მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არიან და რას საქმიანობენ მილიონერი პარლამენტარების ცოლები - ერთ-ერთის ბიძა პრემიერი გახარიაა
20:13 / 11-06-2020
პარლამენტში რამდენიმე მილიონერი დეპუტატია. მათ ნაწილს საზოგადოება კარგად იცნობს, მაგრამ იშვიათი გამონაკლისების გარდა, მათი ოჯახის წევრები ჩრდილში ყოფნას ამჯობინებენ. დეპუტატების მეუღლეები თავს არიდებენ საჯაროობას და იშვიათად ჩნდებიან პოლიტიკოსი ქმრების გარემოცვაში.
2017 წელს ჩატარებული კვლევის თანახმად, მონიტორინგის ცენტრმა "მედიატორმა" პარლამენტში მმართველი გუნდის 37 დეპუტატი გამოავლინა, რომლებიც მილიონების ღირებულების უძრავ ქონებას ფლობენ.
მათ შორის არიან: ბექა ოდიშარია - 12 მილიონით; ლევან კობიაშვილი - 9 მილიონით; კობა ნარჩემაშვილი - 7 მილიონით; ივლიანე წულაია - 5 მილიონით; ირაკლი კოვზანაძე - 2 მილიონით; დავით სონღულაშვილი - 1 მილიონით; ლევან კობერიძე - 1 მილიონით; ირაკლი აბუსერიძე - 1 მილიონით; ოთარ დანელია - 1 მილიონით და სხვები.
AMBEBI.GE ამჯერად გაგაცნობთ რამდენიმე მილიონერი პოლიტიკოსის ოჯახს.
- ბექა ოდიშარიას მეუღლე
მე-9 მოწვევის პარლამენტის დეპუტატის, "ქართული ოცნება - დემოკრატიული საქართველოს" წარმომადგენლის ბექა ოდიშარიას მეუღლეს - მაკუნა (მარიამ) გამცემლიძეს საზოგადოება კარგად იცნობს.
ის ერთ-ერთ სამშენებლო კომპანიაში პიარისა და მარკეტინგის დეპარტამენტს ხელმძღვანელობს. მეგობრობს ცნობილ სახეებთან, კარგად მღერის და ტელეგადაცემების ხშირი და სასურველი სტუმარია.
წყვილს 20-წლიანი ქორწინება და სამი შვილი აკავშირებთ.
- ლევან კობიაშვილის მეუღლე
პარლამენტის წევრისა და ფეხბურთის ფედერაციის პრეზიდენტის ლევან კობიაშვილის მეუღლე თამარ წულეისკირია, რომელიც სხვა ფეხბურთელების ცოლებისგან განსხვავებით, მედიაში თითქმის არასოდეს ჩნდება.
წყვილს 21 წელია ოჯახი აქვს და ორი შვილი - 21 წლის ნიკა და 13 წლის სალომე კობიაშვილები ჰყავთ, რომლებიც ფრაიბურგში დაიბადნენ, როცა კობი გერმანიაში თამაშობდა და მისი ოჯახიც იქ ცხოვრობდა.
- ილია წულაიას მეუღლე
"არქი ჯგუფის" დამფუძნებელსა და "ქართული ოცნების" დეპუტატ ივლიანე (ილია) წულაიას და მის მეუღლეს ქეთი გოცაძეს სამი შვილი - ოთარ, დავით და სოფია წულაიები ჰყავთ. წყვილი 14 წელია ქორწინებაშია.
როგორც პარლამენტარის დეკლარაციაში ვკითხულობთ, მისი მეუღლე "არქი ჯგუფის" შპს "დიღომი პალასი 6"-ში პიარ მენეჯერად მუშაობს.
- ირაკლი კოვზანაძის მეუღლე
პარლამენტის საფინანსო-საბიუჯეტო კომიტეტის თავმჯდომარის მეუღლე ანი ჩაგანიძე თბილისის მერიაში ჯანდაცვისა და სოციალური მომსახურების საქალაქო სამსახურის, ჯანდაცვის პროგრამების განყოფილების მთავარ სპეციალისტად მუშაობს.
