"გულწრფელად მიხარია ამ ორი უაღრესად პატიოსანი და პატრიოტი ადამიანის დანახვა საპყრობილეს გარეთ!" - საქართველოს ელჩი დანიაში

გულწრფელად მიხარია ამ ორი უაღრესად პატიოსანი და პატრიოტი ადამინის დანახვა საპყრობილეს გარეთ! - ამის შესახებ გიგი გიგიაძე სოცილურ ქსელში დავით გარეჯის საქმეზე დაკავებული ივერი მელაშვილისა და ნატალია ილიჩოვას გირაოს სანაცვლოდ გათავისუფლებასთან დაკავშირებით წერს

ის ივერი მელაშვილსა და ნატალია ილიჩოვას გათავისუფლებას ულოცავს.

"მთელი გულით ვულოცავ ივერი მელაშვილსა და ნატალია ილიჩოვას, ასევე მათ ოჯახებს, საქალაქო სასამართლოს დღევანდელ გადაწყვეტილებას გირაოს სანაცვლოდ მათი პატიმრობიდან გათავისუფლების შესახებ. ეს ძალიან მნიშვნელოვანი, პირველი ნაბიჯია საბოლოო გამარჯვების გზაზე და კიდევ ერთხელ იმედს ვიტოვებ, რომ მათდამი წაყენებული ბრალდება ძალიან მალე შეიცვლება ცალსახად გამამართლებელი განაჩენით. მითუმეტეს, რომ არანაირი დანაშაული და ბრალეულობის დამადსტურებელი გარემოება არ არსებობს დღეს, ისევე როგორც არ არსებობდა ოთხი თვის წინ. გულწრფელად მიხარია ამ ორი უაღრესად პატიოსანი და პატრიოტი ადამინის დანახვა საპყრობილეს გარეთ!"- წერს გიგი გიგიაძე სოციალურ ქსელში.

ცნობისთვის, გენერალურმა პროკურატურამ ივერი მელაშვილისა და ნატალია ილიჩოვასადმი აღკვეთი ღონისძიების შეცვლის თაობაზე იმსჯელა და 20 ათას-20 ათას ლარიანი გირაოს სანაცვლოდ გაათავისუფლა.

ცნობისთვის, გიგი გიგიაძე დანიის სამეფოში საქართველოს ელჩი იყო. საგარეო საქმეთა სამინისტროს ცნობით, როტაციის პრინციპის შესაბამისად ელჩი, როდესაც ასრულებს დიპლომატიურ მისიას უცხო ქვეყანაში, ბრუნდება დედაქალაქში, რჩება სისტემაში თუ რა სახით, ამის შესახებ გადაწყვეტილება მიიღება მისი დაბრუნების შემდეგ.