მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კოვიდ ვაქცინაცია საქართველოს სამეზობლოში - სად რამდენი ადამიანია აცრილი და რომელ ვაქცინებს იყენებენ რუსეთი, თურქეთი და აზერბაიჯანი
13:18 / 28-01-2021
გამოცემა Bloomberg-ის ბოლო მონაცემების მიხედვით, ამ დროისთვის მსოფლიოში კორონავირუსის საწინააღმდეგო ვაქცინაცია 82.5 მლნ-ზე მეტ ადამიანს ჩაუტარდა. მათ შორის, აშშ-ში 25.6 მილიონზე მეტი ადამიანი აიცრა, რაც მოსახლეობის 7.81%-ს შეადგენს.
აშშ-ს ჩინეთიმოჰყვება 23 მილიონზე მეტი ვაქცინირებული პაციენტით, რაც მოსახლეობის 1.64%-ს შეადგენს. ევროკავშირშიკი, საერთო ჯამში ვაქცინაცია 10,197,734 მილიონ ადამიანს ჩაუტარდა. ყველაზე სწრაფი ტემპით მოსახლეობის ვაქცინაცია ისრაელშიმიმდინარეობს, სადაც უკვე 4,259,949 მილიონი ადამიანი აიცრა, რაც მთლიანი მოსახლეობის 47.07%-ს შეადგენს.
ისრაელის გარდა, ვაქცინაცია სწრაფი ტემპით არაბთა გაერთიანებულ საამიროებსა და გაერთიანებულ სამეფოშიმიმდინარეობს, სადაც შესაბამისად, მოსახლეობის 25.72% (2,764,450) და 11.44%-ს (7,638,543) ვაქცინაცია უკვე ჩაუტარდათ.
რაც შეეხება, კავკასიის რეგიონს, საქართველოს მეზობელი ქვეყნების მონაცემები ასე გამოიყურება:
- რუსეთი
"რია ნოვოსტის" ინფორმაციით, რუსეთში კორონავირუსის საწინააღმდეგო ვაქცინაცია უკვე 2 მლნ-ზე მეტ ადამიანს ჩაუტარდა. თუმცა Bloomberg-ის მონაცემებით, ქვეყანაში მხოლოდ 800,000 ადამიანია აცრილი.
2020 წლის დეკემბერში ფართომასშტაბიანი კამპანიის ფარგლებში ქვეყანაში მოქალაქეთა კონკრეტულმა ჯგუფებმა მიიღეს ვაქცინა, მათ შორის, სამედიცინო სფეროს მუშაკებმა, მასწავლებლებმა, სოციალური სამსახურის თანამშრომლებმა, ქრონიკული დაავადებების მქონე პირებმა და მოხუცთა თავშესაფრების ბენეფიციარებმა. ამჟამად კი ვაქცინაცია ყველა მოქალაქეს უტარდება.
რუსეთის ვიცე-პრემიერმა ტატიანა გოლიკოვამ კი 15 იანვარს განაცხადა, რომ ვაქცინაციის პროგრამა 18 იანვრიდან დაიწყებოდა და პირველ ეტაპზე მხოლოდ რუსულ ვაქცინას, Sputnik V-ს გამოიყენებდნენ. ამავე ვაქცინის გამოყენებას გეგმავს სომხეთიც.
გარდა Sputnik V-ისა, რომელიც გამალეიას კვლევითმა ცენტრმა შექმნა, რუსეთში არსებობს სხვა რამდენიმე ვაქცინაც. კვლევითმა ცენტრმა “Vector” შექმნა “EpiVacCorona”, რომელსაც, შემქნელების განცხადებით, არ გააჩნია გვერდითი ეფექტები.
კიდევ ერთ ვაქცინას ქმნის ჩუმაკოვის იმუნობიოლოგიური კვლევისა და განვითარების ფედერალური ცენტრი, რომლის მიღებაც 2021 წლის თებერვლის თვეშია მოსალოდნელი. რუსეთში ვაქცინაცია უფასო და მოხალისეობრივია.
ვაქცინა Sputnik V მხოლოდ რუსეთის ფედერაციის ჯანდაცვის სამინისტროს მიერაა სერტიფიცირებული.
პანდემიის დაწყებიდან დღემდე რუსეთში ვირუსის 3,793,810 შემთხვევაა დაფიქსირებული. სულ გარდაცვლილია 71,651 ადამიანი.
- თურქეთი
თურქეთში კორონავირუსის საწინააღმდეგო ვაქცინაცია უკვე 1,522,684-ზე მეტ ადამიანს ჩაუტარდა.
ანკარამ ჩინური კომპანია Sinovac-ის მიერ წარმოებული კორონავირუსის საწინააღმდეგო ვაქცინით, CoronaVac-ით, მოსახლეობის ვაქცინაციის პროგრამა 14 იანვარს დაიწყო.
