მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
შაბათი, მთვარის ოცდამერვე დღე დაიწყება 05:19-ზე, მთვარე ვერძშია
დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ აღმოჩნდა ქართველი ქალის ნამუშევარი რომის პაპთან - "ეს ყველაზე საამაყო და გულისამაჩუყებელი მომენტია ჩემთვის!"
15:54 / 25-02-2020
რამდენიმე თვის წინ, AMBEBI.GE ქართველ ხელოვან ფატი კახნიაშვილზე და მის საოცარ ნამუშევრებზე წერდა. ის სამაჩაბლოდან დევნილია და სულ რაღაც ორი წელია, ორიგინალურ, ულამაზეს სამკაულებს ქმნის.
ქალი ვაზის მტევნით და ღვინის აქსესუარებით გადმოსცემს საქართველოს ისტორიას.
"ვაზის მტევანი ხომ საქართველოს კულტურის მთავარი ღერძია, დიდ ისტორიას იტევს. საერთოდაც, ყველაფერი ღვინის კულტურაშია გამოხატული, რაც სამკაულით შეგვიძლია გადმოვცეთ და კიდევ ერთხელ დავამახსოვროთ ჩვენი ქვეყანა უცხოელებს" - გვეუბნება ქალბატონი ფატი, რომლის ნამუშევრებით არაერთი ადამიანია აღფრთოვანებული, როგორც ჩვენთან, ისე უცხოეთში.
ცოტა ხნის წინ, მისმა საოცარმა ნამუშევრებმა ევროპის ქალაქები და საგამოფენო სივრცეები მოიარა - წარმოიდგინეთ, მისი შექმნილი ვაზის მტევანი რომის პაპ ფრანცისკესთანაც მოხვდა... საქართველოს ელჩმა ვატიკანში პონტიფიკოსს ქართული ღვინო გადასცა, რომელიც გაფორმებული იყო სამაჩაბლოდან დევნილი ქალის მიერ დამზადებული ხელნაკეთი ვაზის რტოთი.
ქალბატონი ფატი განსაკუთრებით იხსენებს 2018 წლის ოქტომბერში, მის პირველ გამოფენას თბილისის მოდის კვირეულის ფარგლებში, რამაც შემდგომ წარმატებას გზა ფართოდ გაუხსნა.
"პერსონალური გამოფენა გასულ ოქტომბერს იტალიაში, რომში, ხელოვნების უნივერსიტეტში მქონდა, რომლის ინიციატორი და ორგანიზატორი საქართველოს ახალგაზრდა ელჩი იტალიაში, ნენო გაბელიაა. არაჩვეულებრივი ადამიანია, ქართული სულისკვეთებით გამსჭვალული და საქართველოს პოპულარიზაციით დაკავებული.
ამავე პერიოდში ძველი რომის ერთ-ერთ გალერეაში ოთხდღიანი გამოფენა-კონკურსი გაიმართა, სადაც საკონკურსოდ შერჩეულ 30 ნამუშევარს შორის, ჩემი ბრენდის სამკაულიც, სახელწოდებით - "ამბავი საქართველოზე" იყო გამოფენილი.
ამ სამკაულის შინაარსი საქართველოს ისტორიას მოგვითხრობს. ხოლო ფაქტმა, რომ ერთი სამკაულით ჩემი ქვეყნის ისტორია მოვყევი, დიდი გამოხმაურება გამოიწვია, რაც ჩემთვის ძალიან საამაყოა" - გვიყვება ქალბატონი ფატი.
- როგორც შევიტყვეთ, თქვენი ხელნაკეთი მტევანი რომის პაპს ფრანცისკეს გადაეცა...
- ეს ჩემთვის ძალიან ამაღელვებელი ფაქტი გახლავთ, ამაში უკვე ჩემი მეგობრები, ნენო გაბელია და მისი მეუღლე დავით უკლება არიან "გარეულები". მათი ინიციატივით და ქალბატონ ქეთევან ბაგრატიონის მხარდაჭერით მოხდა ამ მტევნის გადაცემა.
საქართველოს ელჩმა ვატიკანში, ქალბატონმა ქეთევან ბაგრატიონმა რომის პაპასთან აუდიენციაზე სხვა ქართულ საჩუქრებთან ერთად, რომის პაპს ბაგრატიონების ღვინო გადასცა, რომელიც ჩემი ბრენდის - ZILFI-ს მტევნით იყო შემკობილი. ეს ყველაზე საამაყო და გულისამაჩუყებელი მომენტია ჩემთვის!
მინდა სიამაყით აღვნიშნო, რომ ქალბატონი ქეთევანი მნიშვნელოვან შეხვედრებზე ჩემი "მტევანი" გულსაბნევით ჩნდება, რაც დიდ ემოციებს იწვევს ჩემში და დიდი მადლობა მას ამისთვის!" - ამბობს ხელოვანი.
ფატი კახნიაშვილი ნამუშევრებს ნატურალური ქვებისგან: სერდოლიტის, აგატის, ნეფრიტისა და ჟადეიტისგან ქმნის. ცოტა ხნის წინ მიწვევა ავსტრიიდან მიიღო და ნოემბერში ორ გამოფენაში მონაწილეობის მისაღებად გაემგზავრა.
"ავსტრიაში საქართველოს საელჩომ, კერძოდ კი, ელჩმა დავით დონდუამ ყოველწლიურ საქველმოქმედო გამოფენაზე მიმიწვია, რომელიც გაეროს ეგიდით ჩატარდა, სადაც ქართული კუთხე იყო წარმოდგენილი.
ასევე საქართველოს ახალგაზრდა ელჩის, მარიამ თაყნიაშვილის და ნინო ძიძიგურის ორგანიზებით მოეწყო ჩემი პერსონალური გამოფენა, პოლტენში (ძველი ქალაქი).
ამავე პერიოდში ჩემი ნამუშევრები წარდგენილი იყო კორეაში ტარიელ ზივზივაძის მიერ IFFE 2019-ს გამოფენა-გაყიდვაზე,“ - გვეუბნება კახნიაშვილი, რომელიც არ წყვეტს მუშაობას და მორიგი გამოფენისთვის ემზადება.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სიკეთე , წინსვლა და დიდი წარმატება
ბრავო!