მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამ ეტაპზე გრიპი ბევრად საშიშია, ვიდრე კორონავირუსი" - აშშ-ში გრიპის ვირუსმა 25 ათასი ადამიანი იმსხვერპლა, რა მდგომარეობაა საქართველოში?
12:47 / 06-02-2020
მაშინ, როცა მთელი მსოფლიო და განსაკუთრებით საქართველო ახალი ტიპის კორონავირუსზე შფოთავს, აშშ-ში გრიპის ვირუსმა 25 ათასი ადამიანი იმსხვერპლა.
The Washington Post წერს, რომ დაავადებით ინფიცირებულთა და გარდაცვლილთა რიცხვმა ბოლო ოთხ თვეში სახიფათო ნიშნულს მიაღწია და უკვე 26 მილიონს აჭარბებს.
გამოცემის ცნობით, გრიპის სეზონზე ამერიკაში ყოველთვის რთული ვითარებაა, მაგრამ 2019-2020 წლის ზამთარი განსაკუთრებით მძიმე აღმოჩნდა, თუმცა ამას ყურადღებას არავინ აქცევს, რადგანაც ყველა კორონავირუსზეა კონცენტრირებული.
დაავადებათა კონტროლის ეროვნული ცენტრის ხელმძღვანელი ამირან გამყრელიძე AMBEBI.GE-სთან საუბარში განმარტავს, რომ ამ ეტაპზე, რეალურად გრიპი უფრო მეტად არის გავრცელებული და მედიცინისთვის დიდ გამოწვევადაც იქცა.
- ბატონო ამირან, რამდენად შეესაბამება სიმართლეს, რომ გრიპის ვირუსი გაცილებით საშიშია, ვიდრე კორონავირუსი?
- გრიპის ვირუსი ბევრად მეტად არის გავრცელებული, ვიდრე კორონავირუსი. გრიპი სეზონური გახლავთ და მთელ მსოფლიოში ყოველწლიურად მისით მილიარდამდე ადამიანი ავადდება, მაგრამ მძიმე გრიპოზული დაავადება აქვს 5-6 მილიონამდე ადამიანს.
სტატისტიკურად, სეზონურად გრიპის ვირუსით მსოფლიოს მასშტაბით 250-500 ათასამდე ადამიანი იღუპება. ამიტომ რა თქმა უნდა, ამ ეტაპზე გრიპი ბევრად საშიშია და ბევრად საყურადღებო. თუმცა, იმის გამო, რომ კორონავირუსი ახალია და ერთი თვის განმავლობაში 28 ათასი ადამიანია დავირუსებული, ჯერ არ ვიცით, როგორი განვითარება ექნება მას.
რასაც მეკითხებით, ამერიკაში გარდაცვლილთა რაოდენობის შესახებ, ეს გახლავთ ინფორმაცია ცნობილი ამერიკელი მეცნიერის, ანტონიო კაუჩის გამოსვლიდან, რომელმაც თქვა, რომ როდესაც ამერიკაში 5 ადამიანი იყო კორონავირუსით დაავადებული, მაშინ 10 ათასი გრიპით გარდაცვლილი იყო და გრიპს ყურადღება არ ექცევაო. თუმცა, ამერიკაში კორონავირუსით დაავადებულთა ციფრი ახლა გაზრდილია.
გრიპი, როგორც კორონავირუსი, შედის ისეთ რესპირატორულ ინფექციებში, რომლებიც ყველაზე დიდი გამოწვევაა 21-ე საუკუნეში. განსაკუთრებულად ის ვირუსები, რომლებიც პერიოდულად იცვლიან გენოტიპს და გვევლინებიან მუტირებულ ვირუსებად (როგორც კორონავირუსის შემთხვევაში მოხდა და ცხოველიდან ადამიანზე გადავიდა).
გრიპის ვირუსი რეალურად ძალიან რთულ პრობლემად იქცა 2009 წელს, როდესაც პანდემიად იქცა.
- ამერიკაში რატომ არის გარდაცვლილების დიდი რაოდენობა, თუ იცრებიან გრიპის საწინაააღმდეგო ვაქცინით?
