რა არის დეამედ-სტანდარტი და რა დაამკვიდრა კლინიკა „დეამედის “ დამფუძნებელმა დეა პაპასკირმა თმის გადანერგვის სფეროში
თმის გადანერგვა გახლავთ ქირურგიული მანიპულაცია, როდესაც ხდება ჩარევა ადამიანის ფიზიოლოგიასა და ანატომიაში, რაც მოითხოვს ექიმის დიდ ცოდნასა და გამოცდილებას, ამიტომ მნიშვნელოვანია ქირურგი მუდმივად ვითარდებოდეს, მუშაობდეს საკუთარ თავზე, ჩართული იყოს სამეცნიერო აქტივობაში.
ამ კუთხით ჩვენს კლინიკაში ტარდება ძალიან საინტერესო კვლევები, მათგან გამოვყოფდი თმის ფოლიკულის, მისი ანატომიის და რეგენერაციის პროცესების შესწავლას. სწორედ თმის ფოლიკულის რეგენერაციის საკითხები იყო ერთ-ერთი საინტერესო თემა თმის აღდგენითი ქირურგიის საზოგადოების საერთაშორისო 28-ე კონგრესზე (ISHRS), რომელიც წელს პირველად გაიმართა ვირტუალურ რეჟიმში.
სხვათა შორის, კონგრესზე ბრაზილიელმა პროფესორმა ოტავიო ბოავენტურამ, რომელიც არის უნაკერო მეთოდით გრძელი თმის გადანერგვის ავტორი (2016წ. ლას-ვეგასი) თავისი მოხსენება მიუძღვნა პროფესორ ალექსი მახარაშვილის ხსოვნას.
კლინიკა „დეამედში“ გამოიყენება დღეისათვის მსოფლიოში არსებული ყველაზე ეფექტური და უსაფრთხო ტექნოლოგიები თმის გადანერგვაში, რაც ექიმის კვალიფიკაციასთან, ცოდნასა და გამოცდილებასთან ერთად არის საუკეთესოსო შედეგის გარანტი.
როგორია თქვენი მიდგომა თმის გადანერგვის სფეროში თანამედროვე ტექნოლოგიების მიმართულებით?
თმის გადანერგვის სფეროში დაგროვილი ცოდნისა და გამოცდილების, თანამედროვე გამოწვევების გაზიარებას, ახალი ტექნოლოგიების დანერგვას ემსახურება თმის აღდგენითი ქირურგიის საზოგადოების საერთაშორისო ყოველწლიური კონგრესი.
2019 წელს გახლდით თმის აღდგენითი ქირურგიის საზოგადოების 27-ე მსოფლიო კონგრესზე ბანკოკში. მსოფლიო ექსპერტებმა და დამსწრე საზოგადოებამ ერთხმად აღიარა ტრიველინის სისტემა უნაკერო მეთოდით თმის გადანერგვის უპირველეს ტექნოლოგიად. ჩვენ ჩამოვიტანეთ ეს ტექნოლოგია და მყისიერად დავნერგეთ „დეამედში“. დღეს წარმატებით ვიყენებთ ტრიველინის ტექნოლოგიას, რომელმაც საგრძნობლად გაზარდა შესაძლებლობები თმის ტრანსპლანტაციაში. ტრიველინის სისტემა გამორიცხავს გადანერგილი თმის ფოლიკულების დაზიანებას და კიდევ უფრო ზრდის მის სიცოცხლისუნარიანობას, არ ტოვებს არანაირ კვალს სადონორო არეში, მიიღწევა თმის მაქსიმალური სიხშირე და ბუნებრივი შესახედაობა.
ახალი ტექნოლოგია გვაძლევს გრაფტების მაქსიმალური რაოდენობის ამოღების შესაძლებლობას სადონორო რესურსის სიმცირის შემთხვევაშიც და ამით მიღწეული შედეგის გაუმჯობესებას თმის ცვენის მაღალი ხარისხის დროს.
რამ განაპირობა დეამედ-სტანდარტის შემუშავების აუცილებლობა?
18 წელზე მეტია ვემსახურები ამ მეტად რთულ და საინერესო საქმეს. ამ დარგის პოპულარიზაციამ მოიტანა ის, რომ ძალიან ბევრ ადამიანს გაუჩნდა თმის გადანერგვაში მოღვაწეობის სურვილი.
უნაკერო მეთოდის ტექნოლოგიების დახვეწამ გააჩინა მცდარი შეხედულება, რომ ეს არის არაოპერაციული, არაქირურგიული მანიპულაცია(ზოგიერთი მიიჩნევს სალონურ პროცედურად), აქედან გამომდინარე ბევრმა არაექიმმა დაიწყო თმის გადანერგვა. შედეგად მივიღეთ მორალურად თუ მატერიალურად დაზარალებული, უკმაყოფილო და ზოგ შემთხვევაში დასახიჩრებული პაციენტი.
ჩვენ ხშირად გვიწევს დაშვებული შეცდომების გამოსწორება. ყოველივე ამან მოიტანა დეამედ-სტანდარტის შემუშავების აუცილებლობა, რომელიც ითვალისწინებს მსოფლიოში არსებულ ყველაზე თანამედროვე და ეფექტურ მიდგომებს თმის ტრანსპლანტაციაში.
ამასთან ერთად მოგეხსენებათ, რომ კლინიკა „დეამედი“ გახლავთ საუნივერსიტო კლინიკა. ჩვენთან ჩამოდიან ქირურგები და ექიმები მსოფლიოს სხვადასხვა ქვეყნიდან, ხდება მათი გადამზადება თმის ტრანსპლანტაციაში, რის შემდეგ მათ ეძლევათ თბილისის სახელმწიფო უნივერსიტეტის საერთაშორისო სერთიფიკატი.
დეამედ-სტანდარტის ალგორითმებით გადამზადებული ქირურგი ყოველთვის აღწევს საუკეთესო შედეგებს თმის გადანერგვაში, რასაც მოყვება პაციენტის კმაყოფილება.
და ბოლოს გამოვიყენებ ბატონი ალექსის საყვარელ ფრაზას: "პაციენტი კმაყოფილია მაშინ, როდესაც „პაციენტის მოლოდინი ემთხვევა რეალურ შედეგს“
კმაყოფილი პაციენტი კი ჩემთვის ყველაზე დიდი საჩუქარია!
R
საუკეთესო შეთავაზებები სამსუნგის ჰოლოგრამიან სმარტფონებზე
რა ტიპის თაღლითობის მსხვერპლი შეიძლება გახდეს ადამიანი, როდესაც ბინას გირაობს?
