"პოლიციის წარმომადგენელმა ფული მოიტანა და მძარცველთან ერთად დატოვებენ შენობას" - რას წერს მძევალი გათავისუფლების შემდეგ

ირაკლი კვარაცხელია, რომელიც ერთ-ერთ იყო დღეს იმ მძევლებიდან, რომელიც თავდამსხმელმა საქართველოს ბანკის ოფისში აიყვანა სოციალურ ქსელში პოსტს აქვეყნებს:

"სამი კაცი გარდა ყველანი გამოგვიშვეს. პოლიციის წარმომადგენელმა ფული მოიტანა და მძარცველთან ერთად დატოვებენ შენობას რამოდენიმე წუთში. უღრმესი მადლობა ყველას მწარდაჭერისთვის. ახლა დაკითხვაზე გადამიყვანენ ალბათ და თქვენს მესიჯებს მერე გავეცნბი" - წერს ირაკლი კვარაცხელია.

არსებული ინფორმაციით, "საქართველოს ბანკის" ოფისიდან ყველა მძევალი გათავისუფლდა და თავდამსხმელი დაკავებულია.

ცნობისთვის, რამდენიმე საათის წინ ზუგდიდში, გამსახურდიას გამზირზე მდებარე "საქართველოს ბანკის" ფილიალში თავდამსხმელი შეიჭრა. მან ბანკის თანამშრომლები და კლიენტები მძევლად აიყვანა და სამართალდამცველებს კონკრეტული მოთხოვნები წაუყენა. ის ნახევარ მილიონი დოლარის ნაღდი ანგრიშწორებით მიტანასა და შენობის უსაფრთხო დატოვების გარანტიას ითხოვდა. მთელი დღის განმავლობაში მიმდებარე ტერიტორიაზე მობილიზებულები იყვნენ სამართალდამცველები და სპეცდანიშნულების რაზმის წარმომადგენლები.