მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ევროპა COVID-19-ის შოკიდან გამოდის - რომელ ქვეყანაში რა შეზღუდვა მოიხსნა და რა ეკრძალებათ მოქალაქეებს
12:50 / 11-05-2020
ევროპა კორონავირუსის პანდემიის გამო მიღებული შოკიდან თანდათან გამოდის. ეტაპობრივად იხსნება COVID-19-ის პრევენციის მიზნით დაწესებული შეზღუდვები.
ზოგიერთ ქვეყანაში სასწავლო პროცესი განახლდა, ზოგან გარე ბარები და რესტორნები გაიხსნა. გადავხედოთ, როგორ თავისუფლდება ევროპა კარანტინისგან და რომელ ქვეყანაში რა შეზღუდვა მოიხსნა.
- საფრანგეთი
საფრანგეთში დღეს თმის სალონები, ტანსაცმლის მაღაზიები, ყვავილებისა და წიგნების მაღაზიები გაიხსნა. ბარები, რესტორნები, თეატრები და კინოთეატრები კვლავ დახურული რჩება. ზოგიერთმა სკოლამ განაახლა სასწავლო პროცესი. გაიხსნა ის სკოლები, სადაც მოსწავლეთა მცირე კონტინგენტია, ხოლო შენობის სივრცე დიდი და შესაძლებელია დისტანციის დაცვა. საზოგადოებრივ ტრანსპორტში პირბადის ტარება სავალდებულოა.
სახლიდან გასვლის და გარეთ გადაადგილების უფლება ყველას აქვს, თუმცა სპეციალური ნებართვის გარეშე გადაადგილება 100 კილომეტრის მანძილზეა ნებადართული.
კარანტინის შემსუბუქებას სხვადასხვაგვარი რეაქციები მოჰყვა. საზოგადოების ნაწილი მიიჩნევს, რომ საფრანგეთისთვის შეზღუდვების მოხსნა ჯერ ნაადრევია და ამან შესაძლოა, ქვეყანაში ეპიდსიტუაცია გააუარესოს.
საფრანგეთში ამ დროისთვის COVID-19-ის 176 970 შემთხვევაა აღრიცხული, 27 000-მდე პაციენტი გარდაიცვალა, 56 217 კი გამოჯანმრთელდა.
- ბელგია
11 მაისიდან ბელგიაში ბიზნესების უმეტესობამ საქმიანობა განაახლა, თუმცა დასაქმებულებს სოციალური დისტანციის დაცვისა და პირბადის გამოყენების რეკომენდაციას აძლევენ. კაფეები, რესტორნები და ბარები კვლავ დახურული რჩება. ბრიუსელის ცენტრში დაწესდა მანქანით მოძრაობის სიჩქარის უფრო მცირე ლიმიტი და უპირატესობა ქვეითად მოსიარულეებსა და ველოსიპედისტებს ენიჭებათ.
ქვეყანაში სკოლები კვლავ დახურულია. გეგმის მიხედვით, მოსწავლეები სკოლებს 18 მაისს უნდა დაუბრუნდნენ. ბოლო მონაცემებით ბელგიაში კორონავირუსის 53 081 შემთხვევაა გამოვლენილი.
- ნიდერლანდების სამეფო
11 მაისიდან სკოლების ნაწილს დაწყებითი კლასის მოსწავლეები დაუბრუნდნენ. ასევე მუშაობა აღადგინეს ავტოსკოლებმა, თმის სალონებმა, აღდგა ბიბლიოთეკების მუშაობა, თუმცა, მთავარი გაფრთხილება სოციალური დისტანციის დაცვაა.
ბოლო მონაცემებით, სამეფოში კორონავირუსით 42 627 ადამიანი დაინფიცირდა.
- შვეიცარია
11 მაისიდან გაიხსნა საშუალო და დაწყებითი სკოლები, ასევე ფუნქციონირება განაახლეს რესტორნებმა, მუზეუმებმა და წიგნის მაღაზიებმა. 5-ზე მეტი ადამიანის შეკრება კვლავ აკრძალულია. შვეიცარიაში COVID-19-ის 30 305 შემთხვევაა გამოვლენილი.
