14
მაისიდღის ზოგადი ასტროლოგიური პროგნოზი
ინტერნეტში სკანდალური ვიდეო ვრცელდება, რომელიც რუსეთის ერთ-ერთ სკოლაშია გადაღებული. დაწყებითი კლასის მოსწავლეებს ადგილობრივი სპეცრაზმი ახალ წელს "ულოცავს". სპეცრაზმი "სპეციალურ საახალწლო მილოცვაში" ბავშვებს აქციის ხელკეტებით დაშლის ილეთებს უჩვენებს. შესაბამისი ეკიპირება, ჩაფხუტები, ფარები... და შეძახილები: "ჯოხი ზემოთ! ერთი, ორი! დაარტყი! - ჯოხი ქვემოთ, დაარტყი", - კარნახობს ინსტრუქტორი რუსეთის ფედერაციული ძალების სპეცრაზმელებს, რომლებმაც მეხუთეკლასელებისთვის აქციის დარბევის ჩვენება სკოლაში მოაწყვეს.
შემთხვევა ჩელიაბინსკის ოლქის ქალაქ ზლატოუსტში მოხდა. კადრებში ჩანს გაოცებული ბავშვების სახეები, თუმცა, ადგილობრივი ტელევიზიის სიუჟეტის ავტორს ეს სულაც არ უშლის ხელს სკოლის დარბაზში მიმდინარე ჩვენებაზე დეტალურად ისაუბროს. ამის შესახებ სკოლის მოსწავლეების მშობლებმა სწორედ ტელევიზიიდან გაიგეს, ნაწილმა ფაქტი გააპროტესტა, რის შემდეგაც სკოლის დირექტორი მერიაში დაიბარეს.
ადგილობრივი დეპუტატის ოლგა მუხომეტიაროვას თქმით, ფიზიკური ძალის გამოყენებით აქციის დაშლასა და მოქალაქეების ცემას, სამშობლოს სიყვარულსა და პატრიოტიზმთან საერთო არ აქვს.
"საინტერესოა, ვის მოაფიქრდა მეხუთეკლასელებისთვის ამის ჩვენება. თან ღონისძიებაზე მშობლები არ მოუწვევიათ", - აცხადებს დეპუტატი.
სკოლაში გამართულ ღონისძიებას რუსი ინტერნეტმომხმარებლებიც აქტიურად განიხილავენ. ნაწილი მიიჩნევს, რომ "ყველა ძლიერ ქვეყანაში, რომლის უსაფრთხოება მუდმივად დიდი გამოწვევების წინაშეა, ბავშვებს პატარა ასაკიდან ასწავლიან ბრძოლას და სამშობლოს სიყვარულს, ამიტომ ამაში მიუღებელი არაფერია. პირიქით! წაიკითხეთ სამურაების ისტორია".
"ახლა ყველაფერს ფსევდო-ლიბერალები აფასებენ და კანონდარღვევას უწოდებენ, არადა ახალგაზრდული გვარდია, რომლის წევრებიც 8 წლის ბიჭებიც იყვნენ, მამაცურ საქმეებსაც აკეთებდა სამშობლოსთვის", - წერენ სხვები.
არიან ისეთებიც, ვისაც მიაჩნია, რომ ეს ჩვეულებრივი პერფორმანსი იყო, სადაც სპეცრაცზმელებმა ბავშვებს გაუაზრებლად აჩვენეს აქციის დაშლა და ამაში ტრაგედია არაფერია, რადგან ისინი ინტერნეტით ბევრად საშიშ რამეებსაც უყურებენ.
ნაწილის თქმით, ეს არის ქვეყნის სირცხვილი, რადგან დაუშვებელია მეხუთეკლასელ ბავშვს ძალადობის იმიტაციას აჩვენებდე.
"აქედანვე აჩვევენ ბავშვებს, რომ პროტესტის გამოხატვის შემთხვევაში, ხელკეტი არ ასცდებათ. შიშს უნერგავენ - მეფის წინააღმდეგ ხმას თუ ამოიღებთ, ასე გადაგივლითო. რა კარგია, თავისუფალ თაობას ვზრდით!", - წერს რუსი ინტერნეტმომხმარებელი ვლადიმერ ლგუნოვი.
"ამის შემდეგ უკვირთ, რატომ არის საზოგადოება ასეთი აგრესიული. ეს ყველაფერი ჩვენი აგრესიული კულტურის დამსახურებაა, რაც სწორედ საბჭოთა მენტალობის სკოლიდან მოდის. არასწორი მეთოდებით აღზრდილ ბავშვებს გარშემო ყველა ეზიზღებათ, ქვეყანაც სძულთ, სადაც ცხოვრობენ... საკუთარი თავისგან გაქცევას ცდილობენ", - მიაჩნია კონსტანტინე სუროვცევს.
"პატარა საქართველოში იმედგაცრუებული მოზარდის მიერ დაწერილ ფრაზას, საზოგადოებისგან ძალიან ჯანსაღი რეაქცია მოჰყვა, ანუ მიხვდნენ, რომ ასე, იმპულსურად გამოხატული საყოველთაო პროტესტით ახალ თაობაში ნიჰილიზმს დათესავდნენ და პროტესტის ფორმა შეცვალეს, ჩვენთან 9 მაისი ისე არ ჩაივლის, ბავშვებს იარაღი და ფორმა არ დავაჭერინოთ... სულ ვიღაცას ვებრძვით, ვხოცავთ, ვამარცხებთ, სინამდვილეში კი, საკუთარ თავს, ჩვენს მომავალს ვამარცხებთ. ვასწავლოთ ძალადობა აბა რა, ასე უფრო "განათლებული და ჰუმანურები" იქნებიან. 21-ე საუკუნეში, ასეთი რამ სხვაგან არსად ხდება", - წერს ნატალია კაშინა.
"ეს არის ჩვენი ხელისუფლების ფსიქოლოგიური სახე. ახლა ვიღაც ერთზე, თუნდაც დირექტორზე გადატყდება ჯოხი და გაათავისუფლებენ, რადგან თურმე მისი ბრალია ყველაფერი... არადა, მთელი ქვეყნის იდეოლოგია ძალადობაზეა აწყობილი. ჩუმი საშინელება. იმედია, მშობლები აუხსნიან იმ საცოდავ ბავშვებს, რომ მხოლოდ ისინი ძალადობენ, ვისაც განათლება არ აქვს და რახან ხელში ჯოხი უჭირავს, თავი ძლიერი ჰგონია. "დაარტყი ჯოხით" აღზრდილი თაობა ვართ ჩვენ და იმიტომ ვართ ამ დღეში, ამდენი წელია პუტინი გვმართავს. ერთ დროს ეს მართლა გვეგონა ჩვენი სამშობლოს სლოგანი", - წერს ანდრეი სპიგლაზოვი.
ისე ხელკეტითა და ფარით აღჭურვილი თოვლის ბაბუის პერფომანსი უფრ საინტერესო იქნებოდა.კარზე ახალი წელია მომდგარი,მაგრამ ამას უფრო,,პრადვინუტი,,სკოლის დირექტორი ჭირდებოდა.არა უშავს მომავალი წელიც მალე მოვა და მერე ნახეთ...ისე ,,სნეგუროჩკას,, რას შესთავაზებდით?ჩემი ფანტაზია ვერ ქაჩავს...
ავადმყოფი ქვეყანა.