2020 წლის ივლისისთვის ვირუსი სრულად მართვადი გახდება - ცნობილი რუსი ასტროლოგები კორონავირუსის მიზეზებზე და გაფრთხილება ზოდიაქოს ნიშნებს

2019 წლის ბოლოს და 2020 წლის დასაწყისში სამი მნიშვნელოვანი მოვლენა მოხდა: მზის დაბნელება, სატურნისა და პლუტონის შეერთება და მთვარის დაბნელება. მზის დაბნელება იუპიტერის შეერთებით მოხდა და მას არ შეეძლო გამოეწვია ასეთი მსოფლიო დონის უსიამოვნო მოვლენა, რადგან იუპიტერი, როგორც უკვე იცით, არის დიდი ბედნიერების პლანეტა. მთვარის დაბნელებაც ძლიერი მოვლენაა, განსაკუთრებით, როცა სატურნი და პლუტონი უპირისპირდება, მაგრამ კორონოვირუსის წარმოშობა შეგვიძლია უძლიერეს მოვლენას, პლანეტების: სატურნისა და პლუტონის შეერთებას დავუკავშიროთ.

ეს მოვლენა 100 წელიწადში სამჯერ, უფრო ზუსტად კი, 38 წელიწადში ერთხელ ხდება

სატურნის მფარველობის ქვეშაა შემდეგი ცხოველები: ღამურა, ობობები, ვირთხები და ა.შ. ანუ ეს უკვეა მინიშნება, რომ ვირუსი ცხოველისგან შეიძლებოდა გავრცელებულიყო.

რას წარმოადგენს პლუტონი?

ეს არის უძლიერესი ენერგია და გლობალური პროცესები, ეს არის ატომური ენერგია, საიდუმლო კვლევები. ანუ კორონოვირუსის წარმოშობა საიდუმლო სამეცნიერო კვლევებისა და ცხოველების გარეშე არ წარმოქმნილა. უნდა გითხრათ, რომ ჩინეთისთვის ვირუსის შედეგი კიდევ რამდენიმე წლის განმავლობაში იქნება მნიშვნელოვანი. ეპიდემიისა და მასიური კატასტროფების გამოვლენა შესაძლოა შემდეგ ტერიტორიებზე: აღმოსავლეთ ჩინეთის პროვინცია, იაკუტია, სამხრეთ ამერიკის შუა ზოლი და ჩრდილოეთ ამერიკაში - ვაშინგტონის ტერიტორია.

რა არის ვირუსი ასტროლოგიის თვალსაზრისით?

ისევ პლანეტების სატურნი-პლუტონის შეერთებაზე რომ ვისაუბროთ. სატურნი არ გვაძლევს სწრაფ განკურნებას და ვირუსის დამარცხებას. უფრო მეტიც, ის შეიძლება დროში გაწელილი და ქრონიკულიც კი გახდეს. ამიტომ, მათ, ვისაც უკვე დაემართათ კორონავირუსი, შეიძლება გამოუვლინდეთ რეციდივები. მათ არ უნდა დაუქვეითდეთ იმუნიტეტი, უნდა მოერიდონ ცუდ ეკოლოგიურ პირობებს. სხვათა შორის, მუტაცია, ცუდი ეკოლოგია და კლიმატის შეცვლაც პლუტონთაა კავშირში.

არსებობენ, ზოდიაქოს ნიშნები, რომლებიც 2020 წლის განმავლობაში მაქსიმალურად ფრთხილად უნდა იყვნენ, რათა დაიცან თავი ვირუსებისგან. ესენია: თხის რქა, ვერძი, სასწორი და კირჩხიბი, ანუ კარდინალური ნიშნები და აგრეთვე, სიფრთხილე მართებთ მშვილდოსნებსა და თევზებს.

2020 წლის ივნისი-ივლისისთვის ვირუსი სრულად მართვადი გახდება. უფრო ზუსტად კი, 21 ივნისს მზის დაბნელებას ველოდებით, რაც იმას ნიშნავს, რომ ისტორიის ეს ფურცელი წარსულს ჩაბარდება. ჩინეთის ასტროლოგიურ რუკაში პლანეტა პლუტონი მერვე სახლში (ეს არის ტრანსფორმაციისა და გარდაცვალების სახლი) დგას. და კონფლიქტურ ასპექტში - პროზერპინასთან. პროზერპინა ეს არის მუტაცია. ანუ, უახლოესი ორი წლის განმავლობაში მოსალოდნელია ახალი ვირუსების წარმოქმნა ან ძველების მუტაცია. ჩინეთს ევალება, მიხედოს თავის ეკოლოგიას: ჰაერს, წყალს და რაც მთავარია, კვების საკითხს.

2020 წელს არის რამდენიმე დღე, როცა ფრთხილად უნდა ვიყოთ:

ესენია:

• 20 მარტი, როცა მზე თევზების ზოდიაქოდან ვერძში გადადის.
• 31 მარტი
• 4 აგვისტო
• 13 აგვისტო
• 24 აგვისტო
• 30 სექტემბერი
• 19 ოქტომბერი
• 21 დეკემბერი

ამ დღეებში განსაკუთრებული სიფრთხილე მართებთ მათ, ვინც ქრონიკულ დაავადებებს უჩივის და სუსტი ჯანმრთელობა აქვს.

ასტროფსიქოლოგ მარია ვოლინას პროგნოზი და ასტროლოგ ზარაევის იმუნიტეტის ასამაღლებელი რეცეპტი: ნახეთ სრულად