მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოში მაიკ პომპეო ჩადის. ეჭვი არავის უნდა შეეპაროს, რომ მისი ვიზიტისას ნატოს გაფართოების საკითხიც იქნება განხილული" - რას წერს რუსული გამოცემა პუტინ-ბჟანიას შეხვედრაზე
11:27 / 13-11-2020
რუსულმა გაზეთმა "იზვესტიამ“ («Известия») გამოაქვეყნა სტატია, რომელშიც აფხაზეთის ე.წ. პრეზიდენტის, ასლან ბჟანიასა და ვლადიმირ პუტინის შეხვედრის ფონზე (12 ნოემბერს, სოჭში) რუსულ-აფხაზური ურთიერთობის საკითხებია განხილული. პუბლიკაციის სათაურია: "მაშველი რგოლი: რატომაა მნიშვნელოვანი მოსკოვისა და სოხუმის ურთიერთობა" (ავტორი - დიმიტრი ლარუ).
შეხვედრაზე, როგორც ოფიციალურ განცხადებაშია ნათქვამი, "პუტინმა და ბჟანიამ განიხილეს ორმხრივი სავაჭრო-ეკონომიკური და კულტურულ-ჰუმანიტარული ურთიერთობის პერსპექტივები, 2014 წლის 25 ნოემბერს გაფორმებული "მოკავშირეობისა და სტრატეგიული პარტნიორობის შესახებ“ შეთანხმების რეალიზაციისა და საგარეო პოლიტიკური კოორდინაციისა და რეგიონალური უსაფრთხოების უზრუნველყოფის საკითხები“.
"კორონავირსუსი ეპოქაში რუსეთის პრეზიდენტი ვლადიმირ პუტინი ცოტა ვინმეს თუ ხვდება, მასთან ვიზიტები მაქსიმალურად შეზღუდულია. და ამ ფონზე ვლადიმირ პუტინს ხვდება ასლან ბჟანია, რომელიც აფხაზეთის პრეზიდენტად აპრილში აირჩიეს. მოკლედ, ეს ფაქტი შეიძლება სენსაციადაც ჩაითვალოს.
მოსკოვს კორონავირუსთან დაკავშირებით მაინცდამაინც იოლი დღეები არ უდგას. რთული ვითარებაა აფხაზეთშიც. როგორც ვლადიმირ პუტინმა აღნიშნა, გუდაუთის საავადმყოფოში რუსი ექიმები მუშაობენ, რომლებმაც რესპუბლიკაში 4,8 ათასი ინფიცირებული გამოავლინეს და მათ მკურნალობენ. თავის მხრივ, ასლან ბჟანიამ განაცხადა, რომ აფხაზეთს განზრახული აქვს სრულად შეასრულოს თავისი ვალდებულებები რუსეთთან მიმართებაში. მან ვლადიმირ პუტინი აფხაზეთში მიიწვია.
რუსეთი აფხაზეთისთვის მთავარ პარტნიორად რჩება: მისი ეკონომიკის 70% რუსეთთანაა დაკავშირებული - ეს ვლადიმირ პუტინის სიტყვებია. მისივე თქმით, აფხაზეთში ტურიზმის განვითარება ერთ-ერთი მნიშვნელოვანი საკითხია. რუსეთიდან აფხაზეთში შედის საკვები პროდუქტები, მინერალური მასალები, ნავთობპროდუქტები, ფარმაცევტული და ქიმიური პროდუქცია, მანქანები და სხვადასხვა მოწყობილობები, ხოლო აფხაზეთიდან რუსეთში - ხილ-ბოსტნეული, ღვინის პროდუქცია", - ვკითხულობთ სტატიაში.
ვლადიმირ პუტინისა და ასლან ბჟანიას შეხვედრას კომენტარს უკეთებს რუსი ექსპერტი აჯარ ქურთოვი:
"შავიზღვისპირა აფხაზეთი, რომელსაც საკუთარი ტურისტული ინფრასტრუქტურის გასავითარებლად ფინანსური საშუალებები არ აქვს, რუსი ინვესტორისათვის საინტერესო ქვეყანას წარმოადგენს. ეკონომიკური თანამშრომლობისათვის შესაძლებლობები საკმაოდ დიდია. ტურისტული ბიზნესი მხოლოდ სასტუმროები და პლაჟები არ არის, ეს სატრანსპორტო და აგრარული ინფრასტრუქტურის განვითარებასაც ნიშნავს“, - აღნიშნავს ექსპერტი.
