მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დავით კირკიტაძე: "ჩვენს ქვეყანაში რაც კი არჩევნები ჩატარებულა, მსგავსი გაყალბება არასოდეს მომხდარა"
13:55 / 02-11-2020
ცესკოს მონაცემებით, რუსთავის მაჟორიტარულ ოლქში "ქართული ოცნება-დემოკრატიული" საქართველოს მაჟორიტარი დეპუტატობის კანდიდატი ნინო ლაცაბიძე ლიდერობს. მეორე ადგილზეა "ნაციონალური მოძრაობის“ კანდიდატი დავით კირკიტაძე. ცნობილია ისიც, რომ ამ ოლქში მოსალოდნელია მეორე ტური, თუმცა დავით კორკიტაძე მეორე ტურში მონაწილეობაზე კატეგორიულ უარს ამბობს და ხალხს ქუჩაში გამოსვლისკენ მოუწოდებს.
დავით კირკიტაძე:
- ჩვენს ქვეყანაში და რუსთავში რაც არჩევნები ჩატარებულა, მსგავსი გაყალბება არასოდეს მომხდარა. ამას ვერ დავარქმევთ არჩევნებს, პირდაპირ დაწერეს ოქმები, პირდაპირ იღებდნენ და აუქმებდნენ ჩემს ბიულეტენებს. აკეთებდნენ იმას, რაც უნდოდათ.
- თუ ასე იყო, კომისიაში ხომ იყვნენ თქვენი წევრები. თქვენმა წარმომადგენლებმა ვერ დაიცვეს თქვენი ხმები?
- კომისიაში ხმათა უმრავლესობა "ქართულ ოცნებას" აქვს, ეს ყველამ იცის. ჩვენ გვაქვს იმის მტკიცებულებები, რომ ასე უხეშად აყალბებდნენ არჩევნების შედეგებს. საჩივრებიც დაწერილი და შეტანილი გვაქვს, მაგრამ ამას აზრი აღარ აქვს. იმიტომ რომ იგივე ხდება საოლქო საარჩევნო კომისიაში, იქაც ქართული ოცნების წარმომადგენლები არიან და რასაც უბრძანებენ, ისინი იმას აკეთებენ. ეს არ არის არჩევნები, ამიტომ მე არ ვაპირებ არანაირად რომ ამ მოცემულობას შევეგუო. უამრავმა, ათიათასობით ადამიანმა დამიჭირა ხმა. მინდა მადლობა გადავუხადო თითოეულს და ვუთხრა, რომ ეს ბრძოლა არის ბოლომდე მისაყვანი.
- ცნობილია ისიც, რომ მეორე ტური იქნება რუსთავში, არ აპირებთ მონაწილეობას?
- გამორიცხულია ამ საარჩევნო კომისიის პირობებში არჩევნებში მონაწილეობა მივიღო. ნამდვილად არ ვაპირებ თვალების დახუჭვას, მიუხედავად ამ გაყალბებული ციფრებისა და იმ საშინელებებისა, რაც მათ გააკეთეს, ხედავთ მაინც ვერ მოახერხეს ის, რომ "ქართული ოცნების" კანდიდატი გამარჯვებულად გამოეცხადებინათ. ახლა ამათთან კიდევ ერთხელ უთანასწორო ბრძოლაში შესვლას აზრი არ აქვს, ამიტომ არ ვიღებ მონაწილეობას მეორე ტურში. ჩვენ, ოპოზიციური პარტიები მზად ვართ წინ დავუდგეთ გაბრაზებულ ხალხს, მასიურად უნდა გამოვიდეთ ხალხი ქუჩებში. ის ხალხი, ვისაც სხვა ყველაფერთან ერთად მოპარეს არჩევანის უფლება. ამ სიტუაციაში ერთადერთი გამოსავალია ქუჩაში გამოსვლა და ამ ხელისუფლების იძულება, რომ შეიცვალოს მთლიანად ყველგან საარჩევნო კომისია, საარჩევნო ადმინისტრაციები და ამის შემდეგ ჩატარდეს ხელახალი პატიოსანი და თავისუფალი არჩევნები.
- მთელი ამ ხნის განმავლობაში აცხადებდით, რომ თითოეულ ხმას დაიცავდით, ახლა ამბობთ, რომ კომისიებს არ ენდობით, მანამდე არ იცოდით, ვინ იყო ამ კომისიებში?
- ხმების დაცვას ახლაც ვცდილობთ, მაგრამ საარჩევნო კომისიები, საუბნო საარჩევნო კომისიები, ცეესკო, მთლიანად დაკომპლექსტებულია "ქართული ოცნების" მიერ, რომლებიც მხოლოდ ბატონის დავალებების შემსრულებლები არიან. იქ გადაწყვეტილებების მიღება ხდება ხმათა უმრავლესობით და ეს ადამიანები მოქმედებენ ბიძინა ივანიშვილის დავალებით. ფიზიკურად ხომ ვერ შევუვარდებით უბნებზე და ხომ ვერ დაიწყებ ხმების დათვლას. ერთადერთი გამოსავალი არის ქუჩაში გამოსვლა ხალხის და პროტესტი, რომ ვაიძულოთ ხელისუფლება ჩატარდეს ხელახალი არჩევნები.
ჩემს ოლქში 3000-ზე მეტი ჩემი მხარდამჭერი ბიულეტენია უკანონოდ გაუქმებული.
- თქვენი კონკურენტი "ქართული ოცნების" კანდიდატი ნინო ლაცაბიძეა, რას იტყვით მასზე? როგორც გვითხრეს, ის თქვენი მეუღლის დეიდაშვილია, მასთან ნათესაურ კავშირს ადასტურებთ?
- ჩემი კონკურენტი ნინო ლაცაბიძე კი არა, ბიძინა ივანიშვილი და მისი ხელისუფლებაა. დანარჩენს დრო გვაჩვენებს. ყველა ადამიანის შეფასებას და პერსონის შეფასებას მოახდენს დრო.
- მასთან ნათესაურ კავშირს ადასტურებთ?
- ეს არის ტყუილი და სისულელე.
მკითხველის კომენტარები /
49 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაი შენ პატრონს
ტიპიიი რაა ნაგლია :)))