28
მარტიდღის ზოგადი ასტროლოგიური პროგნოზი
საუდის არაბეთის სამეფო ოჯახის ცნობილი წევრი, პრინცესა ბასმა ბინტ საუდ ბინ აბდულაზიზი გაუჩინარდა - „დოიჩე ველეს“ ინფორმაციით, ის, შესაძლოა, რიადში, შინაპატიმრობაში იმყოფებოდეს.
პრინცესა დიდი ხნის განმავლობაში მხარს უჭერდა სამეფოში საკონსტიტუციო რეფორმასა და მნიშვნელოვანი ჰუმანიტარული პრობლემების გადაჭრას.
გამოცემის წყაროს ინფორმაციით, პრინცესა ქალიშვილთან ერთად სამკურნალოდ შვეიცარიაში წასვლას გეგმავდა. ის გასულ წელს 18 დეკემბერს უნდა გაფრენილიყო - ბასმას შვეიცარიელმა ექიმმა დაუყოვნებლივი გამოკვლევების ჩატარება ურჩია. გამგზავრებაში ამერიკაში მყოფი ადვოკატი, ლეონარდ ბენეტი ეხმარებოდა, რომელმაც „დოიჩე ველესთან“ განაცხადა, რომ პრინცესას თვითმფრინავს აფრენის საშუალება აეროპორტიდან არ მისცეს.
შემთხვევიდან ორი თვის შემდეგ ბასმასთან დაკავშირება ადვოკატმა ვერ შეძლო, არავინ იცოდა მისი ადგილსამყოფელი. უამრავი მცდელობის შემდეგ ბენეტმა შეძლო პრინცესასთან საუბარი და ადვოკატს დარჩა შთაბეჭდილება, რომ ბასმა ტყვედ იმყოფებოდა.
პრინცესასთან დაახლოებული წყაროები ამბობენ, რომ სამეფო ოჯახში მისი გამგზავრების რეალური მიზეზის გამოძიება სურდათ. მათ დაადგინეს,რომ ბასმას ნამდვილად სამედიცინო დახმარების მისაღებად სურდა გამგზავრება, თუმცა პრინცესა ამ დრომდე დაკავებულია. წყარო დარწმუნებულია, რომ ბასმას პატიმრობას პოლიტიკური სარჩული აქვს.
პრინცესას ხუთი შვილი ჰყავს. 2006 წლიდან ადგილობრივი მედიისთვის პუბლიკაციებს წერდა, მოგვიანებით კი ბიზნესსაქმიანობები წამოიწყო და რეფორმების აუცილებლობის შესახებ ხშირად საუბრობდა, რაც ყოველთვის მისაღები არ იყო ქვეყნის მმართველებისთვის.
ქმართან დაშორების შემდეგ 2010-2011 წლებში ლონდონში გადავიდა საცხოვრებლად და ხშირად ჩნდებოდა საჯაროდ - მონაწილეობდა სხვადასხვა საერთაშორისო ფორუმში, საუბრობდა კორუფციაზე, ჰუმანიტარულ კრიზისზე. ხაზს უსვამდა რეფორმების საჭიროებას, რომელიც შეზღუდავდა რელიგიური პოლიციის უფლებამოსილებას და ქალების უფლებები გაიზრდებოდა.
საუდის არაბეთში 2015 წელს დაბრუნდა, თუმცა საჯარო გამოსვლებს კვლავ განაგრძობდა. ბასმა მედიაში ბოლოს 2018 წელს გამოჩნდა, არაბულ BBC-სთან მან ქვეყნის ხელისუფლებას მოუწოდა, იემენში ომი შეეწყვიტა.
ადვოკატი და ბასმას ოჯახის წევრები შიშობენ, რომ პრინცესას ჯანმრთელობის მდგომარეობა, შესაძლოა, მნიშვნელოვნად გაუარესებულიყო.
ესეც ჩვენ ვიდარდოთ?
ისე, ოჯახის რესურს რომ გამოიყენებ და მერე იქით შეუტევ, აბა რა ვიცი?