კრისტიან დანიელსონი საქართველოში კვირის ბოლოს ბრუნდება - "დროა გაკეთდეს აუცილებელი კომპრომისები..."
ევროპული საბჭოს პრეზიდენტის შარლ მიშელის ინფორმაციით, მისი პირადი წარმომადგენელი კრისტიან დანიელსონი საქართველოში კვირის ბოლოს ჩამოვა. ამის შესახებ მიშელი სოციალურ ქსელ "ფეისბუქში" წერს.
როგორც მიშელი აცხადებს, დროა გაკეთდეს აუცილებელი კომპრომისები.
"მე შევაფასე უკვე მიღწეული პროგრესი საქართველოში ჩვენი მედიატორობით სპეციალურ წარმომადგენელთან კრისტიან დანიელსონთან.
დროა გაკეთდეს აუცილებელი კომპრომისები საქართველოს მოქალაქეების ინტერესების გათვალისწინებით.
კრისტიან დანიელსონი ამ კვირის ბოლოს დაბრუნდება საქართველოში, რათა გააგრძელოს მედიაცია ყველა მონაწილე მხარესთან", - წერს "ფეისბუქზე" მიშელი.
ცნობისთვის, შარლ მიშელის პირადი წარმომადგენელი კრისტიან დანიელსონი საქართველოში 12 მარტს ჩამოვიდა. მან ცალკ-ცალკე გამართა შეხვედრები ოპოზიციისა და მმართველი გუნდის ლიდერებთან.
ასევე, მისი მედიაციით გაერთიანებულ ფორმატში შეხვედრა ხელისუფლებასა და ოპოზიციის ლიდერებს შორისაც შედგა, თუმცა პროცესი კონკრეტული შედეგის გარეშე დასრულდა. კრისტიან დანიელსონმა საქართველო 19 მარტს დატოვა.
LIVE - ეთერშია გადაცემა "პოლიტNEWS"
"გარანტიას ვაძლევ "ოცნებას", ეს იქნება გლობალური მასშტაბის უსერიოზულესი პოლიტიკური სკანდალი" - ანა დოლიძემ პროკურატურაში სარჩელი შეიტანა
