ცნო­ბი­ლია, რომ აშშ-ის სურ­სა­თი­სა და მე­დი­კა­მენ­ტე­ბის ად­მი­ნის­ტრა­ცი­ამ კო­ვი­დინ­ფი­ცი­რე­ბუ­ლებ­ში ადა­მი­ა­ნის პლაზ­მის გა­და­უ­დე­ბე­ლი გა­მო­ყე­ნე­ბის ნე­ბარ­თვა გას­ცა და სხვა­დას­ხვა ქვე­ყა­ნა­ში პალზ­მის გა­დას­ხმას აქ­ტი­უ­რად იყე­ნე­ბენ. პლაზ­მით მკურ­ნა­ლო­ბა ერთ-ერთ ეფექ­ტი­ან სა­შუ­ა­ლე­ბად ით­ვლე­ბა. ისიც ცნო­ბი­ლია, რომ ინ­ფექ­ცი­უ­რი სა­ა­ვად­მყო­ფოს ხელ­მძღვა­ნე­ლო­ბამ რამ­დე­ნი­მე მძი­მე პა­ცი­ენ­ტის შემ­თხვე­ვა­ში სამ­კურ­ნა­ლოდ აღ­ნიშ­ნუ­ლი მე­თო­დი გა­მო­ი­ყე­ნა და პა­ცი­ენ­ტე­ბი გა­მო­ჯან­მრთელ­დნენ. სპე­ცი­ა­ლის­ტე­ბის თქმით, ერთი ადა­მი­ა­ნის გა­ღე­ბუ­ლი პლაზ­მა მი­ნი­მუმ ორ პა­ცი­ენტს გა­და­არ­ჩენს, ამი­ტომ მნიშ­ვნე­ლო­ვა­ნია, ვინც ინ­ფექ­ცია უკვე და­ა­მარ­ცხა, პლაზ­მა გა­ი­ღოს სხვი­სი სი­ცო­ცხლის გა­და­სარ­ჩე­ნად.

იმ ფონ­ზე, როცა ქვე­ყა­ნა­ში უკი­დუ­რე­სად გარ­თუ­ლე­ბუ­ლია ეპიდ­ვი­თა­რე­ბა, ეპი­დე­მი­ო­ლო­გე­ბი პლაზ­მის დო­ნა­ცი­ის­კენ მო­უ­წო­დე­ბენ გა­მო­ჯან­მრთე­ლე­ბუ­ლებს. ბა­ტო­ნი თენ­გიზ ცერ­ცვა­ძის მო­წო­დე­ბა პლაზ­მის ჩა­ბა­რე­ბა­ზე ლე­ვან გო­გი­ჩა­იშ­ვილ­მა, ჯაბა ჯიშ­კა­რი­ან­მა და გე­დე­ვან ფო­ფხა­ძემ მო­ის­მი­ნეს და ამის შემ­დეგ მე­გობ­რე­ბი ერ­თად მი­ვიდ­ნენ "ჰე­მოპ­ლაზ­მა­ში". ამ დღე­ებ­ში კლი­ნი­კა­ში კი­დევ ელო­დე­ბი­ან სხვა ცნო­ბილ ადა­მი­ა­ნებს.

ლე­ვან გო­გი­ჩა­იშ­ვი­ლი:

- ბა­ტო­ნი თენ­გი­ზი მოგ­ვი­წო­დებ­და იმ ადა­მი­ა­ნებს, რომ­ლებ­მაც ვირუ­სი და­ვა­მარ­ცხეთ, პლაზ­მა ჩაგ­ვე­ბა­რე­ბი­ნა. ახლა ბა­ტონ თენ­გიზს აქვს ვირუ­სი და პირ­ველ რიგ­ში მინ­და მალე გა­მო­ჯან­მრთე­ლე­ბა ვუ­სურ­ვო. მე, ჯაბა ჯიშ­კა­რი­ა­ნი და გე­დე­ვან ფო­ფხა­ძე ერ­თად მი­ვე­დით "ჰე­მოპ­ლაზ­მა­ში". ამ დღე­ებ­ში მე ისევ აუ­ცი­ლებ­ლად მი­ვალ, გან­მე­ო­რე­ბით რომ ჩა­ვა­ბა­რო.

