მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქუთუთოების დაავადება, რომელიც ასაკის მატებასთან ერთად ვითარდება - ოფთალმოლოგი განმარტავს რა იწვევს მას და როგორ მკურნალობენ
19:10 / 28-03-2021
ადამიანს ასაკის მატებასთან ერთად, ხშირად ქუთუთოების გარშემო კანი ნაკეცებად ეკიდება. მართალია, ეს ტკივილს არ იწვევს, მაგრამ სარკეში ჩახედვისას ადამიანს უსიამოვნო ემოციები ეუფლება.
რეალურად რასთან გვაქვს საქმე, რა იწვევს ამას, არის თუ არა საშიში და არსებობს თუ არა ამისგან თავის დახსნის საშუალება, ამაზე ექიმი-ოფთალმოლოგი ია ვარდანაშვილი გვესაუბრება.
„ეს ზედა ქუთუთოების კანის ორმხრივი ატროფიაა. მას ბლეფაროქალაზისი ჰქვია, რა დროსაც ქუთუთოს კიდეზე პარკის სახით კანი ნაკეცებად იკრიბება და ეკიდება. იგი კოსმეტკური დაავადებაა და კუნთის ფუნქციის დარღვევით არის განპირობებული. ის ასაკის მატებასთან ერთად ვითარდება თანაბრად, როგორც ქალებში, ისე - მამაკაცებში.
რა თქმა უნდა, თანამედროვე ეპოქაში, როდესაც ასე სწრაფად ვითარდება პლასტიკური ჩარევის ტექნოლოგიური პროცესები, ადამიანები ხშირად ამ პრობლემის მოსაგვარებლად მკურნალობასაც მიმართავენ. ადრეულ წლებში ეს ყველაფერი მხოლოდ ქირურუგიული ჩარევით გვარდებოდა, რომელსაც შემდგომ ხანგრძლივი რეაბილიტაციის პერიოდი ახლდა. ამჟამად არსებობს ულტრათანამედროვე აპარატი Plasmage, რომელიც საშუალებას იძლევა, უფრო ხანმოკლე გახადოს პოსტპროცედურის პერიოდი და შედეგიც ხანგრძლივად შენარჩუნდეს.
- საქართველოში ხდება ამ აპარატის გამოყენება?
- კი, ჩვენ ვიყენებთ მას კანის სხვადასხვა კეთილთვისებიანი წარმონაქმნების მოსაცილებლად, მაგრამ მისი მთავარი დანიშნულებაა პროცედურა, სახელად ბლეფაროპლაზმა (არაოპერაციული გზით ზედმეტი კანის „აორთქლება“ ზედა, ან ქვედა ქუთუთოებიდან) და ასევე ქსანთელაზმების არაოპერაციული გზით მოშორება-შემცირება.
- რა შემთხვევაში კეთდება ეს?
- ასაკის მატებასთან ერთად, კოლაგენური ბოჭკოები იფიტება, რის შედაგადაც კანის ტონუსი დუნდება. ხშირ შემთხვევაში, როდესაც პლასტიკური ქირურგია ნაადრევია, ან პაციენტს არ სურს ქირურგიული ჩარევა - შეგვიძლია „გამოვასწოროთ“ ქუთუთოების მდგომარეობა პლაზმაჟით, თანაც ეს პროცედურა ქირურგიულ ჩარევასთან შედარებით, ბევრად სწრაფი რეაბილიტაციით გამოირჩევა. ამ დროს ხდება კოლაგენის სინთეზის გააქტიურება და კანის საერთო ფართობის მნიშვნელოვანი შემცირება. ასეთ დროს შემაერთებელი ქსოვილის მოდუნებული ბოჭკოები იჭიმება, რის შემდეგაც იმატებს კანის ტონუსი, რაც მას მეტად ამკვრივებს. კანი ახალგაზრდავდება, ქრება ნაოჭები და კანის ფერი, სტრუქტურა უმჯობესდება.
აღნიშნული აპარატი ასევე წარმატებით გამოიყენება ქუთუთოებზე ერთგვარი ცხიმგროვის სამკურნალოდ.
- რა ასაკში ტარდება?
- ბლეფაროპლაზმის შემთხვევაში ასაკს არსებითი მნიშვნელობა არ აქვს. გვყოლია როგორც 30 წლამდე ასაკის პაციენტები, ასევე 75 წელს გადაცილებულებიც.
- მტკივნეულია თუ არა ეს პროცედურა და რამდენ ხანს გრძელდება?
- პროცედურა ადგილობრივი ტოპიკური გაყუჩებით ტარდება, ლიდოკაინის და პრილოკაინის შემცველი კრემის მეშვეობით. გამაყუჩებელი კრემის აპლიკაცია დაახლოებით 45 წუთი, შემდეგ თვითონ პროცედურა დაახლოებით 30-45 წუთის განმავლობაში გრძელდება.
- ე.ი. პაციენტებს შორის ამ პრობლემით ქალებიც გაკითხავენ და მამაკაცებიც?
- რაც შეეხება ესთეტიკას, მაგალითად, თვალის გარშემო კანის გაახალგაზრდავებას - რა თქმა უნდა, ქალები. ხოლო, რაც სამედიცინო დანიშნულებას, მაგალითად, ქსანთელაზმების, პაპილომების და კერატომების მოშორებას - ბოლო პერიოდში რაც გაჩნდა ამ პრობლემების არაოპერაციული გზით მოგვარების შესაძლებლობა მამაკაცებიც უფრო ხშირად მოგვმართავენ.
- ეს ყველაფერი მხოლოდ თვალის არეში ხდება?
- როგორც ოფთალმოლოგი თვალის არეზე ვმუშაობ, თუმცა ამ აპარატის გამოყენება პრაქტიკულად შეუზღუდავია და შესაძლებელია კანის ნებისმიერ მონაკვეთზე.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Sad sheidzleba rom gaviketo
რა საინტერესოა, მეგონა ეს პრობლემა არ გვარდებოდა. გმადლობთ სტატიისთვის.