მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უნდათ იმ ინფორმატორის დადგენა, რომელმაც გადაწყვიტა სისტემა ემხილებინა" - რას ამბობს ნოდარ მელაძე პროკურატურის განცხადებაზე?
18:00 / 11-03-2021
პროკურატურა ტყუილს ამბობს, როდესაც გვეუბნება, რომ თითქოს, არ არსებობდა სხვა სამართლებრივი ბერკეტი იმისთვის, რომ გამოძიების ფარგლებში მათ განეხორციელებინათ ჩანაწერების აუთენტიკურობის დასადგენად აუდიო მასალის მოპოვება, - ამის შესახებ "ტელეკომპანია პირველის" საინფორმაციო სამსახურის უფროსმა ნოდარ მელაძემ, ტელევიზიაში გამართულ ბრიფინგზე განაცხადა.
როგორც ნოდარ მელაძე აცხადებს, მოსამართლის განჩინებით, ცხადი ხდება, რომ მათ მიზანს წარმოადგენდა "იმ ინფორმატორის დადგენა, რომელმაც გადაწყვიტა სისტემა ემხილებინა".
"მიუხედავად იმისა, რომ მთავარმა პროკურატურამ დღეს რამდენიმე განმარტება დააწია გზაში მოსამართლის განჩინებას, მოსამართლის განჩინება ოფიციალური დოკუმენტია და ამ წუთებშიც არის მოქმედი. მისი გაცემის თარიღიდან, 9 მარტიდან, 30 დღის განმავლობაში საქართველოს პროკურატურას ნებისმიერ წუთს შეუძლია მოსამართლის ამ განჩინების საფუძველზე, შემოვიდეს ტელეკომპანია „პირველში“ და განახორციელოს იძულებითი პროპორციული ზომების გამოყენებით, მათთვის სასურველი მასალის ამოღება.
პროკურატურა ტყუილს ამბობს, როდესაც გვეუბნება, რომ თითქოს, არ არსებობდა სხვა სამართლებრივი ბერკეტი იმისთვის, რომ გამოძიების ფარგლებში, მათ განეხორციელებინათ ჩანაწერების აუთენტიკურობის დასადგენად აუიდიო მასალის მოპოვება.
საერთოდ არ არის საუბარი იმის შესახებ, რომ მათი განზრახვა იყო ჩვენს ეთერში საგამოძიებო რეპორტაჟში გასული ჩანაწერების აუთენტიკურობის დადგენა. არ წერია, რომ მათი მიზანი ეს იყო. ამ დადგენილებით, მოსამართლის ამ განჩინებით, ცხადი ხდება, რომ მათ მიზანს წარმოადგენდა იმ ინფორმატორის დადგენა, რომელმაც გადაწყვიტა, რომ სისტემა ემხილებინა და საბოლოოდ ამ ადამიანზე პირდაპირი თუ ირიბი გზების საშუალებით გასვლა. მინდა გავახსენო საქართველოს ხელისუფლებას, პრაქტიკა, რომელიც მათ მიერ არის დამკვიდრებული“,-აცხადებს მელაძე.
მისივე თქმით, სახელმწიფო უსაფრთხოების სამსახურს, რამდენიმე ხნის წინ, ინტერესი ჰქონდა „ტელეკომპანია პირველის“ მიერ ჩატარებულ კიდევ ერთ ჟურნალისტურ გამოძიებაზე, რა დროსაც „არანაირი განჩინებით, იძულებითი ღონისძიებით არავინ არ შემოსულა ტელევიზიაში“
"ჩვენს მიერ ჩატარებულ გამოძიებასთან დაკავშირებით, ცოტა ხნის წინ ინტერესი ჰქონდა სახელმწიფო უსაფრთხოების სამსახურს, როდესაც საქმე ეხებოდა ჟურნალისტ გიორგი გაბუნიას ლიკვიდაციის მომზადების საქმეზე ჟურნალისტ მაკა ჩიხლაძის მიერ ჩატარებულ ჟურნალისტურ გამოძიებას და იქ მოპოვებულ ძალიან მნიშვნელოვან დოკუმენტებს ვასამბეკ ბოკოვთან დაკავშირებით.
მაშინ არანაირი განჩინებით, არანაირი იძულებითი ღონისძიებით, არავინ არ შემოსულა ტელევიზიაში. დაგვიკავშირდნენ საგამოძიებო უწყებებიდან, ჩვენ, როგორც კანონმორჩილი ჟურნალისტები მივედით სახელმწიფო უსაფრთხოების სამსახურში და კანონი რის საშუალებასაც იძლეოდა მივაწოდეთ ინფორმაცია. წყაროებთან დაკავშირებით, რა თქმა უნდა, გამოვიყენეთ უფლება, რომელსაც კანონი გვაძლევს.
დღეს, სრულიად სხვა მოცემულობა ვნახეთ. შესაბამისად, ჩვენ გვრჩება აღქმა, რომ მოსამართლის ამ განჩინების მიზანს წარმოადგენდა მედიის ტერორი და დაშინება, რომ ჩვენ არ მოვამზადოთ, არ გამოვიძიოთ ამბები, რომელიც ხელისუფლებას დისკომფორტს უქმნის“,-აცხადებს მელაძე.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ვინ კიბოები არიან მაჭინ სად იყო მელაშვი ცხრა წელი სისხლს რომ გვიშეობდნენ
პირადად მე, მაინტერესებს რა ღირს ე.წ . რეჟიმის მხილება.