მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პირდაპირი გზა ჩეჩნეთსა და საქართველოს შორის - რა იდეით გამოდის რამზან კადიროვი და რას ისახავს მიზნად პროექტი
11:08 / 14-11-2019
ჩეჩნეთის ლიდერი რამზან კადიროვი ჩეჩნეთიდან საქართველოს მიმართულებით პირდაპირი გზის მშენებლობის ინიციატივით გამოდის. ამის შესახებ რუსული სააგენტო Tass.ru წერს, რომლის ცნობითაც, გზის მშენებლობა ჩეჩნეთის პირველი სამხედრო კამპანიის დასრულების შემდეგ დაიწყო, თუმცა 1998 წელს ქართულმა მხარემ პროექტი შეაჩერა.
კადიროვი იმედოვნებს, რომ ჩეჩნეთისა და საქართველოს დამაკავშირებელი გზა რუსეთს საქართველოსთან ლოგისტიკის საკითხების დალაგებაში დაეხმარება. პროექტის შესახებ მან ჟურნალისტებთან ისაუბრა და აღნიშნა, რომ უახლოეს მომავალში მის განხორციელებას შეძლებს.
"იტუმ-კალეს რაიონიდან საქართველომდე 40-50 წუთის გზაა, რომელიც ადრე მოქმედებდა. ეს გზა ჩრდილოეთ კავკასიის რეგიონისთვის ძალიან მნიშვნელოვანია. იმ შემთხვევაში, თუ ეს გზა გაიხსნება, მოსახლეობას, საქართველოს გავლით, თურქეთში გადასვლა, იქიდან კი, ევროპაში მოხვედრა შეეძლება. სასურველია გაიჭრას რკინიგზაც, მით უფრო, რომ ეს ორივე მხარისთვის მომგებიანი იქნება", - აცხადებს კადიროვი.
ჩეჩნეთის ლიდერი მიიჩნევს, რომ გზის მშენებლობის იდეა რუსეთის ტრანსპორტის სამინისტრომ და პრეზიდენტმა უნდა განიხილონ, თუმცა ეს არ ნიშნავს, რომ პროექტი განხილვისთანავე დაიწყება.
"ფაქტია, რომ არის ამ გზის გახსნის საჭიროება და სურვილი. იმედი მაქვს, საქართველოში თანდათანობით მიხვდებიან, რომ მათი საუკეთესო მეზობელი რუსეთია", - აცხადებს კადიროვი.
ამჟამად საქართველოსა და რუსეთს შორის დამაკავშირებელი ერთადერთი ოფიციალური გზა სტეფანწმინდა-ლარსის მონაკვეთზე გადის, რომელსაც საქართველოს სამხედრო გზას უწოდებენ.
როგორც Kavkaz-uzel.eu წერს, ჩეჩნეთის ლიდერი პუტინისთვის, ტრადიციულად, ერთგულების დამტკიცებას ცდილობს. ამ შემთხვევაშიც, "მან, საკუთარი მეფისთვის თავის მოსაწონებლად, კიდევ ერთი ნაბიჯი გადადგა. კადიროვი ცდილობს, პუტინს აჩვენოს, რომ მხოლოდ ჩეჩნეთის კი არა, მთლიანად რუსეთის კეთილდღეობაზე ზრუნავს".
Kavkaz-uzel.eu წერს, რომ ბოლო დროს რუსეთში კადიროვისა და პუტინის რეიტინგებზე საუბრობდნენ. ჩეჩნეთის ადმინისტრაციის უფროსის, გალას ტაიმასხანოვის თქმით, მოსკოვში ჩატარებულ სემინარზე, სადაც რუსეთის რეგიონების შიდა პოლიტიკა განიხილეს, ჩეჩნეთი ეფექტური შიდა პოლიტიკის გატარების გამო, პირველ ადგილზე აღმოჩნდა.
"რასაკვირველია, ჩეჩნეთის მოსახლეობის დიდ ნაწილს პუტინისა და კადიროვის მღალი რეიტინგის არ სჯერა. შეხვედრაზე არაფერი თქმულა იმის თაობაზე, თუ რამდენი ადამიანი ცხოვრობს კადიროვის მთავრობის წნეხის ქვეშ. ისინი გაპროტესტებასაც ვერ ბედავენ, რადგან ხმის ამოღების უფლება არ აქვთ", - წერს გამოცემა.