”ვაქცინაციის პროგრამების ქვეყნის მასშტაბით განხორციელების კუთხით ჩვენ გამოცდილი ქვეყანა ვართ და ასეთი პროგრამების ორგანიზებისთვის საჭირო ინფრასტრუქტურაც გვაქვს. პანდემიაზე ერთად გავიმარჯვებთ“, - განაცხადა თურქეთის ჯანდაცვის მინისტრმა ფაჰრეთინ კოჩამ.
თურქეთში, რომლის მოსახლეობა 82 მილიონს შეადგენს, დღევანდელი მონაცემებით, კორონავირუსის 2,449,839 მლნ შემთხვევაა დადასტურებული, აქედან ვირუსს 25,476-მდე ადამიანის სიცოცხლე ემსხვერპლა.
- აზერბაიჯანი
აზერბაიჯანში კორონავირუსის საწინააღმდეგო ვაქცინაცია დღემდე 50 000-მდე ადამიანს ჩაუტარდა, - ამის შესახებ ინფორმაციას აზერბაიჯანული მედია ავრცელებს. მათივე ინფორმაციით, აცრილი მოქალაქეების უმეტესობა ჯანდაცვის სფეროს მუშაკია.
შეგახსენებთ, აზერბაიჯანში კოვიდ 19-ის წინააღმდეგ მოსახლეობის ვაქცინაცია ჩინური კომპანია Sinovac Biotech-ის ვაქცინით 18 იანვარს დაიწყო. ქვეყანაში, პირველ ეტაპზე სამედიცინო სფეროს მუშაკები აიცრებიან, 1-ელი თებერვლიდან კი 65 წლის ზემოთ პირების ვაქცინაცია დაიწყება. ადგილობრივი მედიის ინფორმაციით, ის მოქალაქეები, რომლებიც კორონავირუსის წინააღმდეგ აიცრებიან, სპეციალურ პასპორტებს მიიღებენ.
***
რაც შეეხება საქართველოს, ჯანდაცვის მინისტრის, ეკატერინე ტიკარაძის თქმით, "ჩვენი მოლოდინია, რომ თებერვლის ბოლოს იქნება საქართველოში ვაქცინა". მისივე თქმით, მუშაობა მიმდინარეობს ვაქცინის მოცულობებზეც რათა დროულად დაიწყოს ქვეყანაში კორონავირუსის საწინააღმდეგო ვაქცინაცია.
„ვაქცინაციის გეგმა, როგორც იცით დამტკიცებულია. ჩვენ კონკრეტული ნაბიჯები გვაქვს. პირველი ვაქცინაციის გეგმა ეხება სამედიცინო პერსონალს. ყველა სამედიცინო დაწესებულებაში გადაგზავნილია ჯანდაცვის სამინისტროსგან მოთხოვნა, რომ წარმოდგენილი იყოს დეტალური სიები იმ პერსონალზე, ვინც დასაქმებულია სამედიცინო დაწესებულებაში.
ველოდებით ამ გეგმას, ვაქცინის მიღების შემდეგ ჩვენ უკვე დავიწყებთ ვაქცინაციას. ვაქცინას ველოდებით პირველ კვარტალში. უფრო ზუსტად ჩვენი მოლოდინი არის, რომ თებერვლის ბოლოს ვაქცინა იქნება საქართველოში. ვმუშაობთ, რა თქმა უნდა, ვაქცინის მოცულობებზე, რათა დროულად დავიწყოთ ფართო ვაქცინაცია“, - აცხადებს ტიკარაძე.
ჯანდაცვის მინისტრის თქმით, მოსახლეობის 20%-ის ვაქცინაცია „კოვაქს“ პლატფორმიდან იქნება შესაძლებელი.
„საუბარია მოზრდილი მოსახლეობის 60%-ზე. 20% იქნება დაკმაყოფილებული „კოვაქს“ პლატფორმიდან, დანარჩენ რაოდენობას მივიღებთ სხვა მწარმოებლებისგან. „კოვაქს“ პლატფორმიდან პასუხს ველოდებით თვის ბოლოს“, - აცხადებს ტიკარაძე.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში ვაქცინაცია სავარაუდოდ, მარტში დაიწყება.
"29 იანვარს ველოდებით გადაწყვეტილებას ისევ კოვაქსიდან, რომ პირველი ლიმიტირებული პარტია, ოღონდ არა “ასტრაზენეკასი”, არამედ ვთქვათ “ფაიზერის” სამედიცინო პერსონალის გარკვეული ჯგუფებისთვის მოგვაწოდონ.
ჩვენთან ამაზე მუშაობა დავიწყეთ დაახლოებით აგვისტოში. ჩვენ გარანტირებული გვაქვს ამ კოვაქსით ვაქცინის 1 400 000 დოზა, რომელიც მოზრდილი მოსახლეობის 20%-სთვისაა, რომელიც პირველ კვარტალში უნდა დაიწყოს. კოვაქსს აქვს პირობა, რომ ერთი წლის განმავლობაში ეს უნდა მოგაწოდოს. ვფიქრობ, რომ ვაქცინაციას მარტში დავიწყებთ”, - განაცხადა ამირან გამყრელიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