ასევე დაგაინტერესებთ

22:07 / 11-05-2020

"არ მინდოდა ჯერ მეთქვა, მაგრამ... დიახ, უკვე გამოვიყენეთ გამოჯანმრთელებული პაციენტის პლაზმა კრიტიკულ პაციენტზე" - თენგიზ ცერცვაძე

21:21 / 12-05-2020

რა შემთხვევაში გამოიყენება სისხლის პლაზმა კორონავირუსით ინფიცირებულ პაციენტებში - თენგიზ ცერცვაძის განმარტება

14:37 / 08-12-2020

"ეს არის მკურნალობის ეფექტიანი და ხელმისაწვდომი მეთოდი" - რატომ ვერ ხერხდება საქართველოში covid 19-ის წინააღმდეგ პლაზმით მკურნალობის მასობრივად გამოყენება?

რო­გორც ვიცი, შე­მიძ­ლია კი­დევ ერთხელ ჩა­ბა­რე­ბა. სამ­წუ­ხა­როდ, არ არის სა­ზო­გა­დო­ე­ბის აქ­ტი­უ­რო­ბა, ამი­ტომ მო­ვუ­წო­დებ ყვე­ლას, ვი­საც გა­და­ტა­ნი­ლი აქვს ვირუ­სი და ჯან­მრთე­ლო­ბა აძ­ლევს იმის სა­შუ­ა­ლე­ბას, რომ პლაზ­მა გა­ი­ღოს, აუ­ცი­ლებ­ლად ჩა­ა­ბა­როს. ვი­ცით ბევ­რი შემ­თხვე­ვაა მძი­მე პა­ცი­ენ­ტე­ბის და ჩვე­ნი გა­ღე­ბუ­ლი პლაზ­მით მათ და­ვეხ­მა­რე­ბით, ვიდ­რე თა­ვად შეძ­ლე­ბენ ან­ტის­ხე­უ­ლე­ბი გა­მო­ი­მუ­შა­ვონ. მე სპე­ცი­ფი­კუ­რი ჯგუ­ფის სის­ხლის მაქვს, მე­ო­რე და­დე­ბი­თი, ჩემი გა­ღე­ბუ­ლი პლაზ­მა მხო­ლოდ ამ ჯგუ­ფის სის­ხლის მქო­ნე ადა­მი­ა­ნებს და­ეხ­მა­რე­ბა, კი­დევ ხელ­მე­ო­რედ გა­ვი­ღებ ხვალ ან ზეგ პლაზ­მას. პრო­ცე­დუ­რა რთუ­ლი არ არის. უბ­რა­ლოდ, იმ დღეს გრძნობ სი­სუს­ტეს, ცოტა დაღ­ლი­ლო­ბას, მე­ო­რე დღეს უკვე კარ­გად ხარ. ბევ­რი ადა­მი­ა­ნია, რო­მელ­მაც უკვე გა­და­ი­ტა­ნა ვირუ­სი, ამი­ტომ ვურ­ჩევ­დი "ჰე­მოპ­ლაზ­მა­ში" მის­ვლა არ და­ი­ზა­რონ. ამით გან­სა­კუთ­რე­ბით იმ ადა­მი­ა­ნებს და­ვეხ­მა­რე­ბით, ვინც შე­ერ­თე­ბუ­ლია აპა­რატ­ზე. თა­ვი­ანთ ჯან­მრთე­ლო­ბას არა­ნა­ირ საფრ­თხეს არ შე­უქ­მნი­ან და სხვას გა­და­არ­ჩე­ნენ.

ჯაბა ჯიშ­კა­რი­ა­ნი:

