მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ მკაცრად არ გაკონტროლდება რეგულაციების დაცვა, ეს აუცილებლად გამოიწვევს ეპიდაფეთქებას აპრილის თვეში" - რა შეიძლება მოჰყვეს შეზღუდვების მასშტაბურ შემსუბუქებას?
16:36 / 25-02-2021
უწყებათაშორისი საკოორდინაციო საბჭოს 24 თებერვლის გადაწყვეტილებით, ქვეყანაში ეპიდსიტუაციის გამო შემოღებული შეზღუდვები მნიშვნელოვანად შემსუბუქდა.
დღეიდან ამოქმედდმა საქალაქთაშორისო ტრანსპორტი, ამასთანავე, მუნიციპალური ტრანსპორტი შაბათ-კვირასაც იმუშავებს. ასევე, გაიხსნა სამთო კურორტების სასტუმროები,საბაგიროები კი 8 მარტიდან დაიწყებს ფუნქციონირებას.
1-ლი მარტიდან კერძო და საჯარო საბავშვო ბაგა-ბაღები მუშაობას განაახლებენ. უმაღლეს და პროფესიულ სასწავლებლებს 15 მარტიდან შეეძლებათ აუდიტორიაში სასწავლო პროცესის დაწყება. 1-ლი მარტიდან კონფერენციების და ტრენინგების ჩატარება, შესაბამისი პროტოკოლის დაცვით, დასაშვები ხდება. მუზეუმები და ბიბლიოთეკები საქმიანობას ასევე 1-ლი მარტიდან განაახლებენ. რესტორნების შიდა სივრცეები ფუნქციონირებას, შაბათ-კვირის გარდა, ბათუმში 1 -ლი მარტიდან, ხოლო დანარჩენ საქართველოში 8 მარტიდან განაახლებენ. 8 მარტიდან სავაჭრო მოლები და ბაზრობები შაბათ-კვირასაც იმუშავებენ. 15 მარტიდან ფუნქციონირებას სპორტული დარბაზები დაიწყებენ, ასევე 15 მარტიდან განახლდება სასკოლო წრეები. თეატრები, სპორტული კლუბები, პროფესიული ანსამბლები რეპეტიციების და ვარჯიშის განახლებას 15 მარტიდან შეძლებენ. მთავრობამ ე.წ. კომენდანტის საათი კვლავ ძალაში დატოვა. შეზრუდვების ამ დოზით შემსუბუქების შემდეგ საზოგადოებაში გაჩნდა კითხვა ხომ არ გამოიწვევს რეგულაციების მოხსნა ახალ ეპიდაფეთქებას?
ambebi.ge ამ საკთხზე სპეციალისტებს დაუკავშირდა. ალერგოლოგ- იმუნოლოგი ბიძინა კულუმბეგოვი მიიჩნევს, რომ ეპიდაფეთქების რეალური საშიშროება შეიძლება შეიქმნას აპრილის თვიდან იმ შემთხვევევაში, თუ შეზღუდვების მოხსნის პროპორციულად არ გაძლიერდება ზედამხედველობა.
"რაღაც დროს ეს შემსუბუქება უნდა მომხდარიყო, ჩვენ ავსტრია და გერმანია არ ვართ, ვერ გაუძლებს ქვეყანის ეკონომიკა ამდენხნიან ჩაკეტვას. რაღაც ეტაპზე ალბათ საჭიროა ამოსუნთქვა, შემდეგ თუ მოიმატებს შემთხვევები, ისევ შემოღება რეგულაციების, ისევ გამკაცრება და ა.შ. ასე აკეთებს მთელი მსოფლიო. მაგრამ ახლა მთავარია ზედამხედველობის კარგი სისტემის შემუშავება.
თუ მკაცრად არ იქნება გაკონტროლებული რეგულაციების დაცვა, ეს აუცილებლად გამოიწვევს ეპიდაფეთქებას აპრილის თვეში. ამის დიდი შანსია, მით უფრო, რომ ქვეყანაში ახალი შტამები დაფიქსირდა და მასთან ასოცირებული კლასტერები გაჩნდა... ინფექციას გავრცელების მაღალი რისკია, ვაქცინა ჯერჯერობით არ ჩანს, პირბადის ტარების მაჩვენებელი 72%- დან 66 % -მდე ჩამოვარდა, ეს ყველაფერი სერიოზულად აისახება ეპიდსიტუაციაზე, თუ არ გაძლიერდა ზედამხედველობა. ახლა მნიშვნელოვანია დეტალიზაცია, როგორი პირობით გაიხსნას ესა თუ ის სივრცე, როგორი იქნება იქ დატვირთვა, მობილობა და მათზე მეთყვალყურეობა. ვაქცინაციას რაც შეეხება, ალბათ კიდევ დიდ ხანს არ აისახება მისი გავლნა ჩვენს მოსახლეობაზე. ეს რომ მოხდეს, საჭიროა 15-30 % მაინც აიცრას, ამ რაოდენობის აცრას კი ალბათ ზაფხულის ბოლომდე დააგვიანდება. ამიტომ რეალური საშიშროების წინაშე ვდგავართ. ახლა ჩვენ უნდა ვიყოთ მხოლოდ ჩვენი პასუხისმგებლობის იმედად. თუ ყველა გამოვიყენებთ პირბადეს, რისკები მინიმუმამდე შემცირდება", - ამბობს ბიძინა კულუმბეგოვი.
ინფექციონისტი ალექსანდრე გოგინავა, ერთმნიშვნელოვნად მიიჩნევს, რომ შეზრუდვების შემსუბუქების მიუხედავად, ეპიდაფეთქების საშიშროება ამ ეტაპზე არ არსებობს.
"ეს არ გამოიწვევ ეპიდაფეთქებას, შესაძლოა მცირედით გაუარესდეს ვითარება, მაგრამ არ მივიღებთ ისეთ სცენარს, როგორიც გვქონდა გვიან შემოდგომაზე და ზამთრის დასაწყისში. რადგანაც, პირველი - მოსახლეობის გარკვეულმა ნაწილმა გადაიტანა დაავადება. მეორე - არის მოლოდინი, რომ ვაქცინა მარტის ბოლოდან გვექნება. ვფიქრობ, რომ ზაფხულში და გვიან გაზაფხულზე შეიძლება ცოტათი გაუარესებული ეპიდსიტუაცია მივიღოთ, მაგრამ არა საგანგაშო.
რაც შეეხება მთავრობის ამ გადაწყვეტილებას, ეს გამართლებულია, რადგან ეპიდსიტუაცია იძლეოდა ამის საშუალებას. რამდენიმე კვირაა დადებითობის მაჩვენებლი 2-3 % არ სცდება, ეს იძლეოდა იმის საშუალებას, რომ მოგვეხსნა გარკვეული შეზღუდვები. რაც შეეხება კონტროლს, მე სამ სეგმენტს გამოვყოფდი, საითაც განსაკუთრებული ყურადღება უნდა იყოს მიმართული - სასწავლო დაწესებულებები, ტრანსპორტი და ბარ-რესტორნები", - გვეუბნება ინფექციონისტი.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნუ წაიღეთ ტვინი! ახლა უსაქმოდ რჩებით და ისევ "მგელი"-ს ძახილი დაიწყეთ?
ყვავებივით ნუ დაგვჩხავით.