მნიშვნელოვანი ინფორმაცია
14
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კორონა უნდა მჭირდეს რომ მომაქციონ ყურადღება, თუ უნდა ვკვდებოდე?" - რას წერს ორსული, რომელმაც "კომენდანტის საათის" გამო, წამლის ყიდვა ვერ შეძლო
11:44 / 14-04-2020
ინტერნეტმომხმარებელი ანუკი კაპანაძე იმ პრობლემის შესახებ წერს, რომელიც ე.წ კომენდანტის საათის გამო შეექმნა და პრობლემა ვერც ერთმა უწყებამ ვერ მოუგვარა. ახალგაზრდა ქალი "სასოწარკვეთილი მომხმარებლების ჯგუფში" წერს, რომ ორსულადაა და 9 საათის შემდეგ აფთიაქში წამლის საყიდლად გასვლა ვერ შეძლო, რის გამოც მთელი ღამე მოუხდა ტკივილის ატანა.
"რაც მე ამ საღამოს შემემთხვა სასოწარკვეთილებასაც ვეღარ დავარქმევ... ვარ 11 კვირის ორსული და შემაწუხა ტკივილმა, ვინაიდან და რადგანაც ვიცით რომ ორსულებისთვის ყველა წამალი არ შეიძლება, დავურეკე ჩემ ექიმს და მითხრა წამლის სახელი, რომელიც უნდა დამელია. გავუშვი ჩემი მეუღლე აფთიაქში და მოვატანინე წამალი, დავლიე და თითქოს და ნახევარი საათი შეღავათი მომცა, მაგრამ ისევ თავიდან დაიწყო ტკივილები.
დავურეკე ისევ ჩემს ექიმს, მითხრა სხვა წამლის დასახელება. გავხედე საათს და 10 არის უკვე დაწყებული, რა თქმა უნდა, შენი ნებით გარეთ ვერ გახვალ, რადგან კომენდანტის საათი მოქმედებს და პატრულმა თუ დაგინახა, არ აინტერესებს რატომ ხარ გარეთ, 3000 ლარიანი ჯარიმა უკვე ხელში გაქვს!
გადავწყვიტე დამერეკა 144-ზე. ავუხსენი რომ მჭირდებოდა კონკრეტული წამლები და იქნებ რამენაირად მოხერხდეს, რომ აფთიაქამდე მივიდეთთქო. პასუხი გამცეს - იცით რა, თუ რაიმე გაწუხებდათ ამდენი ხანი სად იყავით. ვუთხარი. რომ ვიყავი გასული მანამდეც. ვიყიდე წამალი. მაგრამ მან არ მიშველა და ახლა სხვა წამალი მჭირდებოდა. გადამამისამართეს 112-ში, მათაც თავიდან ავუხსენი ყველაფერი და პასუხი გამცეს შემდეგნაირი - იცით რა, ჩვენ კი მოვალთ, მაგრამ ორსულს რა წამალიც ჭირდება, ის არ გაგვაჩნია და კლინიკაში რომ გადაგიყვანოთ არ გინდათო?! ისევ მშვიდად ვუხსნი, რომ კლინიკაში დაწოლა არ მჭირდება მესაჭიროება უბრალოდ, კონკრეტული წამალი, რაზეც მპასუხობენ რომ არ აქვთ.
მითხრეს რომ პატრულში დამერეკა და იქნებ ისინი დამხმარებოდნენ. ვცადე პატრულთან დარეკვაც, ისევ თავიდან ავუხსენი მდგომარეობა, მაგრამ მათაც იგივე პასუხი გამცეს, რომ ვერც ჩვენ გადაყვანას უზრულველყოფენ აფთიაქამდე და ვერც თვითონ მოახერხებენ მოტანას. მათაც ისევ გადამამისამართეს 144-ში, ისევ თავიდან დავრეკე, უკვე გაბრაზებულმა და ახსნა ვთხოვე - თუ ორსულს ვერ მეხმარებით და აფთიაქამდე მისვლას ვერ ვახერხებ რომ საჭირო წამალი ვიყიდო, მაშინ ღია რატომ არის აფთიაქებითქო? ამაზე პასუხი ვერ გამცეს...
დაჟინებით მიმეორებენ, თუ გინდათ პირველადი დახმარება, დაურეკეთ სასწრაფოსო, სასწრაფო მეუბნება, რომ ორსულისთვის შესაბამისი წამლები არ გააჩნია და დავრეკო პატრულში, პატრული მეუბნება, ვერ გადაგიყვანთ აფთიაქამდე, მეტიც თუ გარეთ შეგნიშნეს 3000-ლარიან ჯარიმას დაგიწერენო! უბრალოდ მართლა მაინტერესებს - კორონა უნდა მჭირდეს რომ მომაქციონ ყურადღება? თუ უნდა ვკვდებოდე მაინდამაინც?
რომ იტყვი ამ ქვეყანას პატრონი არ ყავსო და აქ ცხოვრება არ მინდაო, ვიღაც შეგედავება - როგორ ბედავ მაგ სიტყვების თქმასო. აბა სხვა რა უნდა ვთქვა და რა უნდა ვუწოდო ამათ საქციელს?! 144-ის ფუნქციას ვერ მივხვდი - თუ მაინც სხვაგან გამისამართებს, რა აზრი აქვს მათთან დარეკვას ან საერთოდ რისთვისაა შექმნილი ეს ცხელი ხაზი??" - წერს ორსული.
შეგახსენებთ, საქართველოში ე.წ. კომენდანტის საათი ძალაში 31 მარტიდან შევიდა. ამ პერიოდში მოქალაქეებს საღამოს 21:00 საათიდან, დილის 06:00 სათამდე სახლიდან გასვლა ეკრძალებათ.
მკითხველის კომენტარები /
31 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამდენ უსაქმურს და ტყუილად თემის გამომგონებელს რა დალევს ამ საქართველოში.
ძაან პროვოკატორია ნაციონალი იქნება ეს უეჭველი ვინმე