- მეც ბა­ტო­ნი თენ­გიზ ცერ­ცვა­ძის გან­ცხა­დე­ბა მო­ვის­მი­ნე. თქვა, რომ პლაზ­მის გა­დას­ხმა საკ­მა­ოდ ეფექ­ტი­ა­ნია, ამ გზით გარ­კვე­უ­ლი რა­ო­დე­ნო­ბა ავად­მყო­ფე­ბის გა­და­ვარ­ჩი­ნე­თო. ეს ეხე­ბო­და კო­ვი­დინ­ფი­ცი­რე­ბულ მძი­მე პა­ცი­ენ­ტებს. ისიც გან­მარ­ტა, პლაზ­მა შე­ი­ცავს ან­ტის­ხე­უ­ლებს, რო­მე­ლიც და­ა­ვა­დე­ბუ­ლის ორ­გა­ნიზ­მში შე­ყავთ, რომ ვირუ­სის გა­ნე­იტ­რა­ლე­ბა მოხ­დეს. ადა­მი­ა­ნე­ბის ჯან­მრთე­ლო­ბა და სი­ცო­ცხლე შე­უძ­ლი­ათ გა­და­არ­ჩი­ნონ გა­მო­ჯან­მრთე­ლე­ბუ­ლებ­მაო. ამი­ტომ წა­ვე­დით მე, გედი და ლე­ვა­ნი. ჩა­ვა­ბა­რე პლაზ­მა და­ახ­ლო­ე­ბით 700 გრა­მამ­დე, რაც საკ­მა­რი­სია იმის­თვის, რომ რამ­დე­ნი­მე და­ა­ვა­დე­ბულს გა­და­უს­ხან. მო­ვუ­წო­დებ ყვე­ლა ადა­მი­ანს, ვინც უკვე და­ა­მარ­ცხა ეს ვირუ­სი, ჩა­ა­ბა­როს პლაზ­მა და გა­და­არ­ჩი­ნოს სხვე­ბის სი­ცო­ცხლე, რად­გან იცით, ჯერ ვაქ­ცი­ნა არ არის და ერ­თა­დერ­თი ეფექ­ტუ­რი სა­შუ­ა­ლე­ბა პლაზ­მის გა­დას­ხმაა. ამას თა­ნა­მედ­რო­ვე მე­დი­ცი­ნა აქ­ტი­უ­რად იყე­ნებს. ამე­რი­კის ჯან­დაც­ვა­მაც აღი­ა­რა, აქვე ვი­ტყვი, რომ ეს პრო­ცე­დუ­რა უსაფრ­თხოა თქვე­ნი ჯან­მრთე­ლო­ბის­თვის. არც თავ­ბრუს­ხვე­ვა მქო­ნია, არც არა­ფე­რი, მი­ვე­დით, ჩა­ვა­ბა­რეთ და წა­მო­ვე­დით. ვფიქ­რობ, სა­ზო­გა­დო­ე­ბას არ აქვს სა­თა­ნა­დო ინ­ფორ­მა­ცია ამ პრო­ცე­დუ­რა­ზე, თო­რემ, დარ­წმუ­ნე­ბუ­ლი ვარ, იქ რი­გე­ბი დად­გე­ბა. ბევ­რი ადა­მი­ა­ნი მივა პლაზ­მის ჩა­სა­ბა­რებ­ლად. ჩვენ ერს ნამ­დვი­ლად აქვს სო­ლი­და­რო­ბა ერ­თმა­ნე­თის მი­მართ, დარ­წმუ­ნე­ბუ­ლი ვარ ბევ­რი ადა­მი­ა­ნი მოგ­ვბა­ძავს. ყვე­ლამ სი­კე­თე უნდა ვა­კე­თოთ. პლაზ­მის ჩა­ბა­რე­ბა გა­მო­ჯან­მრთე­ლე­ბუ­ლებს ჯერ­ჯე­რო­ბით მხო­ლოდ თბი­ლის­ში, ვაჟა-ფშა­ვე­ლას გამ­ზირ­ზე, 16 ნო­მერ­ში მდე­ბა­რე "ჰე­მოპ­ლაზ­მას" ცენ­ტრში შე­უძ­ლი­ათ. სწო­რედ ისი­ნი ამა­რა­გე­ბენ ინ­ფექ­ცი­ურ სა­ა­ვად­მყო­ფოს პლაზ­მით. რამ­დე­ნი­მე ათე­ულ­მა გა­მო­ჯან­მრთე­ლე­ბულ­მა პლაზ­მა უკვე ჩა­ა­ბა­რა, მაგ­რამ ეს ზღვა­ში წვე­თია. ექი­მე­ბი იმე­დოვ­ნე­ბენ, რომ ბევ­რი გა­მო­ჯან­მრთე­ლე­ბუ­ლი მი­ბა­ძავს ამ ბი­ჭებს.

ექიმ-ინ­ფექ­ცი­ო­ნის­ტმა რე­ვაზ მე­ჭურ­ჭლიშ­ვილ­მა გა­ზეთ "კვი­რის პა­ლიტ­რას­თან" სა­უბ­რი­სას გა­ნა­ცხა­და:

