15
მაისიდღის ზოგადი ასტროლოგიური პროგნოზი
მეღვინე გიორგი ნათენაძე, რომელიც ერთ-ერთია კარანტინში მოთავსებულ საქართველოს მოქალაქეებს შორის, იმ პირობებს აღწერს, რაც საკარანტინე სივრცეში გადაყვანილს დახვდა.
მესხი მეღვინე, რომელიც საფრანგეთიდან საქართველოში რამდენიმე დღის წინ ქუთაისის აეროპორტის გავლით დაბრუნდა, სხვა მგზავრებთან ერთად ბათუმის ერთ-ერთ სასტუმროში გადაიყვანეს და კარანტინში მოათავსეს.
აი, რას წერს გიორგი ნათენაძე "ფეისბუქის" პირად გვერდზე:
"კორონა - დღე პირველი.
არ მინდა თავი მოგაწყინოთ კარანტინზე, საუბრით მაგრამ თურმე საჭიროა. ბევრი შემეხმიანა, გაუკვირდათ რომ ვწერდი კარგი პირობებიაო. მე გეტყვით რა ხდება და მიხვდებით რომ საქართველოში უნდა დაბრუნდეთ. მოცდას აზრი არ აქვს, ნურაფერს ელოდებით, ჩამოდით. კარანტინში და საქართველოში საშიში არაფერია.
არ ვიცი სხვა ქვეყნებში როგორაა მაგრამ საქართველო საკმაოდ ორგანიზებული აღმოჩნდა ამ სიტუაციისთვის. მე პირადად ბათუმში აღმოვჩნდი, ფაქტიურად პირველი დღეა. მშვენიერი სასტუმროა კარგი პირობებით, უკეთესი პირობები კარანტინისთვის კიარა დასვენებისთვის წარმოუდგენელია - დღეში სამჯერადი კვება, სისუფთავე და ჰიგიენური საშუალებები, ტელევიზორი და ინტერნეტი,ყ ავა / ჩაი, წყალი ყველა ოთახში.
მართალია გარეთ ვერ გადიხარ და არც უნდა გადიოდე, წესით. თუ სამუშაო გაქვთ, მაშინ იდეალური გარემოა ამ ყველაფრისთვის. შეგიძლიათ იმუშავოთ, ივარჯიშოთ, კარგად გამოიძინოთ, სწორი კვების რეჟიმში ჩაჯდეთ და ნათესავები და მეგობრები მოიკითხოთ. დღეს 6-მეტრიან ოთახში ალბათ 2 კილომეტრი ვირბინე. თუ რამე გაკლიათ უთხარით ადმინისტრაციას და მოგართმევენ...
კარებზე რომ მოგიკაკუნებენ, ე.ი სკაფანდრიანი ხალხი საჭმელს გიტოვებს, ან სიცხეს გიკონტროლებს (ფილმში გეგონებათ თავი პირველ დღეს...)
ჩემი მეუღლე და 3 ბავშვი 11 დღეა არ მინახავს და კიდევ ორი კვირა ვერ ვნახავ, მაგრამ და მაგრამ, განწყობაა მთავარი! და ყველაზე მთავარი არ დაგავიწყდეთ - თუ კარანტინში რატომ ხართ, ამით იცავთ პირველ რიგში თქვენს ოჯახს და მერე სხვის ოჯახებს და საქართველოს.
...კარანტინში, რომ გაგვიშვეს ერთი თვითფრინავის ხალხი სამ ავტობუსში გაგვანაწილეს, ხოდა ერთი მარნეულელი დარბის გამწარებული. მე იცი ვინ ვაროო, "ბიზმესმენი" ვარო სიმონო, ხოდა სიგარეტი უნდა მოვწიო არ მაინტერესებსო. ვაბშე აქ რა მინდაო, ცხოველები ხო არ ვართო რომ შემოგვყარესო. მე არაფერი მჭირს და სახლში მივდივარო. ხოდა, ახლა ზის ჩემს გვერდით ოთახში და მღერის გაუჩერებლად, ნერვებს იწყნარებს "ბიზმესმენი"...
საჭმელს რაც შეეხება, შეგიძლიათ შეუკვეთოთ, გადაიხადოთ და მოგართმევენ, თუ არ მოგწონთ. სურათებში ნახავთ დერეფანს, ყველა ოთახთან საჭმელი დევს, ერთჯერადი თეფშებით და ჭიქებით. თუ გაქცევას დააპირებთ, იქვე ეზოში გელოდებათ პატრული და 3-წლიანი პატიმრობაში მიგაცილებენ.
აბა კარგი დასვენება. თუ არ გავერთიანდით კორონას ვერ დავამარცხებთ. და კიდევ, დიდი მადლობა ყველას, ნაცნობებს თუ უცნობებს გამოხმაურებისთვის. არაფერი მჭირდება, ყავა და სადუღარა მაქვს კარგი ხალხის დახმარებით" წერს გიორგი ნათენაძე "ფეისბუქის" პირად გვერდზე და სასტუმროში გადაღებულ ფოტოებს აქვეყნებს.
კარანტინში მინდა!!!
ჯანმრთელებსაც გვინდა ჭამააააა!