ლონდონიდან სამშობლოში, სპეციალური ავიარეისით, საქართველოს 180 მოქალაქე ჩამოიყვანეს

ბათუმის საერთაშორისო აეროპორტში ლონდონიდან საქართველოს მოქალაქეები სპეციალური რეისით დაბრუნდნენ. 180 მგზავრი ავიაკომპანია "ჯორჯიან ეარვეისმა" ჩამოიყვანა.

საქართველოს მოქალაქეებს, ბათუმის საერთაშორისო აეროპორტში სპეციალური აღჭურვილობით მედიკოსები დახვდნენ,თერმოსკრინინგის შემდეგ კი მგზავრები საკარანტინო სივრცეში გადაიყვანეს.მედიკოსების თქმით, იმ შემთხვევაში, თუ რომელიმე მათგანს ტემპერატურა დაუფიქსირდა, კლინიკაში გადაიყვანენ, სადაც ბიოლოგიური კვლევა ჩაუტარდებათ.

ცნობისთვის, აჭარაში 25 საკარანტინო სივრცეა გახსნილი, სადაც 2050 მოქალაქე იმყოფება.