"ძა­ლი­ან გა­ი­ზარ­და კო­ვიდ ინ­ფი­ცი­რე­ბულ­თა რა­ო­დე­ნო­ბა და რა­ო­დე­ნო­ბის ზრდას­თან ერ­თად ბევ­რს შე­უძ­ლია უკვე პლაზ­მის გა­ღე­ბა სხვა პა­ცი­ენ­ტე­ბის გა­და­სარ­ჩე­ნად. გა­მო­ჯან­მრთე­ლე­ბი­დან გა­სუ­ლი უნდა იყოს მი­ნი­მუმ ორი კვი­რა. ორ­გა­ნიზ­მში მაქ­სი­მა­ლურ რა­ო­დე­ნო­ბას ან­ტის­ხე­უ­ლე­ბი გა­მო­ჯან­მრთე­ლე­ბი­დან 28-ე დღეს აღ­წევს, ყვე­ლა­ზე კარ­გი პე­რი­ო­დია ეს, რად­გან მა­ღა­ლია ან­ტის­ხე­უ­ლე­ბი სის­ხლში და შე­სა­ბა­მი­სად, მაგ დროს გვინ­და ჩა­ა­ბა­რონ პლაზ­მა. პლაზ­მა 600 მი­ლი­ლიტ­რი­დან 800 მი­ლი­ლიტ­რამ­დე იღე­ბა ერთ ჩა­ბა­რე­ბა­ზე. თუ ვთქვათ ცუ­დად იგ­რძნო თავი დო­ნორ­მა, ამ შემ­თხვე­ვა­ში პლაზ­მის აღე­ბა არ გაგ­რძელ­დე­ბა. ძა­ლი­ან მალე ხდე­ბა პლაზ­მის აღ­დგე­ნა ორ­გა­ნიზ­მში. გვაქვს კონ­ტაქ­ტი პლაზ­მის ცენ­ტრთან, რო­მელ­საც ჰქვია "ჰე­მოპ­ლაზ­მა". როცა გა­მოჩ­ნდე­ბა დო­ნო­რი, მათ­თან ვა­მი­სა­მარ­თებთ.

სხვა ცენ­ტრე­ბი ჯერ­ჯე­რო­ბით არც არის. რო­დე­საც შე­მო­ვა პა­ცი­ენ­ტი, თუ არის უკვე მძი­მე, ან ვხე­დავთ რომ დი­ნა­მი­კა­ში მძიმ­დე­ბა მისი მდგო­მა­რე­ო­ბა და ჯერ­ჯე­რო­ბით არ არის გა­სუ­ლი და­ინ­ფი­ცი­რე­ბი­დან გარ­კვე­უ­ლი ვადა, მა­გა­ლი­თად, მე­ხუ­თე, მეშ­ვი­დე დღემ­დე, ჩვენ შეგ­ვიძ­ლია გა­მო­ვი­ყე­ნოთ პლაზ­მა. არის შემ­თხვე­ვე­ბი, რო­დე­საც ორი კვი­რა, ან მე­ტია გა­სუ­ლი პი­რის ინ­ფი­ცი­რე­ბი­დან და მერე გვთხო­ვენ ოჯა­ხის წევ­რე­ბი, ან სხვა კლი­ნი­კის ექი­მე­ბი იქ­ნებ პლაზ­მა გა­და­ვას­ხა­თო, მაგ­რამ ამ დროს ჩვენ ხელ-ფეხი შეკ­რუ­ლი გვაქვს, რად­გან ამ დროს უკვე ვირუ­სი აღარ არის წამ­ყვა­ნი პა­ცი­ენ­ტის და­ა­ვა­დე­ბა­ში და შე­სა­ბა­მი­სად ვირუს­თან ბრძო­ლას აზრი აღარ აქვს. ამი­ტომ და­სა­წყის­ში­ვე, რო­დე­საც პა­ცი­ენ­ტის მდგო­მა­რე­ო­ბა მძიმ­დე­ბა, ან უკვე მძი­მეა, პლაზ­მას აქვს ყვე­ლა­ზე მა­ღა­ლი ეფექ­ტი. ასეთ დროს აუ­ცი­ლე­ბე­ლია დო­ნო­რის და ინ­ფი­ცი­რე­ბუ­ლი პა­ცი­ენ­ტის სის­ხლის ჯგუ­ფი ემ­თხვე­ო­დეს ერ­თმა­ნეთს, ესეც გვი­ჭირს, შე­სა­ბა­მი­სად, ნე­ბის­მი­ერ პა­ცი­ენტს პლაზ­მას ვერ გა­და­ვუს­ხამთ. კარ­გი იქ­ნე­ბა თუ გა­აქ­ტი­ურ­დე­ბი­ან გა­მო­ჯან­მრთე­ლე­ბუ­ლე­ბი და ჩა­ა­ბა­რე­ბენ პლაზ­მას".

