მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კორონა ჩვენთან ბევრი წელი დარჩება და ცოტა ხანში, ნერვი არ აგვიტოკდება ამ სახელის გაგონებაზე" - რას წერს ამერიკაში მცხოვრები ქართველი ექიმი
14:28 / 01-04-2020
აშშ-ში მცხოვრები ქართველი ექიმი თინათინ ნარსია, რომელიც კლივლენდის კლინიკაში მუშაობს, "ფეისბუქის" პირად გვერდზე წერს, რომ კოორნავირუსის და ზოგადად დაავადების დამარცხების საქმეში განწყობას უდიდესი მნიშვნელობა აქვს, და რომ პანიკაში ჩავარდნილი ადამიანის მკურნალობა და გადარჩენა ბევრად უფრო რთულია, ვიდრე გაწონასწორებული და გააზრებული მიდგომა როგორც პაციენტის, ისე ექიმის მხრიდან.
ექიმი-ჰოსპიტალისტი წერს, რომ მთავარია საზოგადოებამ ისტერია დაძლიოს და დარჩეს სახლში, რომ ექიმებს ამ ელემენტარულით მაინც შეუწყოს ხელი მუშაობაში:
"ძალიან არასწორად ვიქცევი და ბოლოჯერ ვაკეთებ ამას, მაგრამ იმიტომ ვწერ რომ მჯერა ტერორი და სიცოცხლის, სუთქვის შიში, არის ყველაზე დიდი კატასტროფა!
სულ 5 წუთის წინ გავწერე 82 წლის, ფილტვის ქრონიკულ დაავადებიანი, კრუიზ გამოვლილი უსაყვარლესი და უპოზიტიურესი ბაბუ! ძალიან ბედნიერი ვარ, მარტო იმიტომ რომ ხელით შევეხე ადამიანურად, ეს რა ყოფილა! მოაკითხა მისმა კუსკუსა დაქალმა ბებომ მანქანით!
სხვების ამბებს არ დავწერ, იმიტომ რომ არაა ეს ფეისბუქის საქმე! იმის ილუზია არ მაქვს, რომ ყველა ასე კარგად დამთავრდება, ისევე როგორც სხვა ბევრი ინფექციური და არაინფექციური დაავადების შემთხვევაში. ისიც უნდა გავიაზროთ, რომ არადაინფიცირებული და სხვა პრობლემის მქონე ადამიანები, ალბათ უფრო დაზარალდებიან და ამის მაგალითი უკვე საკმაოდ ბევრი იყო ისტერიული ერთი კვირის მანძილზე.
ნუ ავყვებით გაურკვეველი ლოგიკით დათვლილ სხვა ქვეყნის სიკვდილიანობის სტატისტიკას, სადაც სხვა ყველა მიზეზით ჰოსპიტალიზირებული და გარდაცვლილი COVID-19-ზე გატესტეს და გამოსავალი ვირუსს მიაწერეს. ველოდები, რომ ასეთივე "შემზარავ" ციფრებს დადებს ნიუ-იორკი!
მოწყვლადი ჯგუფიო და ყველაზე მოწყვლადი აღმოჩნდა ემოციური და გაუწონასწორებელი ადამიანი, ღმერთმა იცის ამ ტერორს რა მოყვება, ალბათ გაივსება ფსიქიატრიულები და სერიოზული ავადმყოფი მოერიდება ექიმთან და მიმღებში მისვლას. უკვე ხდება ასე! მესმის რომ დამცავი საშუალებების პრობლემაა, მაგრამ უნდა გავიგოთ, რომ თუ ამ ვირუსის მატარებელი მოსახლეობის დიდა ნაწილია, მედპერსონალი ვერ ვიქნებით აბსოლუტურად "სტერილური". თავი რა თქმა უნდა, მაქსიმალურად უნდა დავიცვათ!
უნდა გავიგოთ, რომ კორონა დარჩება ჩვენთან ბევრი წელი და ზუსტად ვიცი, რომ ცოტა ხანში ნერვი აღარ აგვიტოკდება ამ სახელის გაგონებაზე. აშშ-ში უკვე პოზიტიურ ტესტიანები ბრუნდებან სახლებში ( კარანტინში). ყველაზე დიდი კატასტროფა კლინიკაში დაპანიკებული პერსონალია და ვერ ვხვდები, რა მიზანს ემსახურება იტალიელი ექიმების ნეკროლოგების გამოწყობა სოციალურ ქსელში?! ახლა გაიგეთ ექიმები ვირუსების და ბაქტერიების ბუდე რო ვართ?! ნეტა ფეისბუქი სანამ იარსებებდა ტუბერკულოზის გახსნილ კავერიან და აივ ინფიცირებულებთან რომ შედიოდნენ, ის ექიმები სად აქვეყნებდნენ ფოტოებს წლების წინ?
თუნდაც 2009 წლის H1 N1 პანდემიის დროს მარტო მე კი არა, რეზიდენტურის მთელი პროგრამა ავად და ძალიან ცუდად რომ გახდა, ვინმემ გამოგიცხადათ საინფორმაციო გამოშვებაში? ახლა რომ მწერთ როგორ ხარო? მაშინ ისიც უცნობი და ახალი იყო, მაგრამ ხო გადავრჩით? რაც არის იმით უნდა დაიცვა თავი მაქსიმალურად და შეგნებულად! ისტერიკა რომ შველოდეს, მეც ჩავვარდებოდი დიდი სიამოვნებით!
აღარ მოგახვევთ ჩემს სუბიექტურ აზრებს თავს, უბრალოდ მგონია რომ ყველა თაობას აქვს გამოწვევა და ამის დაძლევა წარმოუდგენელია პარალიზებული, დასტრესილი და სიკვდილის შიშით შეპყრობილი ბრბოთი. დარჩით სახლში, ილოცეთ, იცეკვეთ, იმღერეთ, იკითხეთ და რაც გინდათ ის ქენით, ოღონდ მშვიდად!
მადლობა იმ თითზე ჩამოსათვლელ ადამიანებს, ვის მხრებზეც და ჯანმრთელობის ხარჯზე გადადის ეს გამოწვევა და ნუ ჩაუყრით ამ სასწაულ ადამიანებს ამ შრომას, მითუმეტეს არავინ არასდროს და ვერსადროს ვერ წაგვართმევს რწმენას! კორონასთვის გადამზადებული პერსონალი კი არა, ჯარი უნდა იყოს ექიმების და არა მარტო კორონას, მილიონ ახალ რამეს უნდა დახვდეს სამყარო, ეს არ არის პირველი სერია და არც ბოლო! დაე, ვიყო გიჟი ოპტიმისტი და ვცდებოდე, მაგრამ არ ვაპირებ სიკვდილს და მგონია, რომ არც თქვენ არ დაიხოცებით, თუ ძაან არ გინდათ!" - წერს კლივლენდის კლინიკის ექიმი თინათინ ნარსია.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჭკვიანი და საყვარელი.
მესმის ოპტიმიზმი, პოზიტივი, ყოჩაღ თინათინ, კარგად შეუძახე დაპანიკებულ ადამიანებს