მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ოფლად დამღვარა. დილით მაისური ლამის გასაწური გახდა... მერე დამეწყო კანკალი" - რას წერს კოვიდინფიცირებული ზურა ბალანჩივაძე
16:55 / 06-10-2020
კორონავირუსით ინფიცირებული მომღერალი და ტელეწამყვანი, ზურა ბალანჩივაძე სოციალურ ქსელში ვირუსის სიმპტომზებსა და საკუთარი ჯანმრთელობის მდგომარეობის შესახებ წერს.
"დილით ასეთი მზე დამხვდა. ცივი, მაგრამ თბილი ფერებით ანთებული მზე. ახლა ჩვეულებრივი ზამთარია. მადლობა მზეს, რომ ფოტოს გადაღება მაცადა.ღამე ზურგის ტკივილმა გამაგიჟა... წოლამაც იცის, კორონამაც და საწოლმაც. სამივეს ვაბრალებ. ანუ კუნთების და სახსრების ტკივლი ახასიათებს. მირჩიეს, გვერდულად ან გულზე დამეძინა, თუმცა, კათეტერიანი ხელით, ასე იოლად ვერ ვბრუნდები.
ძალიან ჩავიფუთნე, რაღაცები შემოვიხვიე, რომ პოზა შემენარჩუნებინა და არ გავციებულიყავი და ამან ოფლად დამღვარა. დილით მაისური ლამის გასაწური გახდა. თან ეს მაისურიც ხომ გაცივდა ამ სითხისგან და მერე დამეწყო კანკალი ცივთან კონტაქტის გამო... მოკლედ, მოვხვიე საბანს ხელი და გადავწექი დივანზე. ეგრევე გავითიშე...
ბევრი მეკითხება სიმპტომებზე და ბარემ აქვე გეტყვით: კორონავირუსისთვის დამახასიათებელი გამოვლინებები - გემო-ყნოსვის დაკარგვა, ყელის ტკივლი, ჩახეხვა, ხველა, სიცხე, ცხვირში გაჭედვა, სუნთქვის გაძნელება, მკერდში ტკივლი და ა.შ. - ყველა შემთხვევაში სხვადასხვანაირად და განსხვავებული კომბინაციით ვლინდება, ან საერთოდ არ ვლინდება. ასე რომ, მე თუ სიცხით დამეწყო, ეს არ ნიშნავს, რომ სხვასაც ასე ექნება.
შემოყვანიდან ოთხ დღეში ერთხელ კეთდება პი-სი-არ ტესტი, ანუ ხვალ მიწევს და ვნახოთ ერთი, რას მეტყვის.ჩემი მოსვლიდან კიდევ 12 შემოიყვანეს აქ. შემთხვევების რაოდენობა იმატებს და იმატებს. ჩაკეტვა კი ისევ არ იწყება. ბრიტანეთმა და საფრანგეთმა უკვე ისევ გაამკაცრეს...რომ ვუყურებ, როგორ წურწურით ჩამოსდით ოფლი თავიდან ბოლომდე შეფუთულ ექიმებს, ექთნებს, სანიტრებს და მაინც როგორ ინარჩუნებენ მხნეობას, ვხვდები, რომ ჩვენს შორის განსხვავება მხოლოდ ისაა, რომ მე გადამდები ვარ და ისინი - არა.
რას უძლებენ, ვერ წარმოიდგენთ. ისედაც ხომ რამდენი საქმეა და კიდევ ამ ყველაფრის უჰაერობაში კეთება, ხომ საერთოდ.
იცით, რა მწყინს? რამდენჯერმე რომ ჩამრთეს პირდაპირ ეთერში, ხალხის ნაწილმა დააკომენტარა, რომ ჩემი ავადმყოფობის არ სჯერა და რომ ეს ფარსია ყველაფერი. ცალკე მეორე ნაწილს ხომ საერთოდ კორონას არსებობისა არ სჯერა და ჰგონია, რომ აქ წოლაში ფული გადამიხადეს. ძალიან მეფიქრება, რა შთამომავლობას გაზრდიან ასეთი ადამიანები, რას ასწავლიან, რაზე ეტყვიან, რომ კარგია ან ცუდი. მოკლედ, ეგეთებს და ფანატიკოსებს ისე მოერიდეთ, როგორც მე ახლა - ოღონდ რეალურ კონტაქტში. ჯანმრთელობა ყველას", - წერს ზურა ბალანჩივაძე.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა სიმპატიური ყოფილა ეკრანზე არ ჩანს ესეთი . გამოჯანმრთელებას გისურვებ მალე
ტრენდია ? ეს "ჯაან " პოპულარულები ერთმანეთს რომ ეჯიბრებიან , ვინ როგორი განსაცდელით მიიღო ეს კორონას ვირუსი?