როგორ აპირებდა ჰიტლერი ბერლინის "მსოფლიო დედაქალაქად“ ქცევას - განუხორციელებელი პროექტები, რომლებიც ცნობილ ქალაქებს სრულიად შეცვლიდა

საუკუნეთა განმავლობაში ადამიანები გეგმავდნენ თუ როგორ უნდა განხორციელებულიყო ამა თუ იმ ქალაქის განაშენიანება. ისტორიას ახსოვს არაერთი ასეთი მასშტაბური პროექტის განხორციელება.

დღევანდელ სტატიაში იმ გრანდიოზულ პროექტებზე მოგიყვებით, რომლებსაც დღეისათვის არსებული ქალაქები და მათი ფუნქცია რადიკალურად უნდა შეეცვალა, თუმცა მიზეზთა გამო, ისინი არ განხორციელდა:

• გერმანია (Germania) - მსოფლიოს დედაქალაქი

ნაცისტური გერმანიის ფიურერის, ადოლფ ჰიტლერის ამბიციური გეგმის თანახმად, მას შემდეგ რაც გერმანია მსოფლიო ომს მოიგებდა და ზესახელმწიფო გახდებოდა, ბერლინი მსოფლიო დედაქალაქი უნდა გამხდარიყო.

"ბერლინი გახდება ისეთივე მნიშვნელობის ქალაქი, როგორებიც ერთ დროს ბაბილონი და რომი იყო" - განაცხადა ჰიტლერმა 1942 წელს.

ქალაქის ახალი სახელი გერმანია (Germania) იქნებოდა. პროექტის მიხედვით, ქალაქში უზარმაზარი ცათამბჯენები და ფართო ქუჩები უნდა აშენებულიყო, რისთვისაც იმ დროისათვის ბერლინში არსებული 100 000-ზე მეტი შენობა, მათ შორის ბრანდენბურგის კარიბჭე უნდა დანგრეულიყო.

ჰიტლერის აზრით, ბერლინი პატარა, ჭუჭყიანი და „ზედმეტად ლიბერალური“ ქალაქი იყო, რომელიც გერმანელ ერს არ ეკადრებოდა და აუცილებელი იყო მასშტაბური შენობების, მოედნების, პარკებისა და ბულვარებისა აშენება.

• ახალი ლონდონის განაშენიანება

1666 წელს ლონდონში მასშტაბური ხანძარი მოხდა, რამაც ქალაქის შენობების დიდი ნაწილი გაანადგურა. არქიტექტორ კრისტოფერ ვრენის იდეის მიხედვით, ახალი ლონდონი პარიზის მსგავსად წრიული გეგმარებით უნდა ყოფილიყო და ქალაქში მასშტაბური ბულვარები მოწყობილიყო.

თუმცა, არქიტექტორის გეგმა დაიწუნეს, რადგან ამ მასშტაბის პროექტის განხორციელებას კოლოსალური თანხა დასჭირდებოდა წაიკითხეთ ვრცლად და ნახეთ გრანდიოზული პროექტების ფოტოები