ინტერნეტ-მომხმარებლები წერენ, რომ არც ჩრდილოეთ კორეაში არსებობს საპროტესტო განწყობა, რადგან იციან, რა ელით. სხვები აზრს ირონიულად გამოხატავენ. მათი თქმით, ყველაფერი კარგად არის, უბრალოდ ჩეჩნები ამას ვერ ამჩნევენ.
lenta.ru-ს ცნობით, ცოტა ხნის წინ ძალოვნებმა განმარტეს თუ რაში სჭირდება კადიროვს რამდენიმე ათეული მანქანისგან შემდგარი კორტეჟი. დაღესტნის შსს-ს ყოფილმა თანამშრომელმა, მაგომედ შამილოვმა ჩეჩნეთს "ძალიან მძიმე და სახიფათო" რეგიონი უწოდა. მისი თქმით, რესპუბლიკების ლიდერთა დაცვის საკითხი რუსეთის კანონმდებლობითაა განსაზღვრული და "თუ კადიროვი რუსეთსა და ჩეჩნეთის რესპუბლიკას სჭირდება, ის დაცულიც უნდა იყოს". 5 ნოემბერს სოციალურ ქსელში გავრცელდა ვიდეო, სადაც რამზან კადიროვს 15 შავი მანქანა აცილებს. ინტერნეტ-მოხმარებლებმა ამის გამო კადიროვი მწვავედ გააკრიტიკეს და აღნიშნეს, რომ სინამდვილში მას 2-3 ჯერ მეტი მანქანისგან შემდგარი კორტეჟი იცავს", - წერს გამოცემა.
ფაქტია, რომ ჩეჩნეთის ლიდერი რუსეთის კარზე შეუზღუდავი ძალაუფლებით სარგებლობს და ის გარემოებაც, რომ თავს უფლებას აძლევს მსგავსი იდეებით გამოვიდეს, სწორედ ამაზე მეტყველებს.
შეგახსენებთ, რამზან კადიროვმა მსგავსი განცხადებები ადრეც გააკეთა. 2018 წელს მან განაცხადა, რომ მოლაპარაკებებს გზის მშენებლობასთან დაკავშირებით, რუსეთის მთავრობასთან აწარმოებდა. 2014 წელს კი კადიროვმა განაცხადა, რომ არა მარტო საავტომობილო, არამედ სარკინიგზო ხაზის მშენებლობაც სურდა, რომელიც ჩეჩნეთს საქართველოსთან დააკავშირებდა.
საქართველოს საგარეო საქმეთა სამინისტრო უარყოფს გავრცელებულ ცნობებს რუსეთ-საქართველოს დამაკავშირებელი ახალი სამანქანო გზის გახსნასთან დაკავშირებით. თუმცა, კავკასიის საკითხებზე მომუშავე გამოცემა OC Media-ს თანახმად, გროზნო-შატოი-იტუმ კალე-შატილის 66-კილომეტრიანი საავტომობილო გზის მშენებლობა ჩეჩნეთის 2012 წლის სოციალურ- ეკონომიკური განვითარების სტრატეგიაში იყო გათვალისწინებული, რაც 2025 წლამდე უნდა შესრულდეს.
მკითხველის კომენტარები /
38 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გზა არა შვანცკი
ჩრდილოეთ კავკასიისთვის მიშვნელოვანიაო _ ამბობს კადიროვი. ვიცით ბატონო! მაგრამ ჩვენ რა სარგებელს მოგვიტანს ეგ გზა? ჩრდილოეთ კავკასია რუსეთის ფედერაციაა, ხოლო რუსეთს ოკუპირებული აქვს ჩვენი მიწა. ჯერ ოფიციალურად აღიაროს ჩეჩნეთის რესპუბლიკამ, რომ ცხინვალი შიდა ქართლის ნაწილია და როდესაც დავბრუნდებით ჩვენს მიწაზე მერე გავაკეთოთ გზა... მაგრამ ეს პროექტი იმას ემსახურება, რომ ე. წ. "სამხრეთ ოსეთი" ჩრდილოელ ოსებს შეუერთონ. შეაგროვებენ პეტიციებს და "სამხრეთ ოსეთს" შეუერთებენ რუსეთის ფედერაციას თუ რაიმე პრეტენზია გვექნება, ამ გატკიცინებული, ახალი გზით 50 წუთში შემოვა რუსეთის სამხედრო ძალა... თანაც ამბობს ქართველები მიხვდებიან, რომ რუსეთი მათი საუკეთესო მეგობარიაო. თურმე ვერ ვხვდებოდით აქამდე... თურმე გაუგებარი ხალხი ვყოფილვართ. ვიცნობთ ჩვენ მაგ "მეგობარს" და თქვენც პუტინის ერთგულო და მისი მიზნების გამტარებელო ბატონო რამზან.