მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
19 ნოემბერს „ბილტმორ თბილისში“ „კარიერული განვითარებისა და გლობალური დასაქმების ფორუმი გაიმართება“
14:18 / 18-11-2019
„კარიერული განვითარების ცენტრი“ 19 ნოემბერს სასტუმრო „ბილტმორ თბილისში“ საქართველოში წამყვანი 15 უნივერსიტეტის თანაორგანიზებით ატარებს „კარიერული განვითარების და გლობალური დასაქმების ფორუმს“, რომელის მიზნებია:
- შრომით ბაზარზე ადამიანური კაპიტალის განვითარება;
- კვალიფიციური და მოტივირებული სპეციალისტების რიცხვის ზრდა;
- სტაჟირების პროგრამების და დასაქმების ხელშეწყობა;
საქართველოში ერთ-ერთ ყველაზე გავრცელებულ პრობლემას შრომით ბაზარზე არსებული მდგომარეობა წარმოადგენს. პარადოქსია, მაგრამ ქვეყანაში არსებული უმუშევრობის მაღალი მაჩვენებლის ფონზე ძალიან რთულია კვალიფიციური და მოტივირებული პერსონალის შერჩევა. ქვეყნის შრომისუნარიანი მოსახლეობის უმეტესობა არ მუშაობს საკუთარი პროფესიით ან არ უყვარს საქმე, რომელსაც აკეთებს. პრობლემა გაცილებით სიღრმისეულია და პირველად თავს იჩენს მოზარდობის ასაკში, როდესაც ახალგაზრდამ უნდა მიიღოს ცხოვრებისეულად მნიშვნელოვანი გადაწყვეტილება - აირჩიოს პროფესია.
არასწორად შერჩეული პროფესიის შედეგად, ადამიანი სწავლობს დაბალი მოტივაციით, ეკიდება საქმეს გულგრილად, მალევე ტოვებს პროფესიას და სამსახურსაც; შედეგად ზარალდება თავად პიროვნება - რადგან ეს უკავშირდება ადამიანური რესურსის ფლანგვას, საბოლოო ჯამში კი,ასეთი სპეციალისტის გაწეული შრომით ზარალდება საზოგადოება.
სწორედ ამ პრობლემების გადასაჭრელადაა ორგანიზებული „კარიერული განვითარებისა და გლობალური დასაქმების“ ფორუმი, რომელიც აქამდე ჩატარებული მსგავსი პროექტებისგან განსხვავებულად ჩატარდება:
13:00 საათზე დაიწყება პანელი, რომლის ფარგლებშიც განხილება ქართულ შრომით ბაზარზე როგორც დამსაქმებლების, ასევე სამუშაოს მაძიებლების თვალით დანახული პრობლემები. პანელში მოწვეული სპირეკები არიან: „კარიერული განვითარების ცენტრის“ დამფუძნებელი მერი ტარიელაშვილი, ფსიქოლოგი, ასოცირებული პროფესორი სოფიო დოლიძე, „საქართველოს ეროვნული უნივერსიტეტი სეუს“ ვიცე-რექტორი გიორგი ცხვედიანი, ადამიანური რესურსის დეპარტამენტის წარმოამდგენლები: სამაუწყებლო კომპანია რუსთავი 2-დან თამილა გველესიანი და საქართველოს ეკონომიკისა და მდგრადი განვითარების სამინისტროდან თამარ ქარჩხაძე.
14:30 საათიდან დაიწყება დასაქმების ფორუმი, რომელზეც წარმოდგენილი იქნება, ერთი მხრივ უნივერსიტეტები: თსუ, ილიაუნი, საქართველოს ეროვნული უნივერსიტეტი სეუ, კავკასიის უნივერსიტეტი, შავი ზღვის საერთაშორისო უნივერსიტეტი, თბილისის ღია უნივერსიტეტი, თბილისის ჰუმანიტარული უნივერსიტეტი, საქართველოს ტექნიკური უნივერსიტეტი, თსსუ და სხვა, მეორე მხრივ კი უმსხვილესი კომპანიები საქართველოს მასშტაბით. მათ შორისაა: სასტუმრო „ბილტმორ თბილისი“, „საქართველოს ბანკი“, „საქართველოს უზენაესი სასამართლო“, „სარაჯიშვილი“, „კარფური“, „ვისოლი“, „ლიბერთი ბანკი“, ტელეკომპანია „იმედი“, „დანკინ დონატსი“, „ბიბლუსი“, „ავერსი“, „გაგრა პლუსი“, „MGroup”, სასტუმრო „Ramada Encore”, “პალიტრა მედია ჰოლდინგი“, „ქირურგიის ეროვნული ცენტრი“, „თი ბი სი ბანკი“"”, „Mკვადრატი“, ტელეკომპანია „იმედი“, „ეკონომიკის სამინისტრო“, „Pinzeria by Bontempi” “სმარტი“ და სხვ.
თქვენ შეგეძლებათ ინფორმაცია მოიპოვოთ რეალური ვაკანსიების შესახებ, დატოვოთ საკუთარი რეზიუმე, გაეცნოთ იმ კარიერულ სერვისებს, რომლებიც დაგეხმარებათ, შრომით ბაზარზე არსებული მაღალი კონკურენციის პირობებში, იყოთ ლიდერები. ასევე გაეცნობით იმ სტანდარტებს, რომლითაც ხელმძღვანელობენ ქართველი დამსაქმებლები, როგორც კერძო, ასევე საჯარო სექტორიდან, თანამშრომლების სელექციის პროცესში.
ფორუმში მონაწილეობა ნებისმიერი ასაკის ადამიანისთვის უფასოა. რეგისტრაციისთვის გადადით ბმულზე:
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