- ესპანეთი
დღეიდან, 11 მაისიდან ესპანეთში დაშვებულია 10-ზე მეტი ადამიანის შეკრება. გაიხსნა გარე ბარები და რესტორნები, თუმცა მხოლოდ ნაწილი - ისინი, რომლებსაც თავიანთი სივრცის გათვალისწინებით მომხმარებლებს შორის დისტანციის დაცვის უზრუნველყოფა შეუძლიათ.
საფეხბურთო კლუბმა „ბარსელონამ“ გასულ პარასკევს ვარჯიში განაახლა, მადრიდის „რეალი“ კი ვარჯიშის განახლებას დღეიდან იწყებს.
ქვეყნის პრემიერ-მინისტრი პედრო სანჩესი მოუწოდებს ესპანელებს, გამოიჩინონ უდიდესი სიფრთხილე, რადგანაც ვირუსი არ გამქრალა და ის ჯერ კიდევ არსებობს. კინოთეატრები და თეატრები კვლავ დახურულია. სკოლებში სასწავლო პროცესის აღდგენა სექტემბრამდე არ იგეგმება.
ესპანეთში ბოლო მონაცემებით კორონავირუსის 264 663 შემთხვევაა გამოვლენილი და ამ მონაცემებით ის მხოლოდ აშშ-ს ჩამორჩება.
- იტალია
იტალიაში 4 მაისს გაიხსნა ქარხნები, განაახლა მუშაობა სამშენებლო სექტორმა, გაიხსნა ოფისები. სასწავლო პროცესის აღდგენა სექტემბრამდე არ იგეგმება. მოქალაქეებს უწევთ სოციალური დისტანციის წესების დაცვა. საზოგადოებრივ ტრანსპორტში პირბადის ტარება სავალდებულოა.
18 მაისისთვის დაგეგმილია მუზეუმების, კულტურული დაწესებულებებისა და ბიბლიოთეკების გახსნა. 1 ივნისისთვის კი ბარები, რესტორნები, თმისა და სილამაზის სალონების გაიხსნება.
აღსანიშნავია, რომ იტალიაში შეზღუდვების შემსუბუქების პირველი ეტაპის შემდეგ ქუჩებში უამრავი ადამიანი გამოვიდა, რომლებიც არ იცავდნენ წესებს, არ ეკეთათ პირბადე, არ იცავდნენ სოციალურ დისტანციას.
მილანის მერმა ჯუზეპე სალამ ადამიანების ამგვარ საქციელს "სამარცხვინო“ უწოდა. იტალიელი ვირუსოლოგი მასიმო გალი კი შიშობს და აფრთხილებს მილანელებს კორონავირუსის „ბომბის“ შესახებ, რომელიც შესაძლოა ამგვარი ქმედებების შედეგად გასკდეს და ვირუსმა კვლავ იფეთქოს.
- გერმანია
გასულ შაბათს გერმანიაში გაიხსნა ზოგიერთი რესტორანი და კაფე. გერმანიის 16 მიწის ოფიციალური პირები დამოუკიდებლად იღებენ გადაწყვეტილებას კარანტინის წესების შემსუბუქებასთან დაკავშირებით. ზოგიერთ მათგანში გაიხსნა კაფეები და რესტორნები, ზოგიერთი კი მომდევნო კვირების განმავლობაში გეგმავს.
გერმანიაში მუშაობა განაახლა მაღაზიების უმეტესობამ. ბავშვების ნაწილი საკლასო ოთახებს დაუბრუნდა. ასევე ახლდება "ბუნდესლიგაც".
გერმანიის ხელისუფლება შეთანხმდა, რომ თუ კონკრეტულ რეგიონში, 100 000 მაცხოვრებელზე, ერთი კვირის განმავლობაში, 50-ზე მეტი ინფიცირებული იქნება, შეზღუდვები ისევ განახლდება. ამ დროისთვის გერმანიაში კორონავირუსის 171 879 შემთხვევაა გამოვლენილი.
