მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არიან ავღანეთში ტერაქტის შედეგად დაშავებული ქართველი სამხედროები
11:30 / 11-12-2019
ავღანეთის ისლამურ რესპუბლიკაში, ბაგრამის ამერიკულ სამხედრო ბაზასთან მომხდარი ტერაქტის შედეგად ქართველი სამხედროები დაშავდნენ.
გავრცელებული ინფორმაციით, ორმა თავდამსხმელმა ბაზის სამხრეთ შესასვლელთან მდებარე სამედიცინო პუნქტთან, ასაფეთქებელი მოწყობილობით დატვირთული ავტომობილი ააფეთქა, ხუთმა შეიარაღებულმა პირმა კი - ცეცხლი გახსნა.
„როიტერსის“ ინფორმაციით, ტერაქტის შედეგად დაღუპულია 1 და დაშავებულია 60-ზე მეტი ადამიანი. ამის შესახებ ინფორმაციას სააგენტო ავღანეთის ხელისუფლებასა და ნატო-ს ოფიციალურ პირებზე დაყრდნობით ავრცელებს. ავღანეთში ნატო-ს მისიის ინფორმაციით, „თავდასხმა სწრაფად შეაჩერეს და მოიგერიეს“.
როგორც საქართველოს თავდაცვის სამინისტროს განცხადებაში ვკითხულობთ, ტერორისტების მიერ განხორციელებული თავდასხმის შედეგად ქართული კონტინგენტის სწრაფი რეაგირების ქვედანაყოფის 5 სამხედრო მოსამსახურე დაშავდა.
საბედნიეროდ, საქართველოს მოქალაქეები მსუბუქად არიან დაშავებული.
"მე-12 ბატალიონის სამხედრო მოსამსახურეების, კაპრალების: გოჩა მურადაშვილის, სოსო კვინიკაძის და რომან გიუნაშვილის, რიგითი ილია თაყაძის და უფროსი სერჟანტის დავით ბახურაულის ჯანმრთელობის მდგომარეობა სტაბილურია და მათი ჰოსპიტალიზაცია საჭირო არ გამხდარა.
მსუბუქი დაზიანებების მიუხედავად, ისინი აგრძელებენ ტერორისტების წმენდისა და სალიკვიდაციო ოპერაციაში მონაწილეობას კოალიციურ ძალებთან ერთად“, - ნათქვამია სამინისტროს განცხადებაში.
უწყების ინფორმაციით, თავდაცვის ძალების მართვის ცენტრი გადასულია საგანგებო მდგომარეობაზე. სიტუაციურ ოთახში თავდაცვის მინისტრი ირაკლი ღარიბაშვილი და თავდაცვის ძალების მეთაური გენერალ-ლეიტენანტი ვლადიმერ ჩაჩიბაია იმყოფებიან და პირდაპირ რეჟიმში აკვირდებიან მოვლენების განვითარებას.
საქართველოს თავდაცვის ძალების მე-12 ბატალიონი „მტკიცე მხარდაჭერის“ სამშვიდობო მისიას ბაგრამის საავიაციო ბაზაზე ნოემბრიდან ასრულებს.
ჯერჯერობით, ტერაქტზე პასუხისმგებლობა არც ერთ ტერორისტულ ორგანიზაციას არ აუღია, თუმცა აღნიშნულ ტერიტორიებზე ორი დაჯგუფება - "თალიბანი" და "ისლამური სახელმწიფო" მოქმედებს.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთო, ყველა ჯარისკაცი მშვიდობით დაუბრუნე ოჯახებს!
მადლობა ღმერთს, რომ გადარჩნენ. ჯანმრთელობას და მშვიდობით დაბრუნებას ვუსურვებ ყველას.