"რუსმა ტურისტებმა ჩემს ბინაში საქართველოს ისტორიის წიგნი დაწვეს..." - რა ფოტოებს ავრცელებს ილიაუნის პროფესორი

მარკეტინგის სპეციალისტი, ილიაუნის პროფესორი თორნიკე გურული "ფეისბუქის" პირად გვერდზე სამწუხარო ფაქტის შესახებ წერს. გურულის თქმით, მის ბინაში სტუმრად მყოფმა რუსებმა საქართველოს ისტორიის წიგნი დაწვეს.

რუსულენოვანი საქართველოს ისტორიის წიგნი მე-11 მე-13 საუკუნეების ისტორიას მოიცავს. გურულის გამოქვეყნებულ ფოტოებზე ჩანს, როგორ არის დამწვარი წიგნის ფურცლები:

"სამწუხაროა, რომ ასეთი ფაქტები ხდება. რუსმა ტურისტებმა ჩემს ბინაში საქართველოს ისტორიის წიგნი დაწვეს და გაიპარნენ" - წერს ილიაუნის პროფესორი.

თორნიკე გურულს პოსტის კომენტარებში ურჩევენ, რომ ტურისტები იპოვოს და უჩივლოს:

"პოლიციაში განაცხადე, არ შეიძლება ამაზე თვალის დახუჭვა"

"პასპორტის მონაცემი თუ გაქვს, საზღვარზე უნდა ავაგდოთ ეგენი, კერძო საკუთრების განზრახ დაზიანებისთვის. ყელში მომაწვა ეს რომ ვნახე!"

"ერთი ისტორია ვიცი კიდევ, ყავა აურიეს ზეთში, ახალგარემონტებული კედლები დაუსვარეს მასპინძელს და გაიპარნენ...#ღრუსები"

"ალბათ ამოიკითხეს რაღაც, რამაც ძალიან გააღიზიანა... არაადამიანები!"

"დაწვავდნენ აბა რა იქნებოდა, მე-11 საუკუნეში ეგენი საერთოდ სად იყვნენ და ჩვენ სად რომ შეადარეს, შურისგან ცეცხლი წაეკიდათ და მერე წიგნსაც გადაეკიდა"

"უნიტაზი ადგილზეა? ხომ არ წაიღეს?" - წერენ ინტერნეტმომხმარებლები კომენტარებში.