მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სად იყო საზოგადოება, როცა ქალბატონ ჯულიეტამდე რამდენიმე კვირით ადრე, დონარა კინწურაშვილი გამოეთხოვა წუთისოფელს?" - გიორგი კალანდია გაბუნიას მონოლოგს ეხმაურება
16:05 / 18-01-2021
ტელეწამყვან გიორგი გაბუნიას მონოლოგმა დედის, ჯულიეტა ვაშაყმაძის შესახებ, მაყურებელზე ემოციური კვალი დატოვა. გაბუნიას თქმით, ტელევიზიას, სადაც ვაშაყმაძემ 50 წელიწადი იმუშავა, დაკრძალვაზე ერთი თაიგულიც კი არ გაუგზავნია მის სახელზე.
"მთავარი არხის" წამყვანის მონოლოგს პასუხი გასცა საზოგადოებრივი მაუწყებლის დირექტორმა თინათინ ბერძენიშვილმა და აღნიშნა, რომ არხმა ჯულიეტა ვაშაყმაძეს "არაერთი რეპორტაჟი, გადაცემა, თუ გახსენება მიუძღვნა და უამრავი თანამშრომელი იყო ყვავილებით" პანაშვიდზე.
გიორგი გაბუნიას მონოლოგს ისტორიკოსი, საქართველოს ხელოვნების სასახლის გენერალური დირექტორი გიორგი კალანდია "ფეისბუქის" პოსტით ეხმაურება და წერს, რომ პრობლემა არა ერთ ორგანიზაციაში, არამედ მთელს საზოგადოებაშია:
"გიორგი გაბუნია ნიჭიერი კაცია, ძალიან მტკივნეული და ამაღლევებელი ამბის თანაზიარი გაგვხადა, თუმცა საღათას ძილით მძინარე ქართულ საზოგადოებას მინდა ვკითხო - სად იყო ეს საზოგადოება მაშინ როცა ქალბატონ ჯულიეტამდე რამდენიმე კვირით ადრე ასევე ღვაწლმოსილი და ძვირფასი დონარა კინწურაშვილი გამოეთხოვა წუთისოფელს? როგორ ფიქრობთ ის დაფასებული, დანახული და მოფერებული წავიდა ამ ქვეყნიდან!? როგორ ფიქრობთ დაფასებული ემშვიდობებიან ამ ქვეყანას ღვაწლმოსილი ექიმები, არქეოლოგები, რესტავრატორები? რა ქნან ამ ადამიანების შვილებმა და ოჯახის წევრებმა, რომლებსაც არ აქვთ უნარი და სახსარი იმისა, რომ ფართო საზოგადოებას თავიანთი გულისტკივილი უთხრან, თავიანთი დარდი გაუზიარონ?
რამდენიმე დღის წინ ერთი, აწ გარდაცვლილი მხცოვანი არქივარიუსის ქალიშვილმა დამირეკა და დედამისის ანდერძი გამიზიარა- „თავისი ნაშრომი შენ და შენს ორგანიზაციას დაუტოვა გამოსაქვეყნებლად, თავისიანებისაგან აღმაშფოთებელი უყურადღებობის მსხვერპლი იყო და გულნატკენი წავიდაო ამ ქვეყნიდან“! - მაშინ კიდევ ერთხელ მივხვდი რომ პროფესიული სოლიდარობის არ არსებობა შიგნიდან ჭამს და ხრავს ჩვენს არ შემდგარ საზოგადოებას! რადგან პროფესიული სოლიდარობა ითვალისწინებს სწორედ შენი წინამორბედის, ღვაწლმოსილის დაფასებას!
ცოდვა გამხელილი სჯობია, ქართულ ჟურნალისტიკასაც თავისი წილი დანაშაული მიუძღვის ჯულიეტა ვაშაყმაძის დარი კორიფეების დაუფასებლობაში! რამდენიმე გამონაკლისის გარდა, ბულინგსა და ჭორაობას გამოდევნებულ მასმედიას ძირითადი, ღირებული, მარადიული თემები და ადამიანები დაავიწყდა... რამდენიმე ჩემი კოლეგა და მათი მეცადინეობა რომ არ ყოფილიყო, ახსოვდა კი ვინმეს დავით სოკოლოვი?!
რამდენიმე თვის წინ ჩემი ერთი კოლეგა და მეგობარი საჯაროდ მოთქვამდა დიდი რეზო თაბუკაშვილის ოპერატორის გაუსაძლის მდგომარეობაზე, მაგრამ მაშინაც საღათას ძილით ეძინა საქართველოს...
ქვეყანა სადაც 30-ზე მეტი ფესტივალი იმართება, რა გახდა ამ სათვალავს ერთი ორი რომ ჩამოვაკლოთ და წელიწადში ერთხელ პროფესიულმა ორგანიზაციებმა, უწყებებმა, სამინისტროებმა დარგის ყველაზე თვალსაჩინო, მხცოვანი ადამიანები საჯაროდ და სახალხოდ დააჯილდოვონ! რა გახდა ამ მადლიერების ტრადიციად ქცევა!? ამ მხრივ კატასტროფაა კანონმდებლობაში! რომ გინდოდეს შენს ყოფილ, ღვაწლმოსილ თანამშრომელს საახალწლო საჩუქარს ვერ გაუკეთებ, ვერ გაუგზავნი ამანათს, ერთჯერად თუ მრავალჯერად დახმარებას! ვიცი ეს, პირადად გამომიცდია, ათასი რამე უნდა მოიგონო იმისათვის რომ შენი ყოფილი, ასაკოვანი თანამშრომელი ფინანსურად თუნდაც წელიწადში ერთხელ დააჯილდოვო!
ვიღაცა იტყვის კანონის გარეშეც უნდა ხდებოდეს ესეთი ამბებიო! არა ბატონებო, კანონი საზოგადოების დეკლარირებული ნებაა, რომელსაც რეგულარული ხასიათი აქვს, ეს უკანასკნელი კი ყველაზე მეტად გვჭირდება, იქნებ ოდესმე გავთავისუფლდეთ იმპულსური ქმედებებისაგან, რომელიც დღეს უკვე მხოლოდ ფეისბუქ „ემოჯებით“ შემოიფარგლება" - წერს "ფეისბუქზე" კალანდია.
მკითხველის კომენტარები /
45 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა მიკვირს იცით? ამ სიკუტუკუ გაბუნიას, რამდენს აბლატავებთ, რის ხარჯზე და რა დამსახურებისათვის?
პუტინს, რომ აგინა? მე რომ მძულს პუტინი, არა მგონია სხვას ეგრე სძულდეს, თუმცა გაბუნია მაგ გინების გამო დასაჭერია ... თქვენ კი მედალზე წარადგინეთ...
ნუ გააუფასურებთ სიტყვა :კორიფეს".