მნიშვნელოვანი ინფორმაცია
15
მაისიდღის ზოგადი ასტროლოგიური პროგნოზი
15 მაისი, ხუთშაბათი, მთვარის მეთვრამეტე, მთვარე 23:56-ზე ესტუმრება თხის რქას
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ გაცივდეთ, რადგან დღეს ჯანმრთელობის შესუსტება გაცივებით იწყება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ჩინეთის მოქალაქე მცირეწლოვანი ტყუპები თავს კარგად გრძნობენ - მათ ინფექციური საავადმყოფო უკვე დატოვეს
19:05 / 01-02-2020
ჩინეთის მოქალაქე ტყუპმა ბავშვებმა თბილისის ინფექციური საავადმყოფოს ბოქსირებული განყოფილება უკვე დატოვეს და კლინიკიდან გაწერეს.
როგორც „ინტერპრესნიუსს“ ინფექციური საავადმყოფოს ექიმებმა განუცხადეს, ჩინეთის მოქალაქე მცირეწლოვნები 30 იანვარს ტურისტულ ჯგუფთან ერთად სასწრაფო დახმარების ბრიგადამ ყაზბეგიდან ჩამოიყვანა, ვინაიდან მათ მაღალი ტემპერატურა აღენიშნებოდათ.
კორონავირუსის პრევენციისა და დიაგნოსტირებისთვის, ისინი ინფექციური საავადმყოფოს ბოქსირებულ განყოფილებაში მოათავსეს.
რენდგენოგრაფიით და კვლევებით დადგინდა, რომ პაციენტებს H1N1ვირუსი ჰქონდათ და კორონავირუსი გამოირიცხა.
ამ დრომდე მათ შესაბამისი სამედიცინო მკურნალობა უტარდებოდათ.
როგორც ექიმები აცხადებენ, ისინი თავს კარგად გრძნობენ და მათი კლინიკაში გაჩერება აუცილებელი აღარ არის, შესაბამისად, კლინიკიდან გაწერეს.
რაც შეეხება ბავშვების ახლობლებს, მათი განცხადებით, ისინი საქართველოს შეძლებისდაგვარად, უახლოეს პერიოდში დატოვებენ.
„მადლობას ვუხდი ქართველ ექიმებს ყურადღებისა და გულითადი დამოკიდებულებისთვის. ნამდვილად არ ველოდით ასეთ რეზონანსს და თანადგომას. ჩვენ ყაზბეგში აღარ დავბრუნდებით, ვიქნებით თბილისში და შეძლებისდაგვარად, როგორც მოგვიხერხდება, დავტოვებთ საქართველოს“, - განაცხადეს ბავშვების ოჯახის წევრებმა.
ამ დროისთვის თბილისის ინფექციური საავადმყოფოს ბოქსირებულ განყოფილებაში საქართველოს ორი მოქალაქე რჩება. როგორც დღეს გამართულ პრესკონფერენციაზე თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა, ჩინეთიდან ჩამოსულ საქართველოს ორ მოქალაქესთან მიმართებით საქართველოში ჩატარებული კვლევებით ახალი კორონავირუსის ნიშნები გამოირიცხა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სასამართლომ ირაკლი ოქრუაშვილს გირაო პატიმრობით შეუცვალა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
