მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
covid-19-ის მქონე რომელ პაციენტს მიენიჭება 10 დღის შემდეგ გამოჯანმრთელებულის სტატუსი - რა აჩვენა კვლევამ და რას ითვალისწინებს ახალი პროტოკოლი
20:12 / 30-09-2020
დღეიდან ამოქმედებული კრიტერიუმების თანახმად, covid-19 -ის მქონე უსიმპტომო პირს 10 დღის შემდეგ გამოჯანმრთელებულის სტატუსი მიენიჭება, ხოლო მცირე სკიპტომების მქონე პაციენტი გამოჯანმრთელებულად ჩაითვლება ნაცხის აღებიდან 13 დღის შემდეგ.
ახალი პროტოკოლის დეტალებზე ჯანდაცვის სამინისტროს ჯანდაცვის დეპარტამენტის პროგრამების სამმართველოს ხელმძღვანელმა ეკა ადამიამ AMBEBI.GE-სთან ისაუბრა.
"ამ ცვლილების შემოღების საჭიროება ბინაზე მკურნალობის პროტოკოლის ამოქმედებამ გააჩინა. ახალი გაიდლაინით, ის პაციენტები, რომლებსაც ვირუსის მსუბუქი მიმდინარეობა აღენიშნებათ, რჩებიან ბინაზე ან გადადიან კოვიდსასტუმროში. მას შემდეგ რაც გავა 10 დღე, ისინი არ არიან ვალდებული მივიდნენ კლინიკებში და ჩაიტარონ ორჯერ ტესტი კორონავირუსზე. ეს ეხება მხოლოდ უსიმპტომო პაციენტებს. პრაქტიკამ აჩვენა, რომ უსიმპტომო და მსუბუქი მიმდინრეობის პაციენტები, ათი დღის შემდეგ არ არიან ვირუსის გამავრცელებლები და გამოჯანმრთელებულად ითვლებიან.
ხაზგასმით ვამბობ, ეს ეხება მხოლოდ მსუბუქ პაციენტებს. რაც შეეხება კლინიკაში მყოფ კოვიდპაციენტებს, სამედიცინო დაწესებულებაში კვლავ მოქმედებს კლინიკური მართვის გაიდლაინი, რომლის მიხედვითაც ორჯერადი ტესტირება არის საჭირო პაციენტის გამოჯანმრთელებულად ჩასათვლელად.
ახალ პროტოკოლზე მუშაობდნენ კლინიცისტები, დაავადებათა კონტროლის ცენტრის ექსპერტები და სხვადასხვა კლინიკების წარმომადგენლები, რომლებიც აქტიურად არიან ჩართულები covid-19 -ის მართვაში" - ამბობს ჯანდაცვის დეპარტამენტის პროგრამების უფროსი.
ეკა ადამიას თქმით, უსიმპტომო პაციენტები ნაცხის აღებიდან 10 დღის გასვლის შემდეგ თვითიზოლაციას არ საჭიროებენ, ხოლო მცირე სიმპტომების მქონე პაციენტები იზოლაციაში უნდა დარჩნენ ნაცხის აღებიდან 13 დღის განმავლობაში.
"ეს ეხება როგორც ბინაზე, ისე საკარანტინო სივრცეში მყოფ პაციენტებს. ასეთი მიდგომა აქვს მსოფლიოს მრავალ ქვეყანას. იცვლება მიდგომები ვირუსთან ბრძოლაში, რასაც ჩვენც ვუწყობთ ფეხს, ცხადია" - აცხადებს ეკა ადამია.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უსიმპტომო ვარ და რატო მთვლით რომ კორონა მაქვს რა სტატუსს მანიჭებთ არ მჭირდება თქვენი არანაირი სტატუსი
ადამიანების უფლებებს ნუ ლახავთ კოვიდის სახელით!