მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
89 წლის მხიარული დაქალები ბრიტანეთიდან, რომლებიც 11 წლიდან მეგობრობენ - ნამდვილი მეგობრობის მაგალითი
11:47 / 25-12-2019
ბევრ ადამიანს არ სჯერა ნამდვილი, მყარი მეგობრობის. სამწუხაროდ, ხშირად ხდება, რომ სხვადასხვა მიზეზების გამო, მეგობრული ურთიერთობები ინგრევა, მაგრამ საბედნიეროდ, გულწრფელი და ხანგრძლივი მეგობრობის მაგალითებიც გვაქვს.
ბებოები, რომლებსაც ფოტოზე ხედავთ, დიდი ბრიტანეთიდან არიან. ისინი თითქმის რვა დეკადაა საუკეთესო მეგობრები არიან და ყველაზე უკეთ იციან ნამდვილი მეგობრობის ფასი.
კეტლინ სევილი და ოლივ ვუდვარდი 1941 წლიდან მეგობრობენ. როცა ერთმანეთი გაიცნეს, 11 წლის იყვნენ. ახლა მათი ასაკი 89 წელია და მთელი ეს ცხოვრება ერთად განვლეს. ერთმანეთისთვის უახლოესი ადამიანები არიან.
როგორც BBC წერს, ბებოები უერთმანეთოდ 10 წუთიც ვერ ძლებენ და ასაკში კიდევ უფრო მეტად უყვართ ერთმანეთი.
რამდენიმე კვირის უკან მათ მოხუცთა თავშესაფარში ცხოვრება გადაწყვიტეს. მენსფილდში, ბერი ჰილ პარკის თავშესაფარში პირველად სევილი გადავიდა საცხოვრებლად, მას საუკეთესო მეგობარმაც მალევე მიბაძა.
"თუ ბედნიერი ვარ, ან პრობლემა მაქვს, მაშინვე კეტლინთან მივდივარ. ჩვენი ყველა შეხვედრა სიცილით და ბედნიერად მთავრდება“ , - ამბობს ოლივ ვუდვარდი. მას სჯერა, რომ საუკეთესო მეგობრის ნახვას მასზე პოზიტიური გავლენის მოხდენა შეუძლია. ასევე ამბობს, რომ როდესაც კეტლინი თავშესაფარში არ არის, ძალიან განიცდის და დეპრესიაშია სანამ მეგობარი არ დაბრუნდება.
"ყოველ დღე მთელ დროს ერთად ვატარებთ“ - ამბობს ოლივი BBC-სთან ინტერვიუში. მისივე თქმით, კეტლინთან არასოდეს უჩხუბია და სწორედ ეს არის ხანგრძლივი მეგობრობის მთავარი მიზეზი.
ბრიტანელ ბებოებს სჯერათ, რომ გარდაცვალების შემდეგაც იმქვეყნიურ სამყაროში ერთად იქნებიან.
"როცა ერთმანეთი გავიცანით, მაშინვე ვიცოდით, რომ სამუდამო მეგობრები ვიქნებოდით. ვაპირებთ, რომ სამოთხეშიც ვიმეგობროთ“, - ამბობს კეტლინი.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბოდიშის მოხდით - დეკადა კი ნიშნავს ათეულს, მაგრამ 10 დრის აღსანიშნავად იხმარება, და არა 10 წლის. სტატია კი კარგია, ნამდვილად :) უბრალოდ, ათეული დაწერეთ, ნო გამოეკიდებით უცხო სიტყვებს, უხერხულობის თავიდან ასაცილებლად :)