მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ვუმკურნალოთ რევმატოიდულ ართრიტს, რომ მან უნარშეზღუდულობა არ გამოიწვიოს
14:25 / 04-02-2021
4 თებერვალი რევმატოიდული ართრიტის ცნობიერების ამაღლების დღეა.ის ქრონიკულ,ანთებით,აუტოიმუნურ რევმატულ დაავადებებს შორის ერთ-ერთი ფართოდ გავრცელებული დაავადებაა. მიუხედავად ამისა, რევმატოიდული ართრიტის შესახებ ცნობიერება არც ისე მაღალია. სამწუხაროდ, ხშირია დაგვიანებული მიმართვიანობის, არაადეკვატური მკურნალობის შემთხვევები, რაც საბოლოოდ პაციენტის უნარშეზღუდულობას იწვევს. ამ დაავადების გამომწვევი მიზეზი უცნობია.
საქართველოში რევმატოიდული ართრიტის გავრცელების შესახებმონაცემები არ არსებობს.სხვა ქვეყნების მონაცემებით გავრცელების სიხშირე მაღალია: მაგალითად აშშ-ში დაავადებულია მოსახლეობის 1%. „ნიუ ჰოსპიტალსის“ მოზრდილთა და ბავშვთა რევმატოლოგიის ცენტრის ხელმძღვანელი ,მაკა იოსელიანი აღნიშნავს, რომ ამ დაავადებით მომართვიანობა საკმაოდ მაღალია. მისივე განმარტებით, რევმატოიდული ართრიტით უმეტესად ახალგაზრდა და საშუალო ასაკის ქალები ავადობენ.
რა არის რევმატოიდული ართრიტი?
რევმატოიდული ართრიტი არისაუტოიმუნური,ანთებითი,ქრონიკული პათოლოგია, რომლის დროსაც ზიანდება უპირატესადწვრილი სახსრები, ვითარდება ართრიტი. შესაძლებელია დაავადება დაიწყოს რამდენიმე სახსრის ანთებით, თუმცა, როგორც წესი, ის მიმდინარეობს პოლიარტიკულური ფორმით, ზიანდებახუთი ან მეტი სახსარი.
დაავადება ხშირია მოზრდილ ასაკში, თუმცა ვითარდება ბავშვთა ასაკშიც. 16 წლამდე დაწყებულ რევმატოიდულ ართრიტს იუვენილურს უწოდებენ.
რევმატოიდული ართრიტი თავისი გავრცელების,მუდმივ პროგრესირებადი მიმდინარეობისა და გამოსავლის გამო მსოფლიო პრობლემას წარმოადგენს. ძალიან მნიშვნელოვანია როგორც დროული დიაგნოსტიკა, ასევე ადრეული ე.წ. აგრესიული თერაპიის დაწყება.
რამდენად რთული დაავადებაა რევმატოიდული ართრიტი?
რევმატოიდული ართრიტი ქრონიკული დაავადება, რომელიც ექიმთან დაგვიანებული მიმართვისა და არაადეკვატური მკურნალობის შემთხვევაში სახსრების დაზიანებას და შემდგომშიშეუქცევად დეფორმაციას იწვევს. ძალიან მნიშვნელოვანია ადრეული,სწორი დიაგნოსტიკა და ადეკვატური მკურნალობა. სწორედამ მიზანს ემსახურება ართრიტის მსოფლიო დღე, რომელიც მთელ მსოფლიოსა და მათ შორის, საქართველოც აღინიშნება. მნიშვნელოვანია, თითოეულ ადამიანამდე მივიტანოთ ინფორმაცია, თუ რას უნდა მიაქციოს ყურადღება, რა არის პირველადი სიმპტომები, როდის უნდა მიმართოს ექიმს, რამდენად მნიშვნელოვანია დროული, სწორი და ადეკვატური მკურნალობა.
რა არის პირველადი სიმპტომები, რომლის დროსაც ექიმთან მიმართვა აუცილებელია?
პირველადი სიმპტომები არის სახსრის არეში ტკივილი, შეშუპება და მოძრაობის შეზღუდვა. ეს ყველაფერი უმეტესად გამოხატულია დილის საათებში, რაც ამ დაავადებას არაანთებითი რევმატიული დაავადებებისგან განასხვავებს. დილის შებოჭილობა გრძელდება ერთი საათის ან უფრო მეტი დროის განმავლობაში. რაც უფრო აქტიურია დაავადება, მით ხანგრძლივია შებოჭილობა.