რაც შეეხება აფხაზეთის გეოპოლიტიკურ მნიშვნელობას, დღეისათვის სოხუმი აქტიურ საერთაშორისო მოთამაშეს არ წარმოადგენს, გასაგები მიზეზების გამო, თუმცა მას მჭიდრო სამხედრო კავშირები აქვს რუსეთთან.
"ბუნებრივია, მოსკოვთან სამოკავშირეო ურთიერთობა, საქართველოში მიმდინარე პოლიტიკური ტურბულენტობის ფონზე, აფხაზეთისთვის ძალზე მნიშვნელოვანია“, - ამბობს დსთ-ის ინსტიტუტის თანამშრომელი, პოლიტოლოგი ვლადიმირ ევსეევი, - აფხაზეთს რუსეთისათვის რაიმე დიდი დახმარების გაწევა არ შეუძლია, მაგრამ მის ტერიტორიას დიდი გეოპოლიტიკური მნიშვნელობა აქვს, საქართველოს ნატოში სწრაფვასთან გათვალისწინებით. თუ საქართველო ნატოში გაწევრიანდება, მაშინ სამომავლოდ მის ტერიტორიაზე მძლავრი სამხედრო ინფრასტრუქტურა გაჩნდება. სხვათა შორის, საქართველოში 17 ნოემბერს, აშშ-ის სახელმწიფო მდივანი მაიკ პომპეო ჩადის და ეჭვი არავის უნდა შეეპაროს იმაში, რომ მისი შეხვედრის დროს საქართველოს ხელმძღვანელობასთან სამხედრო ბლოკის გაფართოების საკითხიც იქნება განხილული. ამიერკავკასიაში ნატოს ბაზების გაჩენას კი რუსეთი თავისი ყოფნის გაძლიერებით უპასუხებს. ამჯამად აფხაზეთში რუსეთის მე-7 სამხედრო ბაზაა დისლოცირებული (გუდაუთაში)".
ექსპერტის თქმით, რუსეთს, აუცილებლობის შემთხვევაში, შეუძლია აფხაზეთში თავისი დაჯგუფება სწრაფად გააძლიეროს. მოქმედებს სოჭი-სოხუმის რკინიგზა, რომლის მეშვეობითაც მძიმე სამხედრო ტექნიკის გადასროლა ოპერატიულად განხორციელდება. "თუმცა მთავარი ამოცანა მაინც რუსეთ-აფხაზეთის სამხედრო ძალების ოპერატიულ ურთიერთშეთავსებაში მდგომარეობს, აუცილებელია რეგულარულად ტარდებოდეს ერთობლივი სწავლებები, რათა აფხაზი კოლეგები სამხედრო ცოდნას უკეთ დაეუფლონ“, - ასკვნის ექსპერტი. წყარო
სიმონ კილაძე
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართველოს ხელისუფლებას უნდა ესმოდეს, რომ "ნატო"-ს ბაზების განლაგება ჩვენს ტერიტორიაზე ნიშნავს, რომ აფხაზეთსა და სამაჩაბლოს სამუდამოდ უნდა დავემშვიდობოთ! ამიტომ პომპეოს ვიზიტისას მაქსიმალურად უნდა დავიცვათ ჩვენი ქვეყნის ინტერესები და არა ამერიკის და "ნატოსი"! ქვეყნის ტერიტორიების დაბრუნებისა და გაერთიანების გარეშე არავითარი უცხო ქვეყნის ბაზების განლაგებაზე არ უნდა დავთანხმდეთ, თორემ პასუხისმგებლობა ამ გადაწყვეტილებაზე ხელისუფლებას ეკისრება და ქვეყნის დანაწევრება და დაყოფა არავის ეპატიება!
რომელი ტერიტორიები ქალბატონო რომელიც უკვე დამოუკიდებელ ქვეყნებად აღიარა და ელოდებიან როდის შეუერთდებიან რიგით სუბიექტებად? დაგიბრუნებს დაელოდე