"ხათუნას დილითვე ვკითხე და არც ახსოვდა ამ კომპანიების არსებობა" - რა ხარვეზი უპოვეს ზურა ხაჩიძეს ქონებრივ დეკლარაციაში და რას პასუხობს მომღერალი კვლევას?

"საერთაშორისო გამჭვირვალობა - საქართველომ" სახელმწიფო რწმუნებულის ადმინისტრაციების თანამდებობის პირთა 2020 წელს შევსებული დეკლარაციები შეისწავლა, რის შედეგადაც გაირკვა, რომ 46 მოქმედი და ყოფილი თანამდებობის პირიდან დეკლარაცია ათმა ხარვეზებით შეავსო.

ამის შესახებ ნათქვამია „საერთაშორისო გამჭვირვალობა - საქართველოს“ მიერ გავრცელებულ ინფორმაციაში. მათივე ცნობით, 7 შემთხვევაში თანამდებობის პირს კერძო კომპანიაში არსებული წილი მართვის უფლებით სხვა პირისთვის არ გადაუცია; 4 შემთხვევაში კი, საერთოდ არ აქვს დეკლარირებული მისი ან/და ოჯახის წევრის საკუთრებაში არსებული კომპანიები.

კერძოდ, "საერთაშორისო გამჭვირვალობა - საქართველოს" ცნობით, სამცხე-ჯავახეთის სახელმწიფო რწმუნებულის მოადგილე, ზურა ხაჩიძემ 2020 წლის აგვისტოში შევსებულ დეკლარაციაში არ მიუთითა, რომ მისი მეუღლე ნატალია ჟორდანია არის დირექტორი და ფლობს წილებს შემდეგ კომპანიებში: შპს “ივენთ კომპანი ნან - Event Company NAN” - 50% წილი, დირექტორი და შპს “ტრანსატლანტიკი და პარტნიორები” - 25% წილი. არასამთავრობო ორგანიზაციის შეფასებით, ეს საჯარო დაწესებულებაში ინტერესთა შეუთავსებლობისა და კორუფციის შესახებ კანონის დარღვევაა.

ზურა ხაჩიძეს Ambebi.ge კომენტარის ჩასაწერად დაუკავშირდა:

რწმუნებულის მოადგილის თქმით, მის ტელეფონზე სატალებონო ზარები დილიდან არ გაჩერებულა. ამბობს, რომ ეს მხოლოდ მცირე ხარვეზი იყო და მეუღლეს უბრალოდ არ ახსოვდა ამ კომპანიების არსებობაც კი, რადგან დაარსებიდან დღემდე არცერთი არ ყოფილა მოქმედი.

ზურა ხაჩიძე: - ხათუნას არ ახსოვდა ამ კომპანიების არსებობა. ვინც ეს კვლევა ჩაატარა, გამოიძია და ბოლომდე მიჰყვა, ისიც უნდა ენახათ, რომ არცერთი ლარი არ აქვს ამ კომპანიებს სარგებელი. რეგისტრაციის შემდეგ აღარ გაგუგრძელებიათ სამეწარმეო საქმიანობა.

დილას რომ დამირეკეს, ხათუნას მაშინვე ვკითხე და არც ახსოვდა. ორი წელია საჯარო მოხელის დეკლარაციას ვავსებ და ამ კომპანიებისგან ლარი არ აქვს ხათუნას სარგებელი, თორემ მივუთითებდი რა პრობლემაა.

რაც შეეხება კომპანიებს, ერთი იყო საქველმოქმედო ფონდი, რომლითაც მეგობრები აპირებდნენ, რომ კარგი საქმეები ეკეთებინათ, არც ვიცოდი მე ამის შესახებ არაფერი. არც ის ვიცი, როდის გაკეთდა და არც მახსოვს, რომ დაფუძნებაში ხათუნა მონაწილეობდა. მეორე კი ივენთ კომპანიაა, საიდანაც არანაირი შემოსავალი არ ჰქონია ხათუნას. ბოლო ორი წლის მანძილზე ისეთი რაღაცები მოხდა, რომ ხათუნასაც ვერ გავამტყუნებ რომ არ ახსოვდა.

- ხათუნამ ხომ არ ინერვიულა?

- მთელი დღეა არ ჩერდება ჩემი ტელეფონი. მე ასე მძაფრად არ ვაწვდი ინფორმაციას, არ ვეუბნები. სანერვიულო არაფერია, უბრალოდ გამორჩა, არ ახსოვდა.

- კრიტიკაზე რეაგირებთ ხოლმე ოჯახი...

- ხათუნა ნერვიულობს ბუნებრივია როცა არასამართლიანს გვაბრალებენ რამეს ან არასწორი ინფორმაცია ვრცელდება. აქაც ზუსტად ეგ შემთხვევაა, ნაწილობრივ მართალია, რომ შპს და საქველმოქმედო ფონდი გახსნილია, უბრალოდ არცერთი არ ფუნქციონირებდა. ხათუნას ისეთი დაავადება აქვს ვერ მოვთხოვდი და ვეტყოდი, რატომ არ გახსოვს-თქო.

მადლობას გადავუხდი ჟურნალისტებს რომ ცალმხრივად არ გააშუქეს და მომცეს კომენტარის გაკეთების საშუალებას. ზურა ხაჩიძის 2021 წელს შევსებულ დეკლარაციაში ვკითხულობთ, რომ საჯარო მოხელეს 2007 წელს ბანკის 70 000 კრედიტით შეძენილი ბინა აქვს ანჯაფარიძს ქუჩაზე. მის მფლობელობაშია ასევე მუბუქი ავტომანქანა ტოიოტა "პრადო", რომელიც 2012 წელს კრედიტის საშუალებით შეიძინა და 50 000 დოლარი გადაიხადა. 2020 წელს როგორც ჯგუფ ქუჩის ბიჭების სოლიტს 50 000 ლარი ჰქონდა შემოსავალი.