მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დონალდ ტრამპის ვაჟი, რომელიც ტრამპზე უფრო ტრამპია - "ის მამის ახალგაზრდობის უფრო მჟავე ვერსიაა"
10:50 / 26-08-2020
აშშ-ის პრეზიდენტ დონალდ ტრამპის პოლიტიკურ კარიერაში ახლა ერთ-ერთი საკვანძო მომენტია. ის მეორე საპრეზიდენტო ვადისთვის იბრძვის და ამ მიზნის მიღწევაში ოჯახის წევრები აქტიურად ეხმარებიან. აღნიშნულ კონტექსტში კი მედიაში ყველაზე ხშირად პრეზიდენტის ვაჟზე, დონალდ ტრამპ უმცროსზე წერენ, რომელიც მამის საარჩევნო კამპანიის სპიკერია.
"დონალდ ტრამპ უმცროსი: ვაჟი, რომელიც ტრამპზე უფრო ტრამპია“, - სწორედ ამ სათაურით აქვეყნებს ბრიტანული გამოცემა BBC ვრცელ სტატიას, სადაც უმცროსი ტრამპის თვისებებსა და პოლიტიკურ ხედვებზეა საუბარი.
დონალდ ტრამპ უმცროსი გამოირჩევა მწვავე პოლიტიკური განცხადებებით და არ ერიდება პოლიტიკურ თავდასხმას მამის მთავარ ოპონენტ ჯო ბაიდენზე. ასევე მის შვილზე, ჰანთერ ბაიდენზე, რომელიც თავადაც ჩართულია საარჩევნო კამპანიაში.
დონალდ ტრამპ უმცროსი რესპუბლიკური პარტიის წარმომადგენელია და მის მიმართ ახლა საზოგადოების განსაკუთრებული ყურადღებაა. უმცროსი ტრამპი აღმერთებს მამის ლიდერულ უნარებს და მკაცრად აკრიტიკებს საპრეზიდენტო არჩევნებში პრეზიდენტის მთავარ კონკურენტს, ჯო ბაიდენს.
დონალდ ტრამპის საარჩევნო კამპანიის ფარგლებში, უმცროსი ტრამპი ხშირად ხვდება "რესპუბლიკელების“ მხარდამჭერებს. მის შესახებ თავად "დემოკრატების" წარმომადგენლებიც ამბობენ, რომ განსაკუთრებული ქარიზმატულობით გამოირჩევა.
ვიდეო, სადაც ჩანს უმცროსი ტრამპის საუბრის მანერა და საუბრისასა ხელის გაუჩერებლად მოძრაობა:
როგორც BBC წერს, უმცროსი ტრამპი აბსოლუტურად ყველაფერს აკეთებს იმისთვის, რომ მამამ არჩევნებში გაიმარჯვოს და ამ საარჩევნო პროცესში მისი მთავარი მხარდამჭერი და მრჩეველია. როგორც ცნობილია, ის იმ ადამიანთა შორისაა, რომელსაც პრეზიდენტის გადაწყვეტილებებზე გავლენის მოხდენა შეუძლია.
მედიაში დონალდ ტრამპ უმცროსის ურთიერთობას მხარდამჭერებთან "უჩვეულოს“ უწოდებენ. მას ახლო კავშირი აქვს იმ მხარდამჭერებთან, რომლებიც ნადირობით არიან გატაცებულნი.
მიიჩნევენ, რომ უმცროსი ტრამპი პოლიტიკური თვალსაზრისით, "მამაზე უფრო შორს წავა“.
დონალდ ტრამპ ჯუნიორს ოპონენტებიც მრავლად ჰყავს, რომლებიც მას "ნეპოტიზმის პროდუქტს“ უწოდებენ. დემოკრატების წარმომადგენელი, ჯონ რეინიში ამბობს, რომ ის მამის ახალგაზრდობის "უფრო მჟავე ვერსიაა“.
დონალდ ტრამპ უმცროსი არის ბენზინი ცეცხლზე, - ამბობს ჯონ რეინიში.
ყურადღებას იპყრობს დონალდ ტრამპ უმცროსის ვიზუალი, საუბრის მანერა და ჟესტები - ის არის წვერიანი მამაკაცი, მოკლედ შეკრეჭილი თმით, საუბრისას მისი ხელები ყოველთვის მოძრაობაშია, ასევე, სიტყვით გამოსვლის დროს, შეუძლებელია მისი ქარიზმა შეუმჩნეველი დაგრჩეთ, ასეთ მომენტში ყოველთვის მოძრაობს და ამ მეთოდით კონტაქტს ამყარებს მსმენელთან. თავისი ჟესტების გამო ზოგიერთი როკვარსკვლავსაც კი ადარებს. ამბობენ, რომ ტრამპ ჯუნიორი საოცარი ენერგიის მატარებელია და რომელსაც იდეალურად შეუძლია ადამიანების "მომართვა, ტემპერატურის აწევა და ენერგიით დამუხტვა“.
- პირადი ცხოვრება და ადრეული წლები
დონალდ ტრამპ უმცროსი 1977 წლის 31 დეკემბერს დაიბადა. ის დონალდისა და ივანა ტრამპის ვაჟია. ბავშვობაში ზაფხულებს მაშინდელ ჩეხოსლოვაკიაში ატარებდა, სადაც ხშირად ნადირობდა ბაბუასთან ერთად. ნადირობის მიმართ სიყვარულიც იმ პერიოდიდან შემორჩა. 20 წლის დონალდი ციხეში მოხვდა, ის ახალ ორლეანში დააკავეს, როცა 20 წლის გახდა, ახალ ორლეანში დააკავეს, რადგანაც სიმთვრალის დროს საზოგადოებრივი წესრიგი დაარღვია.
დაქორწინებული იყო მოდელ ვანესა ჰეიდენზე. წყვილი ერთმანეთს დაშორდა, მათ ხუთი შვილი ჰყავთ.
ამჟამინდელი პარტნიორი კი კიმბერლი გილფოილია, რომელიც თავადაც ჩართულია ტრამპის საარჩევნო კამპანიაში.
2016 წელს ის სკანდალში გაეხვა რუსეთთან სავარაუდო კავშირის გამო. დონალდ ტრამპ უმცროსი ტრამპ-თაუერში რუს იურისტ ნატალია ვესელნიცკს შეხვდა. როდესაც ეს ამბავი გახმაურდა, ტრამპის ვაჟმა განაცხადა, რომ მამამისისთვის მისი და რუსი იურისტის შეხვედრის შესახებ ნათქვამი არ ჰქონდა. უფროსმა ტრამპა კი შვილი დაიცვა და თქვა, რომ ეს უბრალოდ შეხვედრა იყო, სადაც საეჭვო არაფერი მოხმდარა. "ის კარგი ბიჭია, კარგი ბავშვია“ - თქვა მაშინ ტრამპმა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იმედია, ამერიკელები ამ ცანცარების ოჯახს აღარ აირჩევენ.
მაგარი პრეზიდენტია და საერთოდ რესპუბლიკელებს სწორი კურსი აქვთ