"გავაგრძელებთ აზერბაიჯანის ტერიტორიული მთლიანობის მხარდაჭერას ისე, როგორც გავაკეთეთ საქართველოსთან დაკავშირებით" - მევლუთ ჩავუშოღლუ

ჩვენ გავაგრძელებთ აზერბაიჯანის ტერიტორიული მთლიანობის მხარდაჭერას ზუსტად ისე, როგორც გავაკეთეთ საქართველოსთან, უკრაინასთან, სირიასა და ერაყთან დაკავშირებით, - თურქული მედიის ინფორმაციით, ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ აზერბაიჯანელ კოლეგასთან, ჯეიჰან ბაირამოვთან, ბაქოში გამართული შეხვედრის შემდეგ განაცხადა.

მისივე თქმით, სომხეთის მიერ აზერბაიჯანში სამოქალაქო დასახლებებზე განხორციელებული თავდასხმები არა მხოლოდ "კაცობრიობის წინააღმდეგ ჩადენილი დანაშაულის“, არამედ ქვეყნის "სასოწარკვეთაში ჩავარდნის ნიშანია.“

მევლუთ ჩავუშოღლუმ საერთაშორისო საზოგადოებას აზერბაიჯანის ტერიტორიული მთლიანობის მხარდაჭერისკენ მოუწოდა.