"აჭარაში - 196, თბილისში - 178" - როგორ ნაწილდება კორონავირუსის ახალი შემთხვევები ქვეყნის მასშტაბით

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, 478 ახალი შემთხვევიდან 196 შემთხვევა აჭარაში დადასტურდა, 178 კი თბილისში.

მარინა ენდელაძის ინფორმაციით, ქვეყანაში კრიტიკულად მძიმეა და მართვით სუნთქვაზე იმყოფება 50 პაციენტი, მათგან 8 აფხაზეთის ოკუპირებული ტერიტორიიდან არის გადმოყვანილი.

"აჭარაში - 196 დადასტურებული შემთხვევა გვაქვს, თბილისში - 178, იმერეთში 65 შემთხვევა დადასტურდა, გურია -1, მცხეთა-მთიანეთი - 4, სამეგრელო და ზემო სვანეთი - 13, ქვემო ქართლი - 15, შიდა ქართლი - 6“, - განაცხადა მარინა ენდელაძემ.