მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თეა წულუკიანი პარლამენტში დაცვით დადის - კიდევ რომელ დეპუტატებს იცავს დაცვის სახელმწიფო თუ კერძო სამსახურები?
16:39 / 03-02-2021
იუსტიციის სამინისტროდან პარლამენტში გადანაცვლებული თეა წულუკიანი საკანონმდებლო ორგანოში დაცვის თანხლებით გადაადგილდება, რაც შეუმჩნეველი არავის დარჩენია. როგორც გავრკვიეთ, ის სახელმწიფო დაცვის სამსახურით სარგებლობს. ეს ყველაფერი კი გაცილებით ადრე დაიწყო, ვიდრე “მთავარი არხის” გენერალური დირექტორი ნიკა გვარამია დაიქადნებდა - ვიდრე ცოცხალი ვარ, დედას ავუფეთქებ თეა წულუკიანსო.
ეს გვარამიამ მას შემდეგ განაცხადა, რაც პარლამენტის განათლებისა და კულტურის კომიტეტის თავმჯდომარემ გვარამიას ტელეფონის ნომერი პარლამენტის ტრიბუნიდან საქვეყნოდ გაასაჯაროვა. როგორც გვარამია ამბობს, მას შემდეგ მის მობილურზე ზარები არ წყდება. წულუკიანმა, რატომღაც, გაცილებით ადრე ჩათვალა, რომ მის სიცოცხლეს საფრთხე ემუქრებოდა და მუდმივად ყველგან დაცვის სამსახურის თანამშრომლებთან ერთად მოძრაობს.
"სახელმწიფო დაცვის სპეციალური სამსახურის შესახებ” საქართველოს კანონში ვკითხულობთ, რომ:
“საქართველოს მთავრობის გადაწყვეტილებით, პერსონალური დაცვა შეიძლება დაენიშნოს ან მოეხსნას: საქართველოს პარლამენტის თავმჯდომარეს, მის მოადგილეს, საქართველოს პარლამენტის წევრს, საქართველოს მთავრობის წევრს, საქართველოს სხვა სახელმწიფო უწყების ხელმძღვანელს, საქართველოს სახელმწიფო ხელისუფლების მაღალი რანგის თანამდებობის პირს სამსახურებრივი უფლებამოსილების პერიოდში, აგრეთვე მისი ოჯახის წევრებს, თუ არსებობს საკმარისი მონაცემები, რომ მის ან მისი ოჯახის წევრების სიცოცხლესა და ჯანმრთელობას საფრთხე ემუქრება".
ambebi.ge შეეცადა გაერკვია, პარლამენტში ვინ სარგებლობს სახელმწიფო დაცვის სამსახურის მომსახურებით.
სახელმწიფო დაცვის სპეციალური სამსახურის ადმინისტრაციაში გვითხრეს:
"ამჟამად სახელმწიფო დაცვის სამსახურის მომსახურებით სამი პარლამენტარი სარგებლობს. ესენია: პარლამენტის თავმჯდომარე არჩილ თალაკვაძე, ირაკლი კობახიძე და თეა წულუკიანი. დანარჩენს, თუ ვინმეს ემსახურება, ეს კერძო დაცვაა”.
ვცადეთ ისიც გაგვერკვია, პარლამენტართაგან თუ ვინ სარგებლობს კერძო დაცვით. როგორც არაოფიციალურად გვითხრეს, პერსონალური დაცვა ჰყავს ანტონ ობოლაშვილს. "ადამიანი, რომელიც მას დაჰყვება, მისი ბავშვობის მეგობარია, ის ერთდროულად მისი მძღოლიცაა და დაცვაც", - გვითხრა სანდო წყარომ. ობოლაშვილის მსგავსად, ასევე დაცვით დადიან ირაკლი ხახუბია, ბექა ოდიშარია და სხვა დეპუტატ-ბიზნესმენები, რომლებსაც ქონებაც და სიცოცხლეც ერთდროულად აქვთ დასაცავი.
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გვარამიაზე არა ნაკლებ ნაძირალა ბრძანდებით ქალბატონო
ასეთი ანგელოზივით წმინდა რომ ეყოლება კულტურის მინისტრი !
უმშვენიერესი, კეთილი, საქმისთვის თავდადებული, წიგნიერი...
სასახლეთა კედელნი არ ჰყოფნის დიპლომების ჩამოსაკიდადო...