მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სად და როგორ დასაქმდებით გერმანიაში ლეგალურად - საიტები, სადაც ყველა საჭირო ინფორმაციას გაეცნობით
12:03 / 13-02-2020
2020 წლის პირველ მარტს გერმანიაში ძალაში შევა სპეციალისტთა იმიგრაციის შესახებ კანონი, რომლის თანახმად, ევროკავშირის არაწევრი ქვეყნების მოქალაქეებს გერმანიაში ლეგალურად დასაქმებისა და განათლების მიღების შესაძლებლობა მიეცემათ.
მთავარი ამ სიახლეში ის არის, რომ ცვლილება საქართველოს მოქალაქეებსაც შეეხებათ.
როგორც AMBEBI.GE-ს გერმანიის საელჩოში განუცხადეს, სპეციალისტთა იმიგრაციის შესახებ კანონის მიღების ინიციატივა, გერმანიის ფედერალურ მთავრობას ეკუთვნის.
გერმანიის საელჩოს განცხადებით, სამუშაო ვიზის მიღების წინაპირობა გერმანიის ფარგლებს გარეთ მიღებული კვალიფიკაციის აღიარებაა. რაც როგორც წესი, ორწლიან პროფესიულ განათლებას ან უმაღლეს განათლებას ითვალისწინებს.
"აკადემიური კვალიფიკაციის (უმაღლესი განათლების) აღიარება ხდება გერმანიის კულტურის სამინისტროთა კონფერენციის მიერ. ყველას აქვს შესაძლებლობა anabin-ის მონაცემთა ბაზაში გადაამოწმოს, აღიარებულია თუ არა მისი უნივერსიტეტის დიპლომი გერმანიაში. თუ ამ მონაცემთა ბაზაში თქვენი სპეციალობა არ არის მოცემული, მაშინ საკვალიფიკაციო საბუთები აღიარებისთვის ეგზავნება კულტურის სამინისტროთა კონფერენციას.
გერმანიის ფარგლებს გარეთ მიღებული პროფესიული კვალიფიკაციის აღიარება გერმანიის ადგილობრივი სახელობო პალატების პრეროგატივაა. ვებ-გვერდზე anerkennung-in-deutschland.de მსურველს შეუძლია ჩაწეროს თავისი პროფესია და მიუთითოს ადგილი გერმანიაში, სადაც სურს დასაქმება, რის შემდეგაც ვებ-გვერდი უჩვენებს, თუ რომელი გერმანული უწყებაა კომპეტენტური მისი პროფესიული კვალიფიკაციის აღიარებისათვის" - განუცხადეს AMBEBI.GE-ს გერმანიის საელჩოში.
დიპლომატიურ წარმომადგენლობაში ასევე გვითხრეს, რომ პროფესიული განათლების მიღების ან გერმანიაში სამუშაოს დაწყების მსურველებმა, უნდა მიმართონ გერმანიის საკონსულოს, შეიტანონ განაცხადი შესაბამისი კატეგორიის ვიზაზე და წარადგინონ საჭირო დოკუმენტაცია. ასევე, დაინტერესებულთათვის შექმნილია დასაქმების პორტალი Make it in Germany, რომელზეც განთავსებულია საჭირო ინფორმაცია და ის პერიოდულად განახლდება.
2019 წელს გერმანიაში სამუშაოდ 60 000 ადამიანი ჩავიდა ევროკავშირის არაწევრი ქვეყნებიდან.
გერმანული გამოცემა Deutsche Welle-ს ინფორმაციით, 2019 წლის მონაცემებით, გერმანიაში 1,36 მილიონი ვაკანსია იყო, რომელთა შევსებაც მხოლოდ გერმანიის მოქალაქეებით ვერ ხერხდება.
ამავე მედიასაშუალების ცნობით, კადრების ყველაზე დიდი დანაკლისია მათემატიკის, ინფორმატიკისა და ტექნიკის სფეროში, ასევე სამშენებლო სექტორსა და მედიცინაში. დეფიციტურია ავადმყოფებისა და მოხუცების მომვლელებიც, თავისუფალი ვაკანსიებია სასტუმროსა და რესტორნების ბიზნესშიც.
აღსანიშნავია ისიც, რომ ადამიანები, რომლებიც საქართველოდან გერმანიაში თავშესაფრის მოთხოვნის მიზნით მიემგზავრებიან, სავარაუდოდ, ვერ შეძლებენ ისარგებლონ დასაქმების შესახებ ახალი კანონმდებლობით.
AMBEBI.GE-ს გერმანიის საელჩოში განუმარტეს, რომ შეკითხვების შემთხვევაში, ნებისმიერი მოქალაქე კონსულტაციას მიიღებს გერმანიის შრომის ფედერალურ სააგენტოში. ხოლო იმ შემთხვევაში, თუ მოქალაქეს წინასწარ მოძიებული ჰყავს დამსაქმებელი, კვალიფიკაციის აღიარების პროცედურის გავლას გერმანიაში განახორციელებს დამსაქმებელი, რის შემდეგაც ინფორმაციას მიაწოდებს გერმანიის საკონსულოს და ის გასცემს დასაქმების მსურველზე შესაბამის ვიზას.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართვველოში მიგვასწავლეთ სად დავსაქმდეთ
ინფორმაცია, აშკარად არასრულია. გერმანიაში რაც მე ვიცი ყოველთვის შეეძლო არა ევროკავშირელს ლეგალურად სამუშაოს დაწყება. მათ შორის ქართველსაც. მეც და ბევრი ჩემი ნაცნობიც უკვე კაი ხანია ლეგალურად ვმუშაობთ გერმანიაში და არავიტარი პრობლემა არ ყოფილა საქართველოში მიღებული დიპლომების აღიარება.