"527 ახალი შემთხვევიდან 190 აჭარაში, 179 კი თბილისში დადასტურდა" - როგორია კორონავირუსის ახალი შემთხვევების გადანაწილება ქვეყნის მასშტაბით

ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის განცხადებით, 527 ახალი შემთხვევიდან 190 აჭარაში, 179 კი თბილისში დადასტურდა.

მარინა ენდელაძის თქმით, ქვეყანაში 63 კრიტიკულად მძიმე პაციენტია.

"საბედნიეროდ, აჭარაში შემცირდა რაოდენობა - 190 პაციენტია, თუმცა, სამწუხაროდ თბილისში მოიმატა - 179 ახალი შემთხვევა გვაქვს. გარდა ამისა, იმერეთშია - 91, ქვემო ქართლში - 28, შიდა ქართლში -10 პაციენტია, კახეთში -11, მცხეთა-მთიანეთში - 3, გურიაში - 3, სამცხე-ჯავახეთში - 1 შემთხვევა“, - განაცხადა ენდელაძემ.