29
მარტიდღის ზოგადი ასტროლოგიური პროგნოზი
საქართველოში მოსახლეობის უმეტესობა უპირატესობას შეფუთულ პროდუქტს ანიჭებს, იქნება ეს ყველი, პური და ფუნთუშეული, ჩირი, სოსისი თუ სხვა დასახელების საკვები. მიზეზი შენახვის წესების სწორად დაცვაა, რაც დღეს, COVID-19-ის პანდემიამ კიდევ უფრო საჭირო გახადა.
მას შემდეგ, რაც კორონავირუსმა საქართველოშიც შემოაღწია, კომპანიების ნაწილმა იმ პროდუქციის შეფუთვაც დაიწყო, რასაც აქამდე გარემოსგან დამცავი საშუალებების გარეშე აწარმოებდა.
საქართველოში კორონავირუსის შემთხვევები პერიოდულად იმატებს, ამიტომ დღითიდღე უფრო გადამწყვეტი მნიშვნელობა ენიჭება ჯანდაცვის მსოფლიო ორგანიზაციისა და დაავადებათა კონტროლის ეროვნული ცენტრის რეკომენდაციების შესრულებას, მათ შორის ბიზნეს სექტორის მხრიდანაც.
მეცნიერებს ვარაუდის გამოთქმა უჭირთ, როდის დასრულდება COVI D-19-ის პანდემია და მალე მოგვეცემა თუ არა საშუალება, ცხოვრების ჩვეულ რიტმს დავუბრუნდეთ. აქედან გამომდინარე, შეიძლება აღდგომის დღესასწაული - 19 აპრილიც კი უჩვეულოდ გავატაროთ - საზოგადოებრივი თავშეყრის ადგილებისგან შორს და სტუმრების გარეშე.
აქვე, დიდი მნიშნელობა ენიჭება იმ პროდუქტების უსაფრთხოებას, რასაც ამ პერიოდში შევიძენთ. მაგალითად, სააღდგომო პასკა, კვერცხთან ერთად, ამ პერიოდის ყველაზე მოთხოვნადი პროდუქტებია, რომელიც წესების დაცვით უნდა მოვიდეს ჩვენამდე.
კომპანიებს, რომელთაც უსაფრთხო შესაფუთი მასალების მოძიების პრობლემა აქვთ ან ვისაც სურს, პროფესიონალურად შეფუთოს პროდუქტი, შეუძლია, მიმართოს შეფუთვების მწარმოებლებს, სადაც სააღდგომო სამზადისი უკვე დაწყებულია. როგორც საწარმო „კოლორ ჯგუფში“ განმარტავენ, მათ უკვე შემოიტანეს შესაბამისი შესაფუთი მასალები, კომპანიას შეფუთვების წარმოების მრავალწლიანი გამოცდილება აქვს, აქ საკვები პროდუქტების შეფუთვების წარმოება განსაკუთრებული ნორმების დაცვით ხდება.
„ვაცნობიერებთ, რომ მოსახლეობის მხრიდან მოთხოვნა შეფუთულ პროდუქციაზე კიდევ უფრო გაიზრდება, ამიტომ გვაქვს სრული მზდყოფნა. ჩვენ უკვე დავიჭირეთ თადარიგი, რომ არც ბიზნესს შეეშალოს ხელი და მოსახლეობაც მაქსიმალურად კმაყოფილი დარჩეს კორონავირუსის პირობებში ბიზნეს სექტორის რეაგირებით.
თუ რომელიმე ბიზნესი თავად ვერ ახერხებს ვიზუალის შექმნას ან უბრალოდ, რაიმე ახალი სურს, ჩვენი დიზაინ სტუდია შემოგთავაზებთ რამდენიმე დიზაინის ნიმუშს, რომელიც უკვე შეიქმნა და საილუსტრაციოდ გამოიყენება. დარწმუნებულები ვართ, რომ ჰიგიენისა და შენახვის ნორმების მაქსიმალურად დაცვა ამ ჩვენთვის უმნიშვნელოვანეს დღესასწაულზე, ბევრ პრობლემას აგვარიდებს თავიდან“, - აცხადებენ „კოლორ ჯგუფში“.
მაღაზიების თაროებზე სააღდგომო პროდუქცია ალბათ უკვე მალე დაიწყებს გამოჩენას. მთავრობისა და მედიკოსების რეკომენდაციით, ყველა ჩვენგანი უნდა ეცადოს, მხოლოდ გარემოსთან შეხებაში არმქონე პროდუქტი მიიღოს საკვებად და ამით ინფექციის გავრცელება თავიდან აიცილოს.
არაფერი გამოგივათ ახლა შეფუთვის ფასი უნდა დაამატოთ,გამოაცხვეთ ხალხო სახლში პასკები!ეყოთ ვაი ბიზნესმენებს გამდიდრება!