"რა ორშაბათიდან? წადი, ბიძია, ამ საღამოსვე გაიქეცი გერმანიაში, შვეიცარიაში, ავსტრიაში... ვინმე ღვთისნიერი მარკშეიდერს გამოგაყოლებს" - ჟურნალისტი მერს მიმართავს

ჟურნალისტი დაჩი გრძელიშვილი ვაშლიჯვრის ტერიტორიაზე მეწყერული პროცესების განვითარებასთან დაკავშირებით თბილისის მერის კახა კალაძის განცხადებას ეხმაურება და დედაქალაქის მერიას მიმართავს:

"ორშაბათიდან რა, სიგარეტისთვის თავის დანებებაა?? - წადი, ბიძია, ამ საღამოსვე გაიქეცი გერმანიაში, შვეიცარიაში, ავსტრიაში... სავსეა მსოფლიო ჩვენზე ჭკვიანი ხელისუფლებით, ვინმე ღვთისნიერი იქნება და გამოგაყოლებს ვინმე მარკშეიდერს. ხო, ფსიქიატრიც გვჭირდება-თქო, შეეხვეწე.

თბილისის მერია / Tbilisi City Hall საკუთარი სახლის საძინებელში, ფანჯრის ნახევარი ამომაშენებინეთ, საპროექტო მონაცემები ირღვევაო, სამჯერ იყავით სამი მანქანით სამი კომისია მოსული. და ბოლოს ბინა მაინც არ ჩაიბარეთ. ჩემს სახლს კი არა, მაგ მთას კი არა - თქვენ გაქვთ საპროექტო მონაცემები დარღვეული. პიროვნული, პროფესიონალური საპროექტო მონაცემები და რაც მთავარია, რამეც რომ მოხდეს, გგონიათ ვინმე აგებს პასუხს?

რა მარადისობის დღე, რა სიყვარულის დღე... ჩვენ უნდა დავაწესოთ არაკომპეტენტურობის დღე - ჭეშმარიტად საერთო ეროვნული დღესასწაული იქნება. ყველა სფერო, ყველა ოჯახი, ყველა კაცი და არაკაცი იზეიმებს", - წერს ჟურნალისტი.

თბილისის მერმა კახა კალაძემ მცირე კომენტარი გააკეთა ვაშლიჯვრის და ნუცუბიძის პლატოს დამაკავშირებელი გზის სიახლოვეს დაწყებულ მეწყრულ პროცესებზე. მისი თქმით, 16 მარტიდან მიიღეს მთელი რიგი ღონისძიებები მოსახლეობის უსაფრთხოებისთვის, გადაიკეტა გზა და მიმდინარეობს ვითარების შესწავლა.

"ამ პროცესიის შეისწავლიან ადგილობრვი სპეციალისტები, თუმცა ასევე ველოდებით გეოინჟინრებს გერმანიიდან, რომლებიც მომავალ კვირას უკვე ჩამოვლენ“, - განაცხდა კახა კალაძემ.