27
მარტიდღის ზოგადი ასტროლოგიური პროგნოზი
ფრანგულ სატელეფონო და ინტერნეტ პროვაიდერ Orange-ის ხელმძღვანელობა თანამშრომლებზე განხორციელებული ფსიქოლოგიური და მორალური ძალადობისთვის სასამართლომ დამნაშავედ სცნო.
საქმე ეხება 2008-2010 წლების პერიოდს, როდესაც კომპანიას თანამშრომელთა თვითმკვლელობების ტალღამ გადაუარა. მიზეზად კი Orange-ის ხელმძღვანელობის მხრიდან ფსიქოლოგიური ზეწოლა სახელდებოდა.
ბრალდების მხარის ინფორმაციით, აღნიშნულ პერიოდში (2008 წლის აპრილიდან 2010 წლის ივლისამდე) სიცოცხლე თვითმკვლელობით დაასრულა კომპანიის 18-მა თანამშრომელმა, ხოლო 13-მა სუიციდი სცადა.
ფრანგული სასამართლოს გადაწყვეტილებით, კომპანია Orange 75 ათასი ევროთი დაჯარიმდა, ხოლო ყოფილ აღმასრულებელ დირექტორს, დიდიე ლომბარდს, ერთი წლით პატიმრობა შეეფარდა, ასევე 15 ათას ევროს ოდენობის ჯარიმის გადახდა დაეკისრა.
საქმეზე სასამართლო განხილვა 2019 წლის გაზაფხულიდან მიმდინარეობს. ბრალდების მხარის ცნობით, ზოგიერთმა თანამშრომელმა თვითმკვლელობის წინ წერილიც დატოვა, სადაც ისინი ყველაფრის მიზეზად კომპანიის ხელმძღვანელების მხრიდან ფსიქოლოგიურ ზეწოლას ასახელებდნენ.
აღსანიშნავია, რომ იმ პერიოდში, როცა კომპანიაში თვითმკვლელობების შემთხვევები ხდებოდა, მას France telecom ერქვა, ხოლო შემდეგ სახელი შეუცვალეს და Orange დაარქვეს.
კომპანიაში დასაქმებულებს პრობლემები მას შემდეგ დაეწყოთ, რაც ხელმძღვანელობამ რესტრუქტურიზაცია გადაწყვიტა. რესტრუქტურიზაციის ფარგლებში 22 000 თანამშრომლის სამსახურიდან გაშვება, ხოლო 10 000 თანამშრომლისთვის თანამდებობის შეცვლა იგეგმებოდა. ბრალდების მხარე, ასევე საფრანგეთის შრომის ინსპექციის სამსახურის წარმომადგენლები ამბობენ, რომ რესტრუქტურიზაციას "პათოლოგიური მეთოდებით“ ახორციელებდნენ.
ხელმძღვანელები მუქარის, დაშინების, ფსიქოლოგიური ზეწოლის გზით აიძულებდნენ ადამიანებს სამსახურის დატოვებას, უფრო დაბალი თანამდებობის დაკავებას, სურვილის საწინააღმდეგოდ გადაჰყავთ სხვა ქალაქებში სამუშაოდ.
სასამართლოს დადგენილებით Orange-ში 22 ათასი სამუშაო ადგილი უკანონოდ შეამცირეს.
კომპანიაში აღიარებენ, რომ შესაძლოა, რესტრუქტურიზაციის პროცესში შეცდომები დაუშვეს, თუმცა დასძენენ, რომ თანამშრომელთა ფსიქოლოგიური შევიწროება მათ გეგმებში არ შედიოდა.
დიდიე ლომბარდის თქმით, თანამშრომლებს არ მოსწონდათ რესტრუქტურიზაცია, თუმცა ის არ აღიარებს, რომ ეს პროცესი გახდა თვითმკვლელობების მიზეზი.
Orange-ის კიდევ სამი ყოფილი აღმსრულებელი დირექტორია დადანაშაულებული თანამშრომლებზე მორალურ ძალადობაში, თუმცა ისინი ბრალს არ აღიარებენ, არ იღებენ პასუხისმგებლობას და ამბობენ, რომ რესტრუქტურიზაციის გეგმა კომპანიაში შექმნილი ეკონომიკური მდგომარეობით იყო განპირობებული.
როგორც France24 წერს, კომპანიაში ძალიან მძიმე შემთხვევები მოხდა, მათ შორის ყველაზე მძიმე აღმოჩნდა ის, რომ ერთ-ერთმა თანამშრომელმა თავი ოფისშივე მოიკლა.
გადადგეს ღარიბაშვილი !!!
იქაც არიან ქოცები? აბა დაერხათ ფრანგებს