვიგია, რა იქნება ანტიქრისტე და მეორედ მოსვლის წინა პერიოდი.მსოფლიოში არსებულმა განსაცდელმა ბევრი ადამიანი დააფიქრა და შეაშინა, მაგრამ ჩვენი არასწორი ცოდნის გამო, ასევე არასწორად დავფიქრდით და არასწორად შეგვეშინდა...მასობრივი ფსიქოზია ჩიპებზე და ხალხის მოტყუებაზე... ვაქცინებზე, რომლითაც თურმე ჩიპებს შეგვიყვანენ ძალით...დავიწყოთ იმით, რომ ანტიქრისტეს ნიშნის მიღება იმას ნიშნავს, რომ ადამიანი ნებაყოფლობით უარს ამბობს ქრისტეზე, უარყოფს ღმერთს და ირჩევს სიცრუეს, ბოროტებას. ძალით არცერთი ადამიანი არ დაიბეჭდება ამ ნიშნით. თითოეული თავად გააკეთებს პიროვნულ არჩევანს მარადიულ სიცოცხლესა და ამქვეყნიურ კეთილდღეობას შორის. რომელი ჩიპების გვეშინია, ჩემო მეგობრებო? და დღეს რა გვაქვს არჩეული? ვართ კი უფალთან? რამდენი ადამიანი ფიქრობს სულზე, ცხონებაზე? რა ჩიპი უნდა ამ არჩევანს? განა ვინმემ გვაიძულა რამე? ჩვენი ცხოვრებაა უკვე გაკეთებული არჩევანი, ჩვენი ყოველდღიური მიჯაჭვულობა ამქვეყნიურზე, თითქოს აქ ვაპირებთ საუკუნოდ დარჩენას... ჩვენი ისტერიკული შიში დღეს არსებული მდგომარეობის გამო! ავად გავხდებით? გარდავიცვლებით? რამე ახალია ამაში? დიახ, გარდავიცვლებით, ზოგი ახლა, ზოგი უფრო გვიან, მაგრამ ყველანი აუცილებლად გარდავიცვლებით!!! მადლობა ღმერთს, რომ ამაზე ფიქრის შესაძლებლობა მოგვცა მთელ კაცობრიობას! და მაინც, სწორი აზროვნების, სწორი დასკვნების მაგივრად, მხოლოდ ზღვარგადასული შიშით ვპასუხობთ მას! ჰო, ბუნებრივია, რომ გვეშინია - შეუცნობელის შიში ყველას გვაქვს, მაგრამ იმის კი არ უნდა გვეშინოდეს, რომ გარდავიცვლებით - ამას ვერსად გავექცევით ვერცერთი ადრე თუ გვიან - მთავარი საშიშროება, რაც ჩვენ წინაშეა, ის არის, თუ როგორი არჩევანით დავასრულებთ სიცოცხლეს! აბა, ამისი რამდენს გვეშინია? ჩვენი ჩიპი და ბეჭედი ის არის, როგორც ვცხოვრობთ დღეს, როგორც ვფიქრობთ, როგორც ვაზროვნებთ... ჩვენი მეორედ მოსვლაც ის არის, როგორც წარვდგებით უფლის წინაშე... ეს განსაცდელი მხოლოდ იმისთვის უნდა გამოვიყენოთ, რომ მთელი არსებით, მთელი გულით და გონებით ჩავეჭიდოთ უფალს! მივენდოთ ღმერთს! დავიჯეროთ, რომ მას ვუყვარვართ! ისე ვუყვარვართ, რომ ჩვენი გამოხსნისთვის, ჩვენი გადარჩენისთვის, ადამიანური ტკივილები, ყველაზე მძიმე და საშინელი ტკივილები დაითმინა, ჯვარზე აღესრულა და მერე აღდგა მკვდრეთით! და რიღასი გვეშინია, ადამიანებო! სიკვდილი მოკვდა! სიკვდილი აღარ არის! არის გარდაცვალება უფალთან დასამკვიდრებლად! ოღონდ აირჩიე უფალი! ოღონდ დაიჯერე რა! ოღონდ ირწმუნე და არ შეგეშინდეს! აი, ეს შიშია ანტიქრისტე! ეს ისტერიკაა ანტიქრისტე! ეს სასოწარკვეთილებაა ანტიქრისტე! ქრისტე კი არის იმედი, სიყვარული, სიხარული, სინათლე და დაუსრულებელი ბედნიერება!!! ნუ გეშინიათ!!! ნუ გეშინიათ!!! უფალი ჩვენთან არის და ჩვენთან იქნება უკუნისამდე! რაც არ უნდა მოხდეს, ნურაფრის ნუ შეგეშინდებათ! იყოს ნება უფლისა! იყოს ნება ღვთისა! ამინ!
***
ყველა ადამიანს გვაქვს ერთი საერთო რამ - ადამიანური ბუნება, მაგრამ ჩვენ ყველანი დამოუკიდებელი პიროვნებები ვართ. ადამის დაცემისას ადამიანურმა ბუნებამ დაკარგა სამოთხეში ყოფნის ანუ უფალთან თანაზიარების, გადარჩენის, განღმრთობის შესაძლებლობა. მიუხედავად ცალკეულ ადამიანთა პიროვნული ღირსებისა, ადამიანური ბუნების დაცემულობის გამო ვერცერთი მათგანი ვეღარ ცხონდებოდა.
და რა ხდება მაცხოვრის მოსვლისას? უფალი - ძე ღვთისა, მოდის ადამიანური ბუნებითაც (ძე ღვთისას ორი ბუნება აქვს - ღვთიური და კაცებრივი), გაივლის ადამიანური ყოფის ყველა ტკივილს და ჯვარცმით და აღდგომით გამოიხსნის ჩვენს დაცემულ ადამიანურ ბუნებას. ამის შემდეგ ყველა ადამიანს უბრუნდება შესაძლებლობა, რომ განიღმრთოს, მაგრამ ეს მხოლოდ შესაძლებლობაა. ასეთი შანსი გვაქვს ყველას, რადგან აღდგენილი ადამიანური ბუნების მატარებლები ვართ უკლებლივ ყველანი. გამოვიყენებთ თუ არა ამ შესაძლებლობას, ეს უკვე ჩვენს პიროვნულ ღვაწლზე, ჩვენს არჩევანზეა დამოკიდებული.
ამრიგად, მაცხოვარმა ყველა ადამიანი კი არ გამოიხსნა და აცხონა - იესომ გამოიხსნა ჩვენი ბუნება და არა პიროვნება. განღმრთობა კი პიროვნებამ უნდა მოიმუშაკოს - უფლის შეწევნით.
ნეტავ იმას, ვინც შეძლებს ჯვარცმის და აღდგომის სიდიადის გათავისებას! ნეტავ იმას, ვინც შეიგრძნობს მადლსა და წყალობას უფლისა! დიდ ბედნიერებას გისურვებთ ყველას, ადამიანებო!
დამდეგ აღდგომის დღესასწაულს გილოცავთ!
12 აპრილიდან - გაზეთ „კვირის პალიტრასთან“ ერთად, „ბიბლია განმარტებებით“, 21-ე ტომი! არ გამოგრჩეთ!
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