კომ­პა­ნია "ჰე­მოპ­ლაზ­მის" დამ­ფუძ­ნე­ბე­ლი თე­მურ აზი­კუ­რი:

- ვფიქ­რობ დიდი აქ­ტი­უ­რო­ბა იმი­ტომ არ არის, რომ მა­სობ­რი­ვად მო­სახ­ლე­ო­ბას არ აქვს ინ­ფორ­მა­ცია, თუ რა სი­კე­თე შე­უძ­ლია მო­ი­ტა­ნოს პლაზ­მის ჩა­ბა­რე­ბამ. არა­და ეს არის ერთ-ერთი სამ­კურ­ნა­ლო ეფექ­ტუ­რი, საკ­მა­ოდ აპ­რო­ბი­რე­ბუ­ლი მე­თო­დი. პლაზ­მის აღე­ბა საკ­მა­ოდ დახ­ვე­წი­ლი თა­ნა­მედ­რო­ვე ტექ­ნო­ლო­გი­ე­ბით ხდე­ბა. დო­ნო­რო­ბა ზო­გა­დად კე­თილ ნე­ბა­ზეა დამ­ყა­რე­ბუ­ლი, ვე­რა­ვის აი­ძუ­ლებ. მარ­ტში, რო­დე­საც გა­მო­ცხად­და პან­დე­მია, ბა­ტონ თენ­გიზ ცერ­ცვა­ძეს­თან ერ­თად დავ­სა­ხეთ გეგ­მა. ჩვენ, რო­გორც და­მამ­ზა­დებ­ლებ­მა და მათ რო­გორც პრაქ­ტი­კა­ში გა­მომ­ყე­ნებ­ლებ­მა. მთე­ლი მსოფ­ლიო იუ­წყე­ბო­და ჯერ კი­დევ მა­შინ, რომ პლაზ­მას ჰქონ­და შე­დე­გი. ჩვენ­თან კლი­ნი­ცის­ტე­ბის­გან რე­კო­მენ­დი­რე­ბუ­ლი ადა­მი­ა­ნე­ბი მო­დი­ოდ­ნენ და მა­შინ და­ახ­ლო­ე­ბით 10 ადა­მი­ან­მა ჩა­ა­ბა­რა პლაზ­მა. ის და­მუ­შავ­და სრუ­ლი წე­სე­ბის დაც­ვით, რო­გორც მოგ­ვი­წო­დებ­და აშშ-ის სურ­სა­თი­სა და მე­დი­კა­მენ­ტე­ბის ად­მი­ნის­ტრა­ცია და პლაზ­მე­ბი გა­და­ე­ცა კლი­ნი­კურ ჯგუფს გა­მო­ყე­ნე­ბის­თვის. ბა­ტონ­მა თენ­გიზ­მა და მის­მა ჯგუფ­მა ეს გა­მო­ი­ყე­ნა და იყო კარ­გი შე­დე­გი. 2 შემ­თხვე­ვა­ზე ამ­ბობ­დნენ, ზე­მოქ­მე­დე­ბა არ მო­ახ­დი­ნაო.

- ვის შე­უძ­ლია პლაზ­მის ჩა­ბა­რე­ბა?

- დო­ნო­რო­ბა რო­გორც სის­ხლის, ასე­ვე პლაზ­მის, ნე­ბა­დარ­თუ­ლია 18 წლის ასა­კი­დან თუ ადა­მი­ა­ნი არის პრაქ­ტი­კუ­ლად ჯან­მრთე­ლი. პრაქ­ტი­კუ­ლად ჯან­მრთე­ლად ით­ვლე­ბა ყვე­ლა, ვი­საც არ აქვს ქრო­ნი­კუ­ლი და­ა­ვა­დე­ბა: ღვიძ­ლის, თირკმე­ლე­ბის, გულ­სის­ხლძარ­ღვთა, დი­ა­ბე­ტი და ა.შ. ასე­ვე არ უნდა ჰქონ­დეს სის­ხლის გა­დამ­დე­ბი და­ა­ვა­დე­ბე­ბი: ბე და ცე ჰე­პა­ტი­ტე­ბი, შიდსი, სი­ფი­ლი­სი. ერთი სი­ტყვით, ვირუ­სუ­ლი და­ა­ვა­დე­ბე­ბი და თუ არ ჩა­უ­ტა­რე­ბია ბოლო 6 თვის გან­მავ­ლო­ბა­ში რა­ი­მე ინ­ვა­ზი­უ­რი მა­ნი­პუ­ლა­ცია, მა­გა­ლი­თად, სტო­მა­ტო­ლო­გი­უ­რი, არ გა­უ­კე­თე­ბია ტატუ და აშ. ბოლო ორი კვი­რის გან­მავ­ლო­ბა­ში არ ყო­ფი­ლა სხვა ვირუ­სუ­ლი ინ­ფექ­ცი­ით და­ა­ვა­დე­ბუ­ლი, ანუ გა­ჯან­სა­ღე­ბუ­ლია.