"ოცნების" დეპუტატი მეორე ქორწინებაშია - კოვზანაძეს პირველი ქორწინებიდან ქეთევან ტომარაძესთან სამი შვილი ჰყავს. ანა ჩაგანიძეს კი პირველი ქორწინებიდან ორი ქალიშვილი - ნია და ელისაბედი ჰყავს, რომლებიც უკრაინაში დაიბადნენ.
- კობა ნარჩემაშვილის მეუღლე
დამოუკიდებელი დეპუტატის კობა ნარჩემაშვილის მეუღლე სოფიო სულაქველიძე-ნარჩემაშვილი შევარდნაძის ხელისუფლების დროს მაშინდელი ყვითელი პრესის გამოცემების ყდაზე არაერთხელ გვინახავს, მაგრამ მეუღლის პოლიტიკაში დაბრუნების შემდეგ საჯაროობაზე უარი თქვა.
ნარჩემაშვილებს სამი შვილი ჰყავთ - 1992 წელს დაბადებული ლუარა ნარჩემაშვილი, 1994 წელს დაბადებული ლადო ნარჩემაშვილი და ნაბოლარა ქალიშვილი - 2006 წელს დაბადებული ნინო.
- ლევან კობერიძის მეუღლე
სოფო მოსიძეს საზოგადოება ქმრის - "ოცნების" ყოფილი და ამჟამად დამოუკიდებელი დეპუტატის, ლევან კობერიძის პარლამენტარობამდეც კარგად იცნობდა. წარმატებული ჟურნალისტი "პირველ არხზე" ჯერ კიდევ ედუარდ შევარდნაძის პრეზიდენტობის დროს გამოჩნდა.
შემდეგ სოფომ რამდენიმე ტელევიზია გამოიცვალა, ხოლო "ოცნების" ხელისუფლებაში მოსვლის შემდეგ, 4 წელი მთავრობის ადმინისტრაციის პრესსამსახურის ხელმძღვანელის პოსტზე მუშაობდა.
კობერიძე-მოსიძის წყვილს ერთი ქალიშვილი ჰყავს.
- გიორგი აბუსერიძის მეუღლე
ვეტერანი მორაგბე, პარლამენტარი და მისი მეუღლე თეა კვიჟინაძე 15 წელია ქორწინებაში არიან და ოთხ შვილს ზრდიან. როგორც დეპუტატის დეკლარაციიდან გავარკვიეთ, მისი მეუღლე დასაქმებული არ არის და როგორც ჩანს, შვილების აღზრდით არის დაკავებული.
თეა კვიჟინაძე სოციალურ ქსელში ნაკლებად აქტიურობს და ძირითადად მოგზაურობაში, ან შვილებთან ერთად გადაღებულ ფოტოებს აქვეყნებს.
- ოთარ დანელიას მეუღლე
სოფლის მეურნეობის ყოფილი მინისტრის, ამჟამად კი პარლამენტის აგრარულ საკითხთა კომიტეტის თავმჯდომარის მეუღლე მერიკო ჩიქობავა საპატრულო პოლიციაში კადრების განყოფილებაში მუშაობს.
ჩიქობავას დედა საქართველოს პრემიერ-მინისტრის გიორგი გახარიას ბიძაშვილია და შესაბამისად, დანელიას მეუღლისთვის პრემიერი ბიძაა. თუმცა, ჩიქობავა ჯერ კიდევ გახარიას მინისტრობამდე მუშაობდა შსს-ში.
დანელია-ჩიქობავას წყვილი ორ შვილს ზრდის - ანიტას და დაჩის, რომლებიც 2008 და 2012 წლებში დაიბადნენ.
მკითხველის კომენტარები /
31 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა სამსახური ეყოფა ხალხს, ამათ ცოლებს დანაწილებული აქვთ თანამდებობები, და კიდევ რამდენია ასეთი, მხოლოდ ესენი არიან პროფესიონალები, ამას დაუმატეთ პარლამენტარების, მთავრობის წევრთა ცოლები.
ვაი უბედურო საქართველოოოოოოოოოოოოო