23
მარტიდღის ზოგადი ასტროლოგიური პროგნოზი
როგორია უახლესი ცნობები კორონავირუსთან დაკავშირებით, საქართველოს მეზობელი ქვეყნებიდან?
სომხეთში სავალდებულო თვითიზოლაცია გამოცხადდა. განცხადება ამის შესახებ მთვრობის ვებგვერდზე გამოქვეყნდა. აღნიშნული გადაწყვეტილებით, მოქალაქეებს მთელი ქვეყნის ტერიტორიაზე თავისუფლად მოძრაობა ეზღუდებათ. მოძრაობა შეზღუდულია ქალაქებსა და პროვინციებს შორისაც.
გადაწყვეტილება პირველი აპრილიდან შედის ძალაში და 12 აპრილამდე იმოქმედებს.
ამ დროისთვის ქვეყანაში კორონავირუსის 571 შემთხვევაა დადასტურებული, გარდაცვლილია 3 ადამიანი, 31 ადამიანი კი ვირუსისგან განიკურნა.
რაც შეეხება აზარბაიჯანს, ჯანდაცვის მსოფლიო ორგანიზაციის მონაცემებით, ქვეყანაში კორონავირუსით ინფიცირების 298 შემთხვევაა დაფიქსირებული, გარდაცვლილია 5 ადამიანი, გამოჯანმრთელებული კი - 26.
თურქეთში ახალი კორონავირუსით გარდაცვლილთა რიცხვი 214-მდე გაიზარდა. რაც შეეხება ინფიცირებულებს, ინფიცირებულთა სრულმა რაოდენობამ 13 531-ს მიაღწია. გავრცელებული ინფორმაციით, საავადმყოფოებიდან გამოწერეს 243 პაციენტი.
ვირუსის პირველი შემთხვევა თურქეთში 11 მარტს გამოვლინდა. ორი დღის წინ თურქეთის 14 ქალაქში კარანტინი გამოცხადდა.
