უკანასკნელი ადგილები მსოფლიოში, სადაც კორონავირუსი არ გამოვლენილა

კორონავირუსის ახალი შტამის, Covid-19-ის პირველი შემთხვევის გამოვლენიდან უკვე ერთი წელი გავიდა და ამ დროის განმავლობაში ის მსოფლიოს მოედო, დაინფიცირდა მილიონობით ადამიანი, თუმცა ამ ფონზე თუ ოფიციალურ მონაცემებს ვნახავთ, აღმოვაჩენთ, რომ მსოფლიოში ჯერ კიდევ არის ისეთი ადგილები, სადაც კორონავირუსის არც ერთი შემთხვევა არაა დაფიქსირებული.

ადგილები, სადაც ოფიციალური მონაცემების მიხედვით, კორონავირუსის არც ერთი შემთხვევა არ გამოვლენილა:

• პალაუ
• ნაურუ
• ტუვალუ
• მიკრონეზია
• ტონგა
• კირიბატი

როგორც BBC წერს, ამ ადგილებში პანდემიის ადრეულ ეტაპზევე გამოაცხადეს კარანტინი, ჩაკეტეს საზღვრები და მიუხედავად იმისა, რომ ამ დრომდე ვირუსი გამოვლენილი არ არის, დრემდე მკაცრი რეჟიმის პირობებში ცხოვრობენ. მაგალითად, პალაუში საზღვრები მარტის ბოლოს ჩაკეტეს, დაიკეტა მაღაზიები, რესტორნები, გამოცხადდა კარანტინი. საზღვრები დღემდე ჩაკეტილი რჩება და სწორედ ამიტომ, ქვეყანაში ეკონომიკური სიდუხჭირე კიდევ უფრო გამძაფრებულია.

ამასთან, აღსანიშნავია კიდევ ორი ქვეყანა, სადაც ოფიციალურად ამ დრომდე ვირუსის არც ერთი შემთხვეა არაა გამოვლენილი, ეს ქვეყნებია ჩრდილოეთ კორეა და თურქმენეთი. თუმცა მკვლევართა აზრით, ისინი მალავენ რეალურ სურათს და სინამდვილეში შესაძლოა, პირიქით, ორივე მათგანში ურთულესი ეპიდემიოლოგიური ვითარება იყოს.

ჩრდილოეთ კორეას არაერთი დაუდასტურებელი ისტორია უკავშირდება იმის შესახებ, თუ როგორ მოკლეს ადამიანი კორონავირუსის გავრცელების საფრთხის გამო, რაც შეეხება თურქმენეთს, ქვეყანაში ადამიანები ერიდებიან სიტყვა კორონავირუსის გამოყენებას. ხელისუფლებამ საზოგადოებას რეკომენდაცია მისცა, რომ ატარონ პირბადე, თუმცა არა COVID-19-ის საფრთხი გამო, არამედ "იმ ვირუსების გამო, რომელიც შესაძლოა, მტვერში იყოს."

ბოლო მონაცემების მიხედვით, გლობალური მასშტაბით, გამოვლენილია კორონავირუსის 59.5 მილიონი შემთხვევა, მათ შორის, გარდაიცვალა 1.4 მილიონი ადამიანი, გამოჯანმრთელებულთა რიცხვი კი 41.1 მილიონს აღწევს. ინფიცირებულთა რაოდენობის მიხედვით კი პირველი ათი ქვეყანაა აშშ, ინდოეთი, ბრაზილია, საფრანგეთი, რუსეთი, ესპანეთი, დიდი ბრიტანეთი, იტალია, არგენტინა და კოლუმბია.