კო­ვიდ­გა­და­ტა­ნილ პა­ცი­ენტს სრუ­ლად გა­მო­ჯან­მრთე­ლე­ბი­დან 2 კვი­რის შემ­დეგ შე­უძ­ლია გახ­დეს ნე­ბა­ყოფ­ლო­ბი­თი დო­ნო­რი და ჩა­ა­ბა­როს თა­ვი­სი იმუ­ნი­ზი­რე­ბუ­ლი პლაზ­მა სხვა და­ა­ვა­დე­ბუ­ლის გა­და­სარ­ჩე­ნად. გა­მოკ­ვლე­უ­ლი იქ­ნე­ბა დო­ნო­რის სის­ხლის ჯგუ­ფი, რე­ზუ­სი, გა­მოკ­ვლე­უ­ლი იქ­ნე­ბა ის ინ­ფექ­ცი­ებ­ზე, ჰე­მოგ­ლო­ბი­ნი, ჰე­მა­ტოკ­ლი­ტი, ყვე­ლა ის მა­ხა­სი­ა­თებ­ლე­ბი, რაც პირ­ველ რიგ­ში აუ­ცი­ლე­ბე­ლია დო­ნო­რის ჯან­მრთე­ლო­ბის­თვის, რომ მის­თვის არ იყოს მავ­ნე­ბე­ლი. დო­ნორს ასე­ვე შე­უძ­ლია ჩა­ი­ტა­როს რამ­დე­ნი­მე თვის გან­მავ­ლო­ბა­ში, 2 კვი­რა გა­მოშ­ვე­ბით ანა­ლო­გი­უ­რი პრო­ცე­დუ­რე­ბი. რად­გან ეს ვირუ­სი ახა­ლი და­ა­ვა­დე­ბაა, მი­დის შეს­წავ­ლა და დგინ­დე­ბა ის მა­ნე­იტ­რა­ლი­ზე­ბე­ლი ან­ტის­ხე­უ­ლე­ბი, რო­მელ­საც ადა­მი­ა­ნის ორ­გა­ნიზ­მი გა­მო­ი­მუ­შა­ვებს თუ რო­გორ მუ­შავ­დე­ბა ორ­გა­ნიზ­მში. კვლე­ვებ­მა აჩ­ვე­ნა, რომ ყვე­ლა ადა­მი­ა­ნი არ გა­მო­ი­მუ­შა­ვებს ერ­თნა­ი­რად, არი­ან ე.წ. სუ­პერ დო­ნო­რე­ბი, რომ­ლებ­საც აქვთ ძა­ლი­ან მა­ღა­ლი კონ­ცენ­ტრა­ცი­ით ეს ან­ტის­ხე­უ­ლე­ბი. გვყავ­და ასე­თი დო­ნო­რიც, რო­მელ­საც ძა­ლი­ან დიდი რა­ო­დე­ნო­ბით ან­ტის­ხე­უ­ლი ჰქონ­და და მისი პლაზ­მა გა­მო­ყე­ნე­ბუ­ლია.

ვირუს­გა­და­ტა­ნი­ლი პა­ცი­ენ­ტე­ბის პლაზ­მის დამ­ზა­დე­ბის შემ­თხვე­ვა­ში დო­ნა­ცი­ის შემ­დეგ კი­დევ ვახ­დენთ მის შეს­წავ­ლას არ­სე­ბუ­ლი ვირუ­სის გა­მა­ნე­იტ­რა­ლე­ბე­ლი ან­ტის­ხე­უ­ლე­ბის კონ­ცენ­ტრა­ცი­ის შე­სა­ხებ და მხო­ლოდ ამის შემ­დეგ ვაძ­ლევთ პრაქ­ტი­კუ­ლი გა­მო­ყე­ნე­ბის რე­კო­მენ­და­ცი­ას კლი­ნი­ცის­ტებს.

