მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უღარიბესი ბავშვები ყველაზე დაუცველნი აღმოჩნდნენ COVID-19-ის პანდემიის წინაშე მსოფლიოს მასშტაბით - Save the Children International-ის ანგარიში
17:33 / 10-09-2020
Save the Children International-ის საქართველოს ოფისი ავრცელებს ინფრმაციას, რომ 2020 წლის 10 სექტემბერს, გამოქვეყნდა საერთაშორისო არასამთავრობო ორგანიზაცია "გადავარჩინოთ ბავშვები" (Save the Children International) ანგარიში, სახელწოდებით: "დავიცვათ თაობა" ("Protect a Generation”).
ანგარიში ეფუძნება COVID-19-ის პანდემიის დაწყების შემდეგ ჩატარებულ ყველაზე ფართომასშტაბიან კვლევას, რომლის მიზანი იყო ბავშვთა უფლებებზე COVID-19-ის პანდემიის გავლენის შეფასება. კვლევამ მოიცვა 37[1] ქვეყანა და 25 ათასი ბავშვი და ზრდასრული.
კვლევის მიგნებების თანახმად, მსოფლიოს მასშტაბით, უღარიბესი ბავშვები ყველაზე დაუცველნი აღმოჩნდნენ COVID-19-ის პანდემიის წინაშე. შინამეურნეობებმა დაკარგეს შემოსავალი და წვდომა განათლებაზე. გაიზარდა ოჯახში ძალადობის შემთხვევები.
პანდემიამ უპრეცედენტო გავლენა მოახდინა განათლების სისტემაზე. სკოლების დახურვამ 1.5 მილიარდ ბავშვზე იმოქმედა. გამოკითხული ბავშვების 80% აღნიშნავს, რომ პანდემიის დაწყების შემდეგ მათ თითქმის არაფერი უსწავლიათ. მოსალოდნელია, რომ 9,7 მილიონი ბავშვი წელს სკოლაში არ დაბრუნდება. ეს მნიშვნელოვნად ზრდის ბავშვთა შრომის, ადრეული ქორწინებისა და სხვადასხვა სახის ექსპლუატაციის რისკს.
სკოლების დახურვამ ბავშვთა მიმართ ძალადობის რისკიც გაზარდა - სკოლების დახურვის შემდეგ ბავშვთა მიერ ძალადობის შეტყობინების შემთხვევები თითქმის გაორმაგდა და 17%-ს მიაღწია. ეკონომიკურმა სირთულეებმა ასევე შეუწყო ხელი ბავშვთა მიმართ ძალადობის მატებას - ყოველი მეხუთე ბავშვი (19%), რომლის ოჯახმაც პანდემიის გამო შემოსავალი დაკარგა, აღნიშნავდა, რომ ის ძალადობის მსხვერპლი გახდა. ეს მაჩვენებელი თითქმის ოთხჯერ აღემატება ბავშვთა მიმართ ძალადობის შემთხვევებს (5%) ისეთ ოჯახებში, რომელთაც შემოსავალი არ დაუკარგავთ.
როგორც Save the Children International-ის "დავიცვათ თაობის" ანგარიში აჩვენებს, გაიზარდა უფსკრული მდიდარ და ღარიბ ბავშვებს შორის. პანდემიის გამო ღარიბი შინამეურნეობების 82%-მა დაკარგა შემოსავალი. "დავიცვათ თაობის" ანგარიშის თანახმად, იმ შინამეურნეობების 90%-ს, რომლებმაც პანდემიის გამო შემოსავალი დაკარგეს, არ აქვთ წვდომა სამედიცინო მომსახურებაზე. ასეთი შინამეურნეობების ორ მესამედს ხელი არ მიუწვდება სათანადო საკვებზეც.
Save the Children International-ის ანგარიშის თანახმად, ყოველი ათი ბავშვიდან რვა (83%) აღნიშნავს უარყოფითი ემოციების გამძაფრებას.
"COVID-19-მა გაზარდა მანამდე არსებული უთანასწორობა. ღარიბი კიდევ უფრო გაღარიბდა, რამაც გამანადგურებელი გავლენა მოახდინა ბავშვების განათლებაზე, ჯანდაცვაზე, საკვებსა და უსაფრთხოებაზე", - განაცხადა ინგერ აშინგმა, "გადავარჩინოთ ბავშვების" აღმასრულებელმა დირექტორმა.
კვლევა ჩატარდა 37 ქვეყანაში. მოცულია აზიის, აღმოსავლეთ და სამხრეთ აფრიკის, დასავლეთ და ცენტრალური აფრიკის, ლათინური ამერიკისა და კარიბის ზღვის აუზის, ცენტრალური აღმოსავლეთის, აღმოსავლეთ ევროპისა და ჩრდილოეთ ამერიკის შერჩეული ქვეყნები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
