მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იმნაძეს და ცერცვაძეს ჩინური ვაქცინის შემომტანების ლობირება სურთ, ეს ადამიანები იქცნენ ფულის საჭრელი დაზგის ჩინოვნიკებად" - სერგო ჩიხლაძე
12:37 / 03-03-2021
„გვაქვს ინფორმაცია, რომ ჩინურ ვაქცინაზე გარკვეული წრეები მუშაობენ და პაატა იმნაძეს და თენგიზ ცერცვაძეს უნდათ, რომ ჩინური ვაქცინის შემომტანების ლობირება მოახდინონ“, - ამის შესახებ „ინტერპრესნიუსს“ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ განუცხადა.
ჩიხლაძის განცხადებით, „ეს ადამიანები იქცნენ არა ჯანმრთელობის მუშაკებად, არამედ ფულის საჭრელი დაზგის ჩინოვნიკებად“. მისივე შეფასებით, ჩინური ვაქცინის შემოტანაზე საუბარი „უპასუხისმგებლობა და მავნებლობაა“.
„ჩინური ვაქცინა არ არის ავტორიზირებული არცერთი რეპუტაციული საერთაშორისო თუ რომელიმე ქვეყნის ჯანდაცვის მარეგულირებლების მიერ, არც რომელიმე ქვეყნის, ევროკავშირის ან განვითარებული ქვეყნების სხვა მარეგულირებლების მიერ, ამიტომ ამაზე საუბარი არ მგონია სწორი იყოს ახლა. ჩინურ ვაქცინაზე თენგიზ ცერცვაძე დიდი ხნის წინ საუბრობდა. გუშინ ძალიან მკვეთრად თქვა პაატა იმნაძემ, შეცდომა იყო ჩინურ ვაქცინაზე რომ არ დავფიქრდითო, ეს უბრალოდ არის უპასუხისმგებლობა საკუთარი ხალხის წინაშე, ხარისხიანი ვაქცინა რომ ვერ შემოგაქვს, ამიტომ გინდა „შეტენო“ ჩინური ან რუსული ვაქცინა. ახლა ბატონი თენგიზი კი მომიძღვნის წერილს, მაგრამ ერთი მხრივ, ეს არის მავნებლობა, მეორე მხრივ, გვაქვს ინფორმაცია, რომ ჩინურ ვაქცინაზე გარკვეული წრეები მუშაობენ და პაატა იმნაძეს და თენგიზ ცერცვაძეს უნდათ, რომ ჩინური ვაქცინის შემომტანების ლობირება მოახდინონ, მარტო უუნარობა და არაპროფესიონალიზმი კი არა, აქ კომერციული და ფინანსური სქემების დალაგებაც მიდის, ვინ იხეირებს ვაქცინის შემოტანაზე და ვის აქვს გზა გაჭრილი ჩინური ვაქცინის შემოტანაზე. ეს ადამიანები იქცნენ არა ჯანმრთელობის მუშაკებად, არამედ ფულის საჭრელი დაზგის ჩინოვნიკებად და ახლა ლობირებენ ჩინურ ვაქცინას.
ამაზე იანვრიდან არის საუბარი, უბრალოდ დიდი პროტესტი იყო და მათ ვეღარ გაბედეს. ახლა რომ ვეღარ შემოდის ვაქცინა, ისევ ამოიღეს ხმა იმნაძეებმა, ცერცვაძეებმა და სხვებმა. ჩინურის შემდეგ რუსულსაც იტყვიან და ასეთ ჩინოვნიკებთან გვაქვს საქმე, რომელიც ერთი მხრივ, არაპროფესიონალია, ნაჩუქარსაც კი ვერ იღებენ და მეორე მხრივ, თავიანთ ფინანსურ სქემებს ალაგებენ“, - განაცხადა ჩიხლაძემ.
მისივე თქმით, სჯობს „ხელისუფლებამ ვაქცინის იმედისმომცემ და რეპუტაციულ“ მწარმოებლებთან დაიწყოს ურთიერთობა.
„არ მგონია ეს სქემა გამოვიდეს საქართველოში მანამ, ვიდრე რეპუტაციული და სანდო ორგანოს მიერ არ იქნება ავტორიზებული ჩინური ვაქცინა. ამ ადამიანებმა უმჯობესია პოტენციურ და იმედის მომცემ ვაქცინის მწარმოებლებთან დაიწყონ საქმე, მაგალითად, „ჯონსონი“, „ნოვა ვაქსი“ და სხვები, რომლებიც კარგ შედეგებს აჩვენებენ“, - განაცხადა ჩიხლაძემ.
ანესთეზიოლოგიისა და კრიტიკული მედიცინის ასოციაციის დამფუძნებლის, ექიმ ვახტანგ კალოიანის განცხადებით კი, ჩინურ ვაქცინას არ აქვს დადასტურებული უსაფრთხოება და სანდოობა, შესაბამისად, მისი საქართველოში შემოტანა „კანონდარღვევა და საკმაოდ დიდი ხიფათი იქნება“.
როგორც კალოიანი “ინტერპრესნიუსთან“ საუბრისას აცხადებს, ჩინურ ვაქცინას არ აქვს გავლილი უსაფრთხოების ყველა საფეხური, საქართველოში კი კორონავირუსზე ვაქცინაცია მხოლოდ ჯანდაცვის მსოფლიო ორგანიზაციის მიერ აკრედიტებული და ნებადართული ვაქცინით უნდა დაიწყოს.
„ჩინურ ვაქცინას არ აქვს დადასტურებული უსაფრთხოება და სანდოობა, მას არ აქვს ავტორიტეტული საკრედიტაციო ორგანიზაციების მიერ დამტკიცებული უსაფრთხოების დოკუმენტები, შესაბამისად, მისი გამოყენება არ არის უსაფრთხო.
გადაწყვეტილებები იმის შესახებ, თუ რომელი ვაქცინა შემოვიდეს, უნდა ხდებოდეს მტკიცებულებებზე დაფუძნებით და არა პიარული კამპანიით, ან პოლიტიკურად ანგაჟირებული საკითხებით. მნიშვნელოვანია, კვლევებზე დაყრდნობით, უსაფრთხოების პროფილის ნახვით მოხდეს ვაქცინების გამოყენება. საქართველოში, კანონმდებლობით აკრძალულია ჯანდაცვის მსოფლიო ორგანიზაციის მიერ არაკვალიფიციური ვაქცინების შემოტანა, შესაბამისად, ადამიანებისთვის ამ ვაქცინის გაკეთება კანონდარღვევა და საკმაოდ დიდი ხიფათი იქნება.
ჩვენ უნდა მივიღოთ უსაფრთხო ვაქცინები. ეს უნდა იყოს ხელისუფლების ამოცანა და არა სხვადასხვა პიარკამპანიებში მონაწილეობა. ჩინურ ვაქცინას არ აქვს გავლილი უსაფრთხოების ყველა საფეხური“, - აცხადებს კალოიანი.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არ არის გამორიცხული ამ.ხუმრობაში სიმართლეც იყოს
მიდი რა შენი უფროსის ბიტკოინებს მიხედე... სწრაფ ტესტებზე ფულის გაკეთება რომ უნდოდა... გაუმაძღრებო.