როგორ ეხმაურება The Guardian ნიკოლოზ ბასილაშვილის საქმეს - გავლენიანი გამოცემა ქართველ ჩოგბურთელზე წერს

გავლენიანი ბრიტანული გამოცემა The Guardian ქართველი ჩოგბურთელის, ნიკოლოზ ბასილაშვილის საქმის შესახებ წერს, რომელსაც ბრალად ყოფილ ცოლზე ძალადობა ედება.

გამოცემა მომხდარს აშუქებს და წერს, რომ ჩოგბურთელი ოჯახური ძალადობის ბრალდებით, დედაქალაქ თბილისში დააკავეს.

"ბასილაშვილს, რომელიც ATP-ს რეიტინგში 27-ე ადგილს იკავებს, ყოფილ ცოლზე, ნეკა დოროკაშვილზე ძალადობა ედება ბრალად. თბილისის საქალაქო სასამართლომ მიიღო გადაწყვეტილება 100 000 ლარიანი გირაოს შეფარდების თაობაზე. წინასასამართლო სხდომა კი 16 ივლისსაა ჩანიშნული“, - წერს გამოცემა.

სტატიაში ასევე აღნიშნულია, რომ ბასილაშვილის ადვოკატი ირმა ჭკადუა ბრალდებას უარყოფს.

"გარდიანი" წერს. რომ ბასილაშვილი დამოუკიდებელი საქართველოს ისტორიაში ყველაზე წარმატებული ჩოგბურთელია, რომელმაც სამჯერ მოიგო ATP 500-ის ტიტული და კარიერის განმავლობაში 5 479 761 დოლარი გამოიმუშავა. კარიერაში უმაღლეს მაჩვენებელს 2019 წლის 16 მაისს მიაღწია. ბასილაშვილი 2013 წელს დაქორწინდა ნეკა დოროყაშვილზე და წყვი;ს 2015 წელს ვაჟი შეეძინათ.

სტატიაში მოყვანილია საქართველოს ჩოგბურთის ეროვნული ფედერაციის განცხადება, სადაც აღნიშნულია, რომ ფედერაცია გმობს ყველანაირ ძალადობას

შეგახსენებთ, რომ საქართველოს პროკურატურამ ყოფილი მეუღლის მიმართ განხორციელებული ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა.

გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნ.დ.-ს მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სისხლის სამართლის საქმეზე გამოძიება გრძელდება.

სასამართლომ ბასილაშვილის აღკვეთის ღონისძიების საკითხზე დღეს იმსჯელა და ის 100 000-ლარიანი გირაოს სანაცვლოდ გაათავისუფლა.

საქმეზე წინასასამართლო სხდომა 16 ივლისს არის ჩანიშნული.