- ავსტრია
ქვეყანაში გასულ შაბათ-კვირას გაიხსნა სალონები, ჩოგბურთის კორტები და გოლფის მოედნები. მოიხსნა გადაადგილების შეზღუდვა. 10 კაცზე მეტს კი შეკრების უფლება მიეცათ, თუმცა სოციალური დისტანციის დაცვით. საზოგადოებრივ ტრანსპორტსა და მაღაზიებში პირბადის ტარება სავალდებულოა. დამამთავრებელი კლასების მოსწავლეები სკოლებს 4 მაისს დაუბრუნდნენ.
- პოლონეთი
პოლონეთში 11 მაისიდან იხსნება სასტუმროები, მაგრამ ქვეყანაში ჩასულ უცხოელ ტურისტებს ორკვირიანი კარანტინის გავლა მოუწევთ.
- სკანდინავიის ქვეყნები
დღეიდან დანიაში გაიხსნა სავაჭრო ცენტრები. საშუალო სკოლებში სწავლა აპრილის შუა რიცხვებიდან განახლდა, ხოლო დაწყებითი საფეხურის მოსწავლეები სკოლებს 18 მაისიდან დაუბრუნდებიან.
ნორვეგიაში აპრილის მიწურულს სკოლები 6-დან 10 წლამდე მოსწავლეებისთვის გაიხსნა, დღეიდან კი ყველა მოსწავლე უბრუნდება სკოლას. ბარები 1 ივნისამდე დაკეტილი რჩება.
ისლანდიაში უნივერსიტეტები, მუზეუმები და თმის სალონები 4 მაისს გაიხსნა. ფინეთში სასწავლო პროცესი სკოლის შენობას 14 მაისიდან უბრუნდება, თუმცა მთავარი მოთხოვნა სოციალური დისტანციის დაცვა იქნება.
- ბალკანეთის ქვეყნები
ხორვატიაში დღეს გაიხსნა გარე ბარები და რესტორნები, ასევე დაშვებულია 10 კაცზე მეტის შეკრება. საბავშვო ბაღები და სკოლები სწავლის ჩვეულ რეჟიმს ნებაყოფლობით დაუბრუნდებიან. სერბეთში სასწავლო პროცესი სკოლის შენობებს დღეიდან უბრუნდება.
- საბერძნეთი
4 მაისს გაიხსნა წიგნის მაღაზიები და თმის სალონები. 11 მაისიდან ყველა სახის მაღაზია განაახლებს მუშაობას, თუმცა 1-ელ ივნისამდე დახურული რჩება დიდი სავაჭრო ცენტრები. კულტურული და ისტორიული ადგილები 18 მაისიდან გაიხსნება, მუზეუმები კი მუშაობას 15 ივნისიდან განაახლებენ.
ჯანდაცვის მსოფლიო ორგანიზაციამ კორონავირუსის პანდემია 11 მარტს გამოაცხადა. COVID-19 ამ დროისთვის მსოფლიოს 200-ზე მეტ ქვეყანასა და ტერიტორიულ ერთეულზეა გამოვლენილი. გლობალური მასშტაბით დაინფიცრდა 4 181 218 ადამიანი, მათ შორის 283 876 გარდაიცვალა, ხოლო 1 493 490 გამოჯანმრთელდა.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჩვენს ქვეყანაში შეამცირეს ხალხი სამსახურებიდან და 200ლარიანი დახმარებით უნდა ვიკვრბოდეთ,უნდა ვარჩინოთ ოჯახები,ბავშვები და დანაზოგიც უნდა გავაკეთოთ :)))
ამათი ყველას ერთად დ....ს. შ.......ცი ჩვენს მთავრობას ვგულისხმობ.....ევროპის ყველა ცხელმა ქვეყანამ სადაც ვირუსი მძვინვარებს იქ ყველაფერი მოიხსნა და ამათ რა ვერ დაადგეს საშველი ? ტანსაცმელს რომ არ ხსნიან რა მხოლოდ მანდ ტანსაცმლის ბაზრობებში დაშხუის კორონა? კორონა დაეტაკოთ ტ......ში მაგათ და მაგათ საგვარეულოს.....