აქვე მინდა გითხრათ, რომ რევმატიული ართრიტის დროს იშვიათად,თუმცა შესაძლებელია დაზიანდეს შინაგანი ორგანოებიც, მაგალითად, ფილტვები,გულსისხლძარღვთა სისტემა, თვალი.
რა ხდება ამ დაავადების დრო სახსარში?
რევმატოიდული ართრიტის დროს ზიანდება სინოვიალური გარსი. მოგვიანებით ვითარდება სახსრის სრული დაზიანება:ეროზიები, ამოვარდნილობები, ქვეამოვარდნილობები. როგორც ზემოთ მოგახსენეთ ამ დაავადების დროს უპირატესადზიანდება წვრილი სახსრები,თუმცა იგივე ცვლილებები ვითარდება მსხვილი სახსრების არეშიც (მუხლი, მენჯ–ბარძაყი, კოჭ-წვივი) რაც თავისთავად ზღუდავს გადაადგილებას, თვითმომსახურებას და საბოლოოდ იწვევს უნარშეზღუდულობას.
როგორ ხდება დაავადების დიაგნოსტიკა?
დიაგნოზის დასმის დროს ყურადღება უნდა მივაქციოთ ჩივილებს, დაავადების სიმპტომებს, დაზიანებული სახსრების რაოდენობას და ლოკალიზაციას.აუცილებელია ლაბორატორიული კვლევების ჩატარება:სისხლის საერთო ანალიზი და C-რეაქტიული ცილა (CRP). როგორც წესი ანთების მარკერები მომატებულია.დიაგნოსტირების მიზნით ასევე მნიშვნელოვანია რევმატოიდული ართრიტისთვის სპეციფიური და სენსიტიური მარკერების RF (რევმატოიდული ფაქტორი) და anti CCP (ციკლური ციტრულინებული პეპტიდის საწინააღმდეგო ანტისხეულების) განსაზღვრა.
როგორ ხდება რევმატოიდული ართრიტის მკურნალობა?
საერთაშორისო რეკომენდაციების გათვალისწინებით დიაგნოზის ვერიფიცირებისთანავემკურნალობა იწყება დაავადების მამოდიფიცრებელი პრეპარატებით, თუმცა მათი მოქმედების დაწყებამდე ტკივილის მართვის მიზნით ინიშნება ანთების საწინააღმდეგო არასტეროიდულიპრეპარატები. ასევე შესაძლებელია სტეროიდების გამოყენება, თუმცა თანამედროვე რეკომენდაციების მიხედვით, სტეროიდული თერაპია უნდა გრძელდებოდეს ხანმოკლე დროით და დაბალი დოზით. ის განიხილება როგორც „ხიდი“ დაავადების მამოდიფიცრებელიპრეპარატებისმოქმედებისდაწყებამდე. არსებობს აღნიშნული პრეპარატებისორი ჯგუფი: სინთეზური და ბიოლოგიური. მკურნალობას ვიწყებთ ე.წ. სინთეზური პრეპარატებით და თუ გარკვეული პერიოდის, 3-6 თვის,შემდეგ მდგომარეობა არ უმჯობესდება მაშინ ვიღებთ გადაწყვეტილებასბიოლოგიური მამოდიფიცირებელი საშუალებების გამოყენების შესახებ.
მკურნალობის კურსის დასრულების შემდეგ დაავადების კვლავ გამწვავების შანსი არსებობს?
რევმატოიდული ართრიტი ქრონიკული დაავადებაა. თუმცა ადრეული და ადეკვატური მკურნალობის ფონზე შესაძლებელია მიღწეული იქნას ხანგრძლივი რემისია(მდგომარეობა, როცა პაციენტს არ აღენიშნება ჩივილები, კლინიკური და ლაბორატორიული მონაცემები არის ნორმა). არსებობს მედიკამენტური რემისია და რემისია მკურნალობის გარეშე. ეს უკანასკნელი ძნელად მისაღწევია. გადაწყვეტილებას მკურნალობის შეწყვეტის შესახებ იღებს ექიმი. თავიდან ვამცირებთ დოზას,ვაკონტროლებთ პაციენტის მდგომარეობას და ლაბორატორიულ მონაცემებს. მიღებული შედეგის მიხედვით ვიღებთ გადაწყვეტილებას, მოიხსნას თუ არა მკურნალობა სრულად. ამ შემთხვევაში პაციენტი დეტალურად უნდა იყოს ინფორმირებული, რომ გამწვავების შემთხვევაში აუცილებლად უნდა მიმართოს ექიმს.
კონსულტაციაზე ჩასაწერად დაუკავშირდით ნიუ ჰოსპიტალსს 2 190 190
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
