მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ არ ჩატარდება ახალი არჩევნები, "ნაცმოძრაობა" არ იქნება პარლამენტში, იმიტომ, რომ ეს არის საკუთარი ხალხის ღალატი" - რა გადაწყვიტეს პარტიის პოლიტსაბჭოზე
15:41 / 04-12-2020
„ნაციონალური მოძრაობის“ ერთ-ერთი ლიდერის ზაალ უდუმაშვილის განცხადებით, პარტიის მიერ გამართულ პოლიტსაბჭოზე, ყველამ ერთხმად მიიღო გადაწყვეტილება, რომ თუ არ იქნება დაკმაყოფილებული ოპოზიციის მთავარი მოთხოვნა ახალ არჩევნებთან დაკავშირებით, „ნაციონალური მოძრაობა“ უარს ამბობს საპარლამენტო მანდატებზე.
როგორც უდუმაშვილმა სხდომის დასრულების შემდეგ განაცხადა, აღნიშნულ საკითხზე პარტიის წევრების პოზიცია ერთიანია.
„დღეს შეიკრიბა ნაციონალური მოძრაობის“ პოლიტსაბჭო, რომელმაც ერთხმად მიიღო გადაწყვეტილება, რომ თუ არ იქნება დაკმაყოფილებული ოპოზიციის მთავარი მოთხოვნა, რომელიც ითვალისწინებს ქვეყანაში ახალი არჩევნების ჩატარებას, „ნაციონალური მოძრაობა“ უარს ამბობს საპარლამენტო მანდატებზე. ეს არის გადაწყვეტილება, რომელიც დაამტკიცა პარტიის პოლიტსაბჭომ“, - განაცხადა უდუმაშვილმა.
მისივე თქმით, ოპოზიცია დღეს ფასილიტატორ ელჩებთან კონკრეტული წინადადებით მივა.
„რაც შეეხება ელჩებთან შეხვედრას, ჩვენ მივალთ კონკრეტული წინადადებებით. აქედან მთავარი არის ახალი არჩევნები ქვეყანაში, თუმცა რაღაც კომპონენტები დაემატა ჩვენს წინადადებებს, წინასწარ ვერ ვისაუბრებ, ვიდრე არ დასრულდება შეხვედრა და ეს იქნება ჩვენი წინადადება, რომელიც უნდა გადაეცეს ხელისუფლებას. შემდეგ დაველოდებით ხელისუფლების პასუხს. დღეს არის უმძიმესი სიტუაცია და რაც დღეები გადის, უფრო მძიმდება სიტუაცია ყველა მიმართულებით. თუ „ქართული ოცნება“ გონს მოეგება, არსებობს რეალური შანსი, რომ პოლიტიკური კრიზისი მოვხსნათ დღის წესრიგიდან და ყველამ ერთად დავიწყოთ ბრძოლა იმისთვის, რომ ქვეყანა გამოვიყვანოთ კრიზისიდან“, - განაცხადა უდუმაშვილმა.
პარტიის კიდევ ერთი ლიდერის, ნიკა მელიას თქმით, “ნაციონალური მოძრაობა” არ იქნება პარლამენტში იმიტომ, რომ ეს იქნება საკუთარი ხალხის ღალატი.
„როგორც „ნაციონალური მოძრაობის” პოლიტსაბჭოს თავმჯდომარემ, მინდა გითხრათ, რომ გადაწყვეტილება იმასთან დაკავშირებით, რომ გაყალბებული არჩევნების შემდეგ პარლამენტში „ნაციონალური მოძრაობის”, თუნდაც 1 წარმომადგენელი მაინც განიხილავს შესვლას, არის უბრალოდ, “ქართული ოცნების” ოცნება. კიდევ ერთხელ მკაფიოდ დაფიქსირდა, რომ თუ არ ჩატარდება ამ ქვეყანაში ახალი არჩევნები, რაც გვესახება მხოლოდ და მხოლოდ ერთადერთ გამოსავლად პოლიტიკური კრიზისის დასაძლევად, “ნაციონალური მოძრაობა” არ იქნება ფასადური დემოკრატიისთვის ხელშემწყობი პოლიტიკური პარტია. ანუ “ნაციონალური მოძრაობა” არ იქნება პარლამენტში იმიტომ, რომ ეს არის ღალატი საკუთარი ხალხის. არ შეიძლება, მაშინ როდესაც ოლიგარქმა ქვეყანაში არჩევნები არ ჩაატარა, შენ პარლამენტში შესვლით ლეგიტიმაცია მისცე პარლამენტს, რომელიც არ არის პარლამენტი და სინამდვილეში არის “კანტორა” ბიძინა ივანიშვილის ნება- სურვილების აღმასრულებელი. ჩვენ არ მიგვიღია არანაირი წინადადება “ქართული ოცნების” მხრიდან, ელჩების მეშვეობით, რომელიც გადაწყვეტილებას შეგვაცვლევინებდა. ძალაში ძალიან მყარად რჩება პოზიცია ბოიკოტის გაყალბებული არჩევნების მიმართ. სტატუსკვო შეიცვლება მხოლოდ ორი გზით, ან “ქართული ოცნება” რეალურად წამოვა კომპრომისზე ან “ქართული ოცნება” დაკარგავს ძალაუფლებას, ასეთ პირობებში ბიძინა ივანიშვილი ძალაუფლებას ვერ შეინარჩუნებს. ეს იქნება ხვალ თუ ზეგ, ივანიშვილი იქნება იძულებული ქვეყანაში ჩაატაროს ახალი არჩევნები. თუ ვინმეს ეჭვი ეპარება, რომ რომელიმე, „ნაციონალური მოძრაობის” პარტიის სიით გასული ადამიანი შევა პარლამენტში - ეს არის ოცნება “ქართული ოცნების”, - განაცხადა ნიკა მელიამ.
ცნობისთვის, დღეს ოპოზიციური პარტიების ლიდერები ფასილიტატორ ელჩებთან შეხვედრას გამართავენ.
მკითხველის კომენტარები /
58 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დედამოკლულებო! შემოგვაპარეთ მაინც, სულ არ გეცოდებით?
თუ მორიგ ჯერზე კლოუნობა არაა, პარლამენტში არშესვლით ნაცები დიდ საქმეს გააკეთებენ და ბეცრი გულწრფელ მადლობას გადაუხდის - მათი ადგილი იქ არაა დროა ყველამ პატივი ვცეთ პარლამენტს