- ამერიკის მოსახლეობის დაახლოებით 60 პროცენტი გრიპზე ყოველწლიურად იცრება, მაგრამ იმდენად დიდი ქვეყანაა, რომ ეს არ არის ძალიან დიდი ციფრი. საბედნიეროდ, ჩვენთანაც შემოვიდა ეს კულტურა და წელს 150 ათასამდე ადამიანი აიცრა გრიპის ვირუსზე საქართველოში.
- პაატა იმნაძემ ცოტა ხნის წინ განაცხადა, რომ ერთ-ერთი მოსაზრებით წითურა-წითელაზე აცრას შეუძლია დაიცვას ადამიანი კორონავირუსისგან. რას გვეტყვით ამის შესახებ?
- ეს გახლავთ რამდენიმე ცნობილი ამერიკელი მეცნიერის მოსაზრება, იმიტომ, რომ დღევანდელი ანალიზით კორონავირუსით გარდაცვალების შემთხვევები 60 წლის ზევით ადამიანებზე მოდის.
დღეის მონაცემებით, 563 ადამიანია გარდაცვლილი ჩინეთში და ორი ჩინეთს გარეთ. ამ ადამიანებს ჰქონდათ თანმდევი დაავადებები - ფილტვების, სისხლძარღვების დაავადებები, სიმსივნე, ასევე დიაბეტი. იგივეა გრიპის შემთხვევაშიც, როდესაც გრიპი კლავს ადამიანს, უხშირეს შემთხვევაში მას აქვს თანმხლები ქრონიკული დაავადება.
კორონავირუსი უფრო მეტად აზიანებს ასაკოვან ადამიანებს და ერთეული შემთხვევებია ბავშვებში. ამაზე და კიდევ რამდენიმე ფაქტზე დაყრდნობით, მეცნიერებმა გამოთქვეს მოსაზრება, რომ აცრის შემთხვევაში წითურას კომპონენტს შეიძლება ჰქონდეს კორონავირუსზე დამცველობითი ფუნქცია, მაგრამ ეს არ არის მყარ მტკიცებულებებზე დამყარებული.
- გრიპთან დაკავშირებით რა მდგომარეობაა დღეს ჩვენს ქვეყანაში? თითქოს ისეთი რთული ვითარება აღარ არის...
- ბოლო კვირის მონაცემებით, გრიპზე მიმართვიანობა 100 000 მოსახლეზე ცოტა შემცირებულია, მაგრამ რამდენიმე პროცენტით გაზრდილია ჰოსტპიტალიზაციის რიცხვი, ცოტა მძიმე შემთხვევები წამოვიდა.
ზოგადად, წლევანდელი სეზონი შედარებით მშვიდია, რადგან ძირითადად ცირკულირებს B ტიპის ვირუსი და მას ნაკლებად ახასიათებს გართულება. ასევე აცრებმაც იქონია გავლენა, ორნახევარჯერ მეტი ადამიანი აიცრა წელს საქართველოში. ბავშვებთან მიმართებაში მოვახდინეთ პრევენცია და 14 ათასამდე ბაღის აღმზრდელია აცრილია და ნაკლები შანსია საბავშვო ბაღში ვირუსის შეტანის.
- წელს, ორსულებზეც იყო პრობლემა, მათ მეან-გინეკოლოგები არ ურჩევდნენ აცრას. თუ უტარდებათ ექიმებს სპეციალური ტრენინგები, რომ ორსულის აცრა აუცილებელია?
- დიახ, ორსულები ნაკლებად აიცრნენ, მაგრამ აქაც კულტურა გაიზარდა, წელს ორჯერ მეტი აიცრა, ვიდრე შარშან. ბევრი ტრენინგი უტარდებათ მეან-გინეკოლოგებს, რომ ურჩიონ ორსულებს აცრა, მაგრამ სანქციებით საუბარი მედიცინაში უკუშედეგს იძლევა, უფრო მეტი განათლება, უფრო მეტი ინფორმაციაა საჭირო.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
gripis virusi da korona ise gansxvavdeba ertmanetisagan,rogorc tvit amerika da chineti.ra sisulelea gripis gartuleba medicinis chaurevlobitaa gamocveuli,xolo es koronavirusi egreve mcvave pnevmoniit iwyeba
vaimeeeee,,,,,korona virusi araferi yofilaaa,gaigonet xalxo?chven rom jandacva gvaqvs tyuilia ra....