უკვე არ­სე­ბულ­მა გა­მოც­დი­ლე­ბამ აჩ­ვე­ნა, რომ მა­მა­კა­ცე­ბი, 35 წლი­დან 65 წლამ­დე გა­ცი­ლე­ბით მა­ღა­ლი კონ­ცენ­ტრა­ცი­ის ან­ტის­ხე­უ­ლებს შე­ი­ცა­ვენ, ვიდ­რე ახალ­გაზ­რდა მა­მა­კა­ცე­ბი და ქალ­ბა­ტო­ნე­ბი, თუმ­ცა ასე რა­ტომ ხდე­ბა, ჯერ არა­ვინ იცის. 18 დან 65 წლამ­დეა დო­ნო­რის ასა­კი. ქალ­ბა­ტო­ნე­ბი არ უნდა იყ­ვნენ 50კგ-ზე გამ­ხდა­რი და მა­მა­კა­ცე­ბი 60 კი­ლოგ­რამ­ზე გამ­ხდრე­ბი. ზედა ზღვა­რი თუ რა­ღაც პა­თო­ლო­გი­უ­რი სიმ­სუქ­ნე არ აქვს, არ არ­სე­ბობს.

- რამ­დენ ხან­ში აღიდ­გენს დო­ნო­რის ორ­გა­ნიზ­მი გა­ღე­ბულ პლაზ­მას?

- რო­დე­საც ადა­მი­ა­ნის ორ­გა­ნიზ­მი გრძნობს, რომ აკ­ლდე­ბა ან­ტის­ხე­უ­ლე­ბი, მა­შინ­ვე იწყე­ბა კონ­პენ­სა­ტო­რუ­ლად მისი წარ­მო­ე­ბა სის­ხლმბად ორ­გა­ნო­ებ­ში და რო­გორც სი­თხით, ასე­ვე მისი ან­ტის­ხე­უ­ლე­ბის, ანუ ცი­ლო­ვა­ნი კომ­პო­ნენ­ტის შემ­ცვე­ლო­ბით 48 სა­ათ­ში სრუ­ლად ხდე­ბა აღ­დგე­ნა ამ შე­მად­გენ­ლო­ბის. რაც შე­ე­ხე­ბა თვი­თონ სი­თხეს, ჩვენ 600 დან 700 მი­ლი­ლიტ­რამ­დე სი­თხეს, ფი­ზი­ო­ლო­გი­უ­რი ხსნა­რის და ან­ტი­კუ­ა­კუ­ლო­გან­ტის სა­ხით მა­შინ­ვე პრო­ცე­დუ­რის დროს უკან ვუბ­რუ­ნებთ ორ­გა­ნიზმს. ასე რომ, ეს პრო­ცე­დუ­რა უსაფრ­თხოა.

- პლაზ­მის მა­რა­გე­ბი არის დღეს?

- რამ­დე­ნი­მე ათე­უ­ლი გა­მო­ჯან­მრთე­ლე­ბუ­ლი მო­ვი­და ბოლო დროს. მაგ­რამ ეს ზღვა­ში წვე­თია, ვი­სურ­ვებ­დით მეტ აქ­ტი­ვო­ბას. როცა სჭირ­დე­ბათ პლაზ­მა, ჯგუ­ფე­ბი და რე­ზუ­სე­ბი ყო­ველ­თვის არ ემ­თხვე­ვა, ამი­ტომ ვამ­ბობ, უნდა იყოს მა­რა­გე­ბი. 4 სის­ხლის ჯგუ­ფი, 4 რე­ზუ­სი 8 ვა­რი­ა­ცი­აა ამის და რო­დე­საც გაქვს მა­ცი­ვარ­ში შე­ნა­ხუ­ლი მხო­ლოდ 5 დო­ნო­რის სის­ხლი, ის ბუ­ნებ­რი­ვია იმ მრა­ვალ­ფე­როვ­ნე­ბას ვერ ასა­ხავს. ამი­ტომ ეს უნდა იყოს გა­ცი­ლე­ბით ბევ­რი დამ­ზა­დე­ბუ­ლი, რომ ყვე­ლა­ნა­ი­რი მო­თხოვ­ნა დაკ­მა­ყო­ფილ­დეს. მი­თუ­მე­ტეს, იმ ფონ­ზე, როცა ასე მძვინ­ვა­რებს და­ა­ვა­დე­ბა.

მა­გა­ლი­თად, ბრი­ტა­ნეთ­ში გა­ი­ცა გან­კარ­გუ­ლე­ბა რომ გა­კეთ­დეს 14 ახა­ლი პლაზ­მა­ცენ­ტრი და მო­ემ­ზა­დონ ზამ­თრის­თვის. ამის­თვის იქ მა­სობ­რი­ვი მო­ბი­ლი­ზა­ცი­აა გა­მო­ცხა­დე­ბუ­ლი, აბა­რე­ბენ პლაზ­მას ადა­მი­ა­ნე­ბი...

გა­მო­ჯან­მრთე­ლე­ბულ პა­ცი­ენ­ტებს მო­ვუ­წო­დებთ, მობ­რძან­დნენ ვაჟა-ფშა­ვე­ლას 16 ნო­მერ­ში, ყო­ფი­ლი მშე­ნებ­ლო­ბის სა­მი­ნის­ტროს შე­ნო­ბის პირ­ველ სარ­თულ­ზე, "ჰე­მოპ­ლაზ­მას" ცენ­ტრში და გა­ი­ღონ პლაზ­მა, გა­და­არ­ჩი­ნონ სხვე­ბის სი­ცო­ცხლე. თუ იქნა დიდი მო­მარ­თვი­ა­ნო­ბა, ჩვენ მზად ვართ შა­ბათ-კვი­რა­საც მო­ვემ­სა­ხუ­როთ ადა­მი­ა­ნებს და შეგ­ვიძ­ლია სხვა­დას­ხვა ლო­კა­ცი­ა­ზე, მთე­ლი სა­ქარ­თვე­ლო მო­ვიც­ვათ.

- რამ­დე­ნი ხანი ინა­ხე­ბა ეს პლაზ­მა?

- სა­ერ­თა­შო­რი­სო ნორ­მე­ბით გამ­ზა­დე­ბის­თა­ნა­ვე გა­ი­ყი­ნე­ბა მი­ნუს 30 გრა­დუ­სამ­დე და შე­ნახ­ვა შეგ­ვიძ­ლია 3 წლის გან­მავ­ლო­ბა­ში. ჩვენ ინ­ფექ­ცი­უ­რი სა­ა­ვად­მყო­ფოს ბა­ზა­ზე შექ­მნილ კლი­ნი­კურ ჯგუფს ვაწ­ვდით ამ პლაზ­მას, მაგ­რამ, რო­გორც ვიცი, გა­მო­ი­ყე­ნეს გორ­შიც, ერთ სხვა კლი­ნი­კა­შიც და შე­დე­გი­ა­ნი იყო. რაც ყვე­ლა­ზე მნიშ­ვნე­ლო­ვა­ნია, ალ­ბათ მო­იც­ლის სა­მი­ნის­ტროც ამის­თვის, რომ პრო­ტო­კოლ­ში შე­ი­ტა­ნონ, გა­ჯან­სა­ღე­ბუ­ლი დო­ნო­რის პლაზ­მის გა­მო­ყე­ნე­ბის შე­საძ­ლებ­ლო­ბა, გა­ფარ­თო­ე­ბუ­ლი ფორ­მით, სხვა ექი­მებ­საც მი­ე­ცეთ. ამ ვი­თა­რე­ბა­ში კი მა­რა­გე­ბი იქ­ნე­ბა ძა­ლი­ან მნიშ­ვნე­ლო­ვა­ნი. რო­დე­საც პა­ცი­ენ­ტი მძიმ­დე­ბა და ხვდე­ბა სტა­ცი­ო­ნარ­ში, არის პროგ­რე­სი­რე­ბა და­ა­ვა­დე­ბის, რე­კო­მენ­დი­რე­ბუ­ლია პირ­ვე­ლი­ვე 48 სა­ათ­ში პლაზ­მის გა­მო­ყე­ნე­ბა, ეს არის ორ­გა­ნიზ­მის დახ­მა­რე­ბა გამ­ზა­დე­ბუ­ლი ან­ტის­ხე­უ­ლე­ბით, მა­ნამ, ვიდ­რე ეს ორ­გა­ნიზ­მი მო­ას­წრებს სა­კუ­თა­რი ან­ტის­ხე­უ­ლე­ბის გა­მო­მუ­შა­ვე­ბას. არის ყვე­ლა­ზე ეფექ­ტუ­რი, ამი­ტომ უნდა იყოს ისე­თი რა­ო­დე­ნო­ბით, ექი­მებ­საც გა­ბე­დუ­ლად შე­ეძ­ლოთ პლაზ­მის გა­მო­ყე­